Gelasiya 3:18 - Ke meupiya ne tudtul mekeatag ki Hisu Kristu

¹⁸ Ugaid ne upama ini, embiya arà se impasad te Eleteala ne ibehey rin ki Abraham su egenat te keduma ni Abraham te penduan ne intahak ki Moises, ne arà se tavang ne impasad din ne warà atag din. Ugaid ne kenà iring ketà su arà se impasad te Eleteala ne ibehey rin ki Abraham, ne imbehey rin dà dè duen su impasad din.

Gelasiya 3:18 ပူးပေါင်းရင်းမြစ်များ

Ruma 8:17

Ne geina te nevaluy ki en ne tuney ne anak din, ne ruen hewii ne ebpekeuma ne egketelimà tew ke langun ne keupianan ne impasad din keytew, ne kenà arà dà su langun te keupianan ne imbehey rin ki Hisus ne ebpeketelimà ki red dema. Su embiya edrumerasey ki guntaan sabap dut te keduma tew ki Hisu Kristu, ne ebpekeamung ki dut te kebpepurù kandin keuremà.

Gelasiya 2:21

Su embiya edlived e red te keduma rut te penduan ne intahak ki Moises, ne ed-iniyug a te tavang te Eleteala ne midtelimà ku pehaney. Su embiya iyan kebmetidtu te etew ne eduma dut te penduan ni Moises, ne warà en pantag din ke kinepatey ni Hisus.”

Gelasiya 3:10

Ugaid ke langun ne menge etew ne iyan dan edserihan te kebmetidtu ran te edtuman dut te penduan ni Moises, ne nekukum dan en te kedusa te Eleteala. Su ruen impesurat ne Lalag te Eleteala ne egkahi te, “Langun ne menge etew ne kenà edtuman dut te langun ne penduan ni Moises, ne edusaan te Eleteala.”

Gelasiya 3:12

Su kenà ke kedsarig tew rut te penduan ni Moises se ibmetidtu tew riyà te etuvangan te Eleteala, ugaid ne ke kedtuman ta rut te penduan. Su ruen impesurat ne Lalag te Eleteala ne egkahi te, “Ke etew ne edsarig dut te penduan ni Moises ne iyan iya se edtumanen din ke langun ketà su apey egkevehayan te umur ne warà edtemanan din.”

Gelasiya 3:16

Ini se sempità ku ne iring dut te Eleteala su ruen impasad din ki Abraham wey riyà te senge etew ne inenakan din. Kenà diyà te langun ne inenakan ni Abraham arà te impasad te Eleteala, ugaid ne riyà te senge etew te inenakan din ne si Hisu Kristu.

Gelasiya 3:26

Ketà be ne egenat te sarig niyu ki Hisus ne nevaluy kew rema ne anak te Eleteala.

Gelasiya 3:29

Su embiya tidtu kew ne mibpekidseveka ki Hisus, ne nevaluy kew ne iring te inenaken ni Abraham ne ebpekeamung kew rema te edtelimà dut te impasad te Eleteala kandin.