Gelasiya 2:20 - Ke meupiya ne tudtul mekeatag ki Hisu Kristu

²⁰ Ne sabap dut te kinesarig kud ki Hisus ne iring te nekeamung ad te kinepatey rin diyà te pinebelavag ne kayu. Su ingenat ketà ne kenà ke kiyug ku se edwayàwayà kedì, ugaid ne ke kiyug ni Hisu Kristu su sikandin se ed-ubpà kayi te hinawa ku. Ne taman te kayi e pad ed-ubpà te ampew te dunya ne idtepeney ku ke umur ku te edtuman dut te kiyug ni Hisus ke Anak te Eleteala ne egkelimù kedì ne midselidig kedì te kebpatey.

Gelasiya 2:20 ပူးပေါင်းရင်းမြစ်များ

Mateo 20:28

Med-iring sikandin dut te Impeanak te Menusiyà te kenà iyan din kinepengkayi te ampew te dunya ne apey metevangi te menusiyà. Ugaid ne iyan din kinepengkayi ne apey rin metevangi sikandan, ne egkeimetayan su apey merakel se egkevelukasan.”

Mateo 4:3

Ne mid-uvey kandin si Setanas ke datù te pekaid ne mibpenggeraman din se egkahi te, “Embiya sikuna en ke Anak te Eleteala ne pebeluya nu ini se menge batu ne pan ne egkekaan.”

Juan 1:49

“Meyterù,” ke si Natanael, “sikuna ves iya ke Anak te Eleteala! Sikuna en iya ke Edatù keytew ne menge kevuwaran ni Israyil!”

Juan 10:11

“Siak ke meupiya ne tumetuganur,” ke si Hisus, “su andam a ne ebpebpatey apey kenà mekeiri ini se menge bilibili ku.

Juan 15:13

Embiya ruen etew ne ebpebpatey su limù din dut te ruma rin, ne arà en imbe ke punggus te limù.

Juan 17:21

Su apey langun te sikandan ne meseveka, Amà, iring te ini ka te kedì wey riyan a rema te keykew. Uya, meseveka ran perem kayi te keyta su apey ebpekeperetiyaya ke menge etew kayi te ampew te dunya te midsuhù a nu.

Juan 3:16

“Su kayi ebpuun te rekelà ne limù te Eleteala rut te langun ne menge etew kayi te ampew te dunya ne warà din ingkenuhuni ke budtung ne anak din, ugaid ne midsuhù din te ebpatey riyà te pinebelavag ne kayu su apey langun te ebperetiyaya kandin ne kenà edusaan te Eleteala ugaid ne ebpeketelimà dan te umur ne warà edtemanan din.

Juan 3:35

Su igkelimù nevenar te Eleteala ini se anak din ne midsuhù din, ne imbehey rin kandin ke gehem te ebayàbayà te langun taman.

Juan 6:57

Ke Amey ku ne Eleteala ne midsuhù kedì ne ruen umur din ne warà edtemanan din ne ketà ebpuun ne ruen kedì ne umur. Ne iring dema ketà ke etew ne egkaan kediey, egkevehayan sikandin te umur su kayi ebpuun te kediey.

Juan 6:69

Ne mibperetiyaya key en keykew su netuenan dey se sikuna ke Berekat ne midsuhù te Eleteala ne ebpekemalen.”

Nenged-ulaula 8:36

Neiseg-iseg te ked-ipanew ran ne ruen neumaan dan te wayig. Migkahi ke meama te, “Ruen wayig ini. Menu, egkepakey en ne ebunyahan a nu?” [

Nenged-ulaula 9:20

Dutun ne mibpendiyà sikandin te menge baley ne ebpengedian te menge Hudiyanen te penduan dan su ebpesabut te si Hisus ke Anak te Eleteala.

Ruma 1:17

Su egenat dut te Meupiya ne Tudtul ne impayag keytew te Eleteala se ralan te kebmetidtu tew riyà te etuvangan din embiya ebperetiyayaan tew si Hisu Kristu. Su warà en duma ne ralan liyu rà kayi te kedsarig tew kandin. Su ruen impesurat ne Lalag te Eleteala ne egkahi te, “Ke etew ne midsarig en te Eleteala ne iyan metidtu riyà te etuvangan din, ne egkevehayan sikandin te umur ne warà edtemanan din.”

