Gelasiya 4:17 - Ke meupiya ne tudtul mekeatag ki Hisu Kristu

¹⁷ Ne arà se menge etew ne mibpenurù keniyu te ebperumaan kew rut te penduan ni Moises, ne melana ke lalag dan su apey kew meunggi, ugaid ne kenà meupiya se pegungayà dan diyà te keniyu. Su iyan den dà egkiyuhan te ederaat ini se kegkeseveka te hinawa tew su apey kew riyà mekeruma te kandan.

Gelasiya 4:17 ပူးပေါင်းရင်းမြစ်များ

Mateo 23:15

“Mekeyruwiru kew ne menge meyterù te Penduan wey menge Peresiyu su edusaan kew te Eleteala! Uvag en kun ne eduma kew te kiyug te Eleteala! Medmeriyù se ed-ipanewan niyu te tanà wey edlayag kew te rahat su ed-eneb te penurù niyu apey ruen ebpekeperumaruma keniyu. Ne embiya ruen ebpekeperumaruma keniyu, ne nasì en be maa ne warà pelahuy rin te ebpekependiyà te apuy nerakà dut te sikiyu.

Ruma 10:2

Netuenan ku se meilut nevenar se kedtumana ran te penduan te Eleteala, ugaid ne ini se meilut ne kedtumana ran te penduan ne warà mekeudsad dut te benar ne penurù mekeatag kandin.

Ruma 16:18

Su ke menge etew ne iring kayi ne kenà iyan dan edumaan si Hisu Kristu ke Kerenan tew, ugaid ne iyan den dà edumaan ne ke kiyug diyà te hinawa ran. Metau ran ne edlalag wey metau ran ne edlana dut te hinawa te menge etew su apey ran egkeekali ke menge etew ne kenà pà metau dut te benar ne penurù.

1 Kurintu 11:2

Na ruen ed-ul-ulaan niyu ne meupiya su warà niyu lipati ke impenurù ku keniyu, ne edtumanen niyu rema ke insuhù ku keniyu.

1 Kurintu 4:18

Na ruen keniyan te keniyu menge mepereyù su iyan dan kunaan ke kenà ad ebpengkeniyan te edsusi keniyu.

1 Kurintu 4:8

Menu, iyan niyu egkepegitung se kenà kew en ebuyù te ketau te Eleteala su keniyu en ke langun? Iyan niyu kunaan ke mibehayan kew te langun ne ketau ne ibehey te Eleteala, ne iring kew te menge datù. Ugaid ne sikami ne kedserihan din ne warà pà. Meupiya iya maa perem ke embiya edatù kew en su wey sikami ne edatù en dema elin keniyu.

2 Kurintu 11:3

Ne egkeipeng a keniyu su kema ke edsuwey ke hinawa niyu te keduma ki Hisu Kristu, ne kenà egkeseveka ke hinawa niyu kandin. Iring te ned-ulaula rengan ki Eba ne mid-ekalan dut te uled ne metau ne edliyuk ne si Setanas.

Gelasiya 4:16

Menu iyan niyu egkepegitung ne kunterà a nikiyu su atag dut te migkehiyan ku sikiyu te benar?

Gelasiya 4:18

Ne meupiya ke ruen ebpekita te inesa ran keniyu embiya meupiya rema ke pegungayà dan, misan ketà te lius ku en.

Pilipus 2:21

Su ke menge ruma ne iyan dan ibpeuna te itungan ne ke kandan ne keupianan ne kenà arà ke ibpeulaula kandan ni Hisu Kristu.

2 Pedro 2:18

Engkungkun te sikandan ne meralem se lalag dan, ugaid ne warà benar dutun. Ne ebpehuyatan dan ke menge etew ne behu pà ne mid-engked dut te raan ne ulaula ran ne meraat ketà te mibperetiyaya ran. Su egkahi ini se ebpenurù te tarù te kenà kun meraat ke eduma dut te egkiyuhan te lawa ta. Tembù be egkepeneheewit maa ke menge etew te Ebpekedsalà.

2 Pedro 2:3

Ne ini se ebpenurù te tarù ne merakel se ibpenurù dan ne ebèbeelan den dà su ebpementiyari ran kayi te keniyu su egkeeram-am dan te pirak. Ini se menge etew ne neuhet dà ne impenehana te Eleteala ke kedusa rin kandan. Ne kenà edlipereng ke Eleteala, tembù be ke kedusa rin kandan ne ebpekeuma iya.