Su ke keduma tew te penduan ne kenà arà se kebpekeliyu tew te salà ne ebayàbayà te lawa tew su geina te warà tew megaga te edtuman ke penduan. Ugaid ne Eleteala red se mibpelihaun keytew dut te kinekeuripen tew te salà, su midsuhù din ke Anak din si Hisu Kristu kayi te ampew te dunya ne pinebaluy rin ne etew iring keytew, ugaid ne warà salà din. Ne kayi te kinepebpatey rin mekeatag te salà tew, ne pineliyu ki te Eleteala rut te kebayàbayà te salà te lawa tew.
Hibruhanen 10:1 - Ke meupiya ne tudtul mekeatag ki Hisu Kristu1 Iyan dan midumaan dut te penduan ne imbehey te Eleteala ki Moises dengan ne alung-alung dà su in-upama rà dut te tidtu ne keupianan ne ebpekeuma. Ne ke tidtu ne keupianan ne nekeuma en kayi te kenitew impepevayà ki Hisus. Su nekahi te penduan ne uman rahun ne iyan pegingawà ne ruen menge binatang ne ibpelengesa ne ibehey riyà te Eleteala su apey egkeawà ke salà dut te menge etew. Ugaid ne misan iring ketà se ed-ul-ulaan dan taman te taman, ne warà mekegaga arà te kebmetidtu te menge etew su apey ran ebpekeuvey te Eleteala. အခန်းကိုကြည့်ပါ။ |
Hibruhanen 10:1
13 ပူးပေါင်းရင်းမြစ်များ
Tembù be ed-uvey kiyu en te Eleteala se egenat te keputian te atey tew ne kenà eduwaruwa se kebperetiyaya tew kandin. Ed-uvey kiyu kandin su ke lengesa ni Hisus ke midtilak te hinawa tew rut te meraat ne ulaula ne igkevenari te hinawa tew, ne iring te midlùluan din ke lawa tew rut te metingew ne wayig.
Ne netuenan ta te rutun te kinevehey te Eleteala te penduan din diyà te menge Hudiyanen, ne ke menge inenakan ni Levi se midtendù din ne menge terebpelengesa se ebpetumanen dut te penduan, ne si Arun se neuna ne terebpelengesa. Ne embiya nekegaga dut te kinedterebpelengesa ran te ebpeliyu ke menge etew rut te salà dan su apey ki ebpekeuvey te Eleteala, ne warà en atag din te ruen pà maa ebpelepawen ne senge bias ne terebpelengesa ne kenà iring te kinedterebpelengesa ni Arun. Ugaid ne tehaad te kurang en se kinedterebpelengesa ni Arun, tembù be midsuhù te Eleteala ke terebpelengesa tew ne senge bias su iring en te kinedterebpelengesa ni Milkisidik, ne kenà si Arun.
Ugaid ne ke helevek dan te terebpelengesa kayi te ampew te dunya ne iyan din iring ne alung dà wey limbahan dà dut te tidtu ne ed-ul-ulaan diyà te langit. Duen dema baley ne ebpengeningeniyan dan te terebpelengesa ne alung dà dema dut te benar ne diyà te langit. Su ruen migkahi te Eleteala ki Moises te kebpeitindeg din en ketà, ke sikandin te, “Dumai nu nevenar ke langun ne impekita ku keykew te riyà ki te buvungan.”
Na guntaan te ruen en ini se behu ne ralan su nekeuma en si Hisu Kristu ne sikandin en ke Mepurù ne Terebpelengesa tew, ne ibpepevayà kandin ne muna pà se keupianan ne nekeuma kayi te kenitew. Su ke ebpengerapan ne midlusuran din te egelevek te ebpeninindeg kenitew, ne muna pà se keupiya rin su kenà baley ne mibeelan te etew su kenà kayi rà te ampew te dunya.
Ini se ebpengerapan te menge Hudiyanen ne mibeelan te etew kayi te dunya wey ke langun ne neketahù ketà ne ebpekeiring dà ini dut te tidtu ne ebpengerapan diyà te langit, ne iyan pegingawà ne ini ne egketilak dut te lengesa te binatang. Ugaid ne ke tidtu ne ebpengerapan diyà te langit ne iyan pegingawà ne mepmepiya pà ne ibpelengesa ketà.
Ne ke Mepurù te Terebpelengesa te Hudiyanen ne uman rahun ne edlusud sikandin te Punggus ne Berekat ne Ruhu ketà te baley ne ebpengerapan kayi te ampew te dunya su ibehey rin ke lengesa rut te binatang ne impelengesa. Ugaid ne si Hisu Kristu mulà ne warà din isaupsaup te ebehey ke lengesa rin te Eleteala su keseveka rà iya.
ကြော်ငြာတွေ