Ruma 14:7

Su taman te biviyag ki pà ne kenà sikitew se kemuney kayi te hinawa tew, ne misan ketà te ebpatey ki en ne ruen kemuney keytew.

Ruma 3:22

Ne ini ke impayag din ne ralan te embiya ebperetiyayaan tew si Hisu Kristu ne iyan kedtengteng te Eleteala keytew ne metidtu ki riyà te etuvangan din. Su piya engkey ne etew ne ebperetiyaya ki Hisu Kristu ne iyan kedtengteng kandin te Eleteala ne metidtu diyà te etuvangan din, su warà ebpedlebien din dut te menge etew.

Ruma 4:25

Su si Hisus ke imbehey te Eleteala ne ebpebpatey mekeatag dut te menge salà tew, ne mibanew sikandin te Eleteala su apey iyan din kedtengteng keytew ne metidtu riyà te etuvangan din.

Ruma 5:2

Su sabap dut te kebperetiyaya tew ki Hisus ne netelimà tew en ke tavang te Eleteala te in-ulug din ke raat te nanam din keytew. Ketà be ne egkehalew ki su ruen ebpenerengen tew ne hewii ne ebpekeamung ki red te Eleteala riyà te ed-ubpaan din ne kenà igkeupama se keupiya rin.

Ruma 5:6

Na pegitunga niyu ma ke pengelimuan keytew te Eleteala, su rengan te warà kiyu pà mebperetiyaya ne warà dalan te kegkegaga te meupiya ne ulaula tew su iring te uripen kiyu te salà tew, ugaid ne neuma en ke hewii ne andang ne midtendù te Eleteala ne mibpebpatey si Hisu Kristu su selidig te langun tew ne mekesesalà.

Ruma 5:8

Ugaid ne impayag te Eleteala ke pengelimuan din keytew su midsuhù din si Hisu Kristu te ebpebpatey mekeatag keytew te mekesesalà ki pà.

Ruma 6:13

Kenà niyu iluhut te misan endei rapit te lawa niyu te ed-ulaula te meraat, ugaid ne iyan niyu luhuti ne Eleteala se ebayàbayà keniyu te piya engkey ne metidtu ne ulaula ne kiyug din. Su iyan ini edait keniyu geina te nekeliyu kew en te kemetayen ne mibehayan kew en te behu ne kegkeuyag.

Ruma 6:8

Na geina te netuenan tew en te ketà te kinepatey ni Hisus ne iring te nekeunung ki en kandin, ne netuenan tew te egkevanew ki red dema su ruen en egkevehu ne umur tew iring kandin.

Ruma 8:10

Ugaid ne embiya si Hisu Kristu se ed-ubpà diyà te hinawa niyu ne misan ebpatey ini se lawa niyu su geina te ruen salà niyu, ne ke gimukud niyu ne ed-ubpà diyà te Eleteala taman te taman su iyan din kedtengteng keniyu ne metidtu riyà te etuvangan din.

Ruma 8:37

Ugaid ne misan egkerasey ki iring ketà ne kenà ki ebpetalew, su iyan ki red ebpeketavan su atag dut te gehem ni Hisu Kristu ke nelimù keytew.

1 Kurintu 6:17

Ne iring ded dema ke etew ne ebpekidseveka ki Hisu Kristu ke Kerenan tew, su egkeseveka ke hinawa rin ki Hisu Kristu.

2 Kurintu 1:24

Ne kenà dey iyan itungan ne ebayvayaan dey sikiyu ke engkey se kebperetiyaya niyu mekeatag ki Hisu Kristu, su netuenan dey te nekesuhat ke kebperetiyaya niyu. Ugaid ne iyan dey kiyug ne edtavang key keniyu su apey ebpekeiseg ke kegkehalew niyu te keduma ki Hisu Kristu.

2 Kurintu 10:3

Kenà benar arà su misan etew a rà ne ed-ubpà kayi te ampew te dunya, ugaid ne ini se ralan te ked-atu rey dut te langun ne meraat ne egkunterà te Eleteala ne kenà ke itungan dey rà te kememenusiyai.

2 Kurintu 11:10

Ne ini se egkehiyen ku keniyu ne egkeserihan iring dut te lalag ni Hisus ne egkeserihan. Su misan endei a ebpesinaru, riyà te keniyu etawa ruma pà ne inged lusud te Gerisiya, ne egketuman ini se pasad ku te kenà a ebuyù te misan engkey.

