Gelasiya 3:15 - Ke meupiya ne tudtul mekeatag ki Hisu Kristu

¹⁵ Menge suled ku, ruen idsempità ku keniyu. Embiya ruen deruwa ne etew ne ebaal te pasad dan, ne kenà en egkepakey ne edsembian embiya nekesurat en ke ngaran dan. Warà etew ne ebpekesambì ketà, ne warà etew ne edwaraan din.

Gelasiya 3:15 ပူးပေါင်းရင်းမြစ်များ

Nenged-ulaula 1:15

Senge hewii ketà ne ruen kevurunan te menge mibperetiyaya ne menge mehatus dan wey deruwa nepulù se miburun, ne mid-itindeg si Pedro se edlalag.

Ruma 1:13

Menge suled, ebpeketuenan ku keniyu te kenà kepipira ku rà pegitunga te kebpenumbaley ku riyà te keniyu, ugaid ne ruen ma ebpekevangen kediey. Su egkesuatan ku ne ebpemesabut a riyà te keniyu su apey ruen etew ne ebpekeperetiyaya ki Hisus iring dut te kinepesabut ku riyà te ruma ne menge inged ne kenà Hudiyanen.

Ruma 3:5

Kalu ke ruen menge etew ne iyan dan ebpegitungen ne egkepakey ne ed-ulaula ki te mereat su kayi ebpuun ne egkekita te menge etew te metidtu ke Eleteala su kenà iring keytew, ketà ne kenà dait ne edusaan te Eleteala ke menge etew ne ed-ulaula te meraat. (Ini ne mibeelan dà ne lempawi dut te etew kayi te ampew te dunya.)

Ruma 6:19

Iyan ku insempità ke egked-ulaula te uripen su apey niyu melemu mesebuti ke impenurù ku keniyu, su ini se kebperetiyaya niyu ne warà pà mekedalid. Su rengan ne iring te mibpeuripen kew te meraat su inrumakan niyu ke lawa niyu te ed-ulaula te meredsik wey ke meraat ne ed-isab pà. Ugaid ne guntaani ne iyan iya se ivehey niyu ke lawa niyu riyà te Eleteala te edtuman te ulaula ne metidtu su apey kew metilak diyà te etuvangan din.

1 Kurintu 15:32

Kayi te inged ne Ipisu ne ke menge kunterà ku ne iring te menge mehintelunan ne binatang ne egkesuatan e ran te edaas. Ne meambe ke edtigkeran ku pà se iring kayi embiya ebpatey a ne kenà a egkevanew? Su embiya warà egkeperateng ku keuremà, ne iyan pà tumù se ebpemengà a te kehelawan ku iring dut te beseanan ne egkahi te, “Na ed-inum wey egkaan kiyu en su kalu ke mehaan kiyu en ebpatey ne id-anew kiyu en langun.”

Gelasiya 6:18

Menge suled, iyan ku ebpengeningeniyen ne ebpeneuven kew ni Hisu Kristu ke Kerenan tew. Ini rà taman. Pablo

Hibruhanen 6:13

Na iyan niyu tentenuri ne si Abraham. Su rengan ne ruen impasad te Eleteala kandin, ne kiyug din ne egketuenan ni Abraham se egketuman ini se impasad din. Tembù be ruen impenendan din te mevaher. Ne geina te warè en mepurù kandin, ne ini se kinepenendan din ne impepevayà din dut te kandin ne ngaran.

Hibruhanen 6:16

Na, embiya ruen etew ne egkiyug ne egketuenan din te egketuman iya arà se impenendan din, ne ini se impenendan din ne ibpepevayà din dut te ngaran te etew ne mepurù pà kandin. Ne embiya iring ketà se ulaula te etew ne ebpenendan, ne egkeperetiyaya te ruma ne etew ne metidtu ini se pasad din ne ketà be ne warè en ebpeep-epuley.

Hibruhanen 9:17

Su ini se epidavit, ne warà igkevehey rin taman ne biviyag pà ke kemuney te kearen. Iyan din kebpekevehey ke minatey en ke kemuney te kearen.