2 Kurintu 13:3

Geina te iyan niyu kiyug ne ruen tuus te si Hisu Kristu ke midsuhù kedì, ne ibpekita ku keniyu ke kewayà ku embiya ruen en ebpedselaan ku. Su si Hisu Kristu ne eduma kedì ne warà keluvey rin te edusa te etew ne nekedsalà su dekelà se gehem din.

2 Kurintu 13:5

Na susiya niyu ke hinawa niyu embiya benar ke kebperetiyaya niyu ki Hisu Kristu etawa kenà. Menu, warà niyu ves metueni se keniyan med-ubpà si Hisu Kristu te hinawa niyu? Ne embiya warà sikandin diyà te hinawa niyu, ne kenà benar ke kebperetiyaya niyu.

2 Kurintu 5:14

Iyan dey kegeleveka te mevaher su netuenan dey te ke limù ni Hisu Kristu ne iyan ebpekevigkat kenami. Su netuenan dey te mibpebpatey si Hisus te selidig dut te langun ne menge etew, ketà be ne iring te langun ne menge etew ne nekeunung kandin te kinepatey rin.

2 Kurintu 5:15

Iyan din impatey ne kedselidig din dut te langun ne menge etew su apey kenà dan en med-ulaula te kandan dà ne kiyug. Ugaid ne iyan dan edtumanen ke kiyug ni Hisus ke minatey ne nevanew su apey ran mekepeliyu rut te kedusa te salà dan.

2 Kurintu 5:7

Su taman te ed-ubpà kiyu pà kayi te ampew te dunya, ne eduma kiyu ki Hisu Kristu ibpepevayà te sarig ta kandin misan kenà ta egkekita sikandin.

Gelasiya 1:4

Su si Hisus ne midtuman din ke kiyug te Eleteala ke Amey tew rut te kinepatey rin su apey sikandin ke ralan te kebpekeliyu tew rut te nekeiket keytew te langun ne salà tew kayi te ampew te dunya.

Gelasiya 2:16

Ugaid ne netuenan dey ne kenà ini se keduma rey te penduan se ralan te kebmetidtu rey riyà te etuvangan te Eleteala. Ugaid ne sabap dut te kedsarig dey ki Hisu Kristu se kebmetidtu rey riyà te etuvangan te Eleteala. Tembù be misan Hudiyanen key ne kenà ke penduan ne intahak ki Moises se edserihan dey, ugaid ne sabap dut te kedsarig dey ki Hisu Kristu ne mibmetidtu key riyà te etuvangan te Eleteala. Su netuenan dey se warà etew iya ne ebmetidtu te eduma rut te penduan ne intahak ni Moises.

Gelasiya 3:11

Ketà be ne netuenan ta te warà senge etew rà ne metidtu diyà te etuvangan te Eleteala igenat te kinetuman din dut te penduan ni Moises. Su ruen impesurat ne Lalag te Eleteala ne egkahi te, “Ke etew ne egkevaluy ne metidtu riyà te etuvangan te Eleteala ne ke etew ne ebperetiyaya rut te Lalag te Eleteala, ne sikandin ne egkevehayan te umur ne warà edtemanan din.”

Gelasiya 5:24

Su ke etew ne tidtu se kebpesakup din ki Hisu Kristu, ne mid-awaan din ke langun ne meraat ne mid-ulaula rin dengan, su apey kenà en eduma rut te kiyug te lawa rin.

Gelasiya 6:14

Ugaid ne siak mulà, ne iyan ku rà igkesuati ne edeyuen ku ne ke Kerenan tew si Hisu Kristu. Su sabap dut te kinepatey rin diyà te pinebelavag ne kayu su atag te salà tew, ne neekaran ad dut te nekeiket kedì ne kiyug te kememenusiyai kayi te ampew te dunya, su warà en atag din kayi te kedì.

Ipisu 3:17

su apey egkeheram niyu nevenar te si Hisu Kristu ne riyan en ed-ubpà te hinawa niyu sabap dut te sarig niyu kandin. Ne ibpengeningeni ku rema ne ke limù niyu ki Hisus abpeg dut te kebpelimlimuey niyu ne midtamel en.

Ipisu 5:2

Ne pelimlimuey kew iring dut te limù ni Hisus kenitew. Su ke limù din kenitew ne impekita rin ketà te imbeliwas din ke umur din su apey ke Eleteala se ebpeliyu kenitew te kedusa rin te menge salà tew. Ne ini se kinebeliwas din te umur din ne iring te indrenà ne ibehey te Eleteala ne nekesuhat te hinawa te Eleteala.

Ipisu 5:25

Sikiyu ne menge meama, ne iyan iya se limui niyu ke esawa niyu iring dut te kegkelimù ni Hisu Kristu te menge etew rin. Su imbeliwas din ke umur din te kebpeliyu rin keytew.

Pilipus 1:21

Su gewii te kayi e pà te ampew te dunya, ne si Hisu Kristu rà se dekelà te hinawa ku. Ugaid ne embiya ebpatey a ne meupiya pà su ebpekelintad a diyà te kandin.

Pilipus 4:13

Misan engkey en se ebpekerumpak kedì ne egketigkeran ku su ke gehem ni Hisu Kristu ne iyan edtavang kedì.

Kulasi 1:27

Ne sikiyu rema ne kenà menge Hudiyanen ne nekeamung ketà te mibpeyahan din. Ne warà pasar din ne keupianan ini se netahù te itungan din te ibpeubpà din si Hisu Kristu kayi te hinawa tew, ne ini se tuus te sikita ne id-amung din dut te kepurù te Eleteala diyà te langit.

1 Tiselunika 1:10

Ne ebpemenudtul dan dema mekeatag dut te kebpenareng niyu te kedlived te Anak din ne si Hisu Kristu ne egenat diyà te langit. Su si Hisus ini ke mibanew rin, ne sikandin ke ebpeliyu keyta su apey kenà kiyu edusaan te Eleteala ketà te hewii ne egkukumen din en ke kelibutan.

1 Tiselunika 5:10

Su sikandin se mibpeimatey mekeatag keyta su misan minatey ki en etawa biviyag ki pà te arà ne hewii te kedlived din kayi, ne ed-ubpà ki riyà te kandin taman te taman.

Tito 2:14

Ne imbeliwas din ke lawa rin ketà te kinepatey rin su apey mekeliyu kiyu te kinekeuripen te salà tew wey apey ebmetilak ke hinawa tew. Ne insivey ki nikandin ne kandin ne sakup ne mibehayan ki nikandin te kiyug te ed-ulaula te meupiya.

Hibruhanen 8:3

Ne langun ne menge Mepurù te Terebpelengesa ne ebpeninindeg dut te menge etew diyà te Eleteala ne netendù sikandan te ebehey dut te ibpelengesa ne menge binatang wey ke ruma pà ne ibehey te menge etew riyà te Eleteala. Ne iring din ded dema si Hisus ke Mepurù ne Terebpelengesa tew, su ruen ded dema ibpekevehey rin diyà te Eleteala.

1 Pedro 1:8

Ne misan warà niyu pà mekita si Hisus ne ikelimù niyu sikandin, ne ebperetiyaya kew kandin misan kenà niyu egkekita sikandin guntaani. Ne egkekita ini dut te dekelà ne kegkehalew niyu ne kenà egkerepengan wey kenà igkeupama.

1 Juan 1:7

Ugaid ne embiya ed-ubpà ki riyà te rayag iring te riyà te rayag ke Eleteala, ne ruen meupiya ne kedsusuled ta. Ne ebmelinis ki rut te langun ne salà ta su atag dut te lengesa ni Hisus ke Anak din ketà te kinepatey rin.

1 Juan 4:14

Nekita rey kayi te mata ta ke Anak te Eleteala ne midsuhù din kayi te ampew te dunya ne ebpebaluy ne etew su apey ebpeliyu te menge etew te kedusa te salà dan. Ne ini se nekita rey ne ebpemenudtulen dey diyà te menge etew.

1 Juan 5:20

Ne netuenan tew rema te ke Anak te Eleteala se mibpengkayi te ampew te dunya su ebperayag te itungan ta su apey egkeheraman te hinawa ta ke tidtu ne Eleteala. Ne mibpekidseveka ki en kandin ne iyan tidtu ne Eleteala su mibpekidseveka ki en dut te Anak din si Hisu Kristu. Sikandin ke tidtu ne Eleteala ne sikandin ke ebpuunan te umur ne warà edtemanan din.

Imperayag 3:20

Pemineha nu, su ed-itindeg a kayi te gumawan te baley nu ne ed-umew a kenikew. Embiya ebpemineg ka kediey ne ebpuwasan a nikuna, ne edlusud a ne ebpetuheney ki te egkaan.