Gelasiya 1:24 - Ke meupiya ne tudtul mekeatag ki Hisu Kristu

²⁴ Ugaid ne guna su netuenan dan te mibehu en ke hinawa ku, ne mideyù dan nevenar ke Eleteala!

Gelasiya 1:24 ပူးပေါင်းရင်းမြစ်များ

Mateo 9:8

Guna su nekita rut te langun ne menge etew ketà ne nengeandek dan, ne nereyù dan ke Eleteala su imbehey rin te menusiyà ini se gehem ne iring kayi.

Marcos 2:12

Ne mid-enew en ke etew, ne arà dà ne midlulun din ke ikam din, ne mibpemehilanggilang en se ed-ipanew kayi te etuvangan dan langun. Guna su nekita rut te langun ne menge etew ketà, ne rekdekelà se kinekegeyip dan ne nereyù dan ke Eleteala se egkahi te, “Taman te taman ne warà tew pà mekita se iring kayi!”

Lucas 15:10

Ne igkahi ku keniyu,” ke si Hisus, “ne engketà ded be imbe ke kehelawan dut te menge suluhuen te Eleteala riyà te langit ke ruen senge etew ne mekesesalà ne ebpekedsendit ne ed-engked te meraat ne ulaula rin.”

Lucas 15:32

Ugaid ne iyan din kemeyidan ne egalewhalew ki, su ini se ari nu ne iring iya te minatey en, ne guntaani ne neuyag maa. Su iring te nelaag en, ne guntaani ne mid-ulì ded.’”

Lucas 2:14

“Edeyù kiyu te Eleteala riyà te lesang te langit. Ne kayi te ampew te dunya ne mebmelintad ke hinawa rut te menge etew ne ebpekesuhat te hinawa rin.”

Lucas 7:16

Langun dan te nekekita ne netemenengan, ne nekereyù dan te Eleteala se egkahi te, “Ini pè be ne neumaan ki te metmetehel ne ebpelambas te Lalag te Eleteala. Benar, impekita te Eleteala ke kedtavang din te ebpeliyu dut te menge etew ne mibpemilì din.”

Nenged-ulaula 11:18

Nerineg dà ini rut te menge mibperetiyaya ne Hudiyanen, ne mid-engked dan en te edsawey kandin. Nasì pà te mideyù dan te Eleteala te migkahi, “Embiya iring ketà ne mibpedsendit dan en bes dema diyà te Eleteala arà se menge etew ne kenà Hudiyanen ne ed-engkeran dan ke meraat ne ulaula ran su apey ran egketelimà ke umur ne warà edtemanan din.”

2 Kurintu 9:13

Su ketà te egketuenan te menge etew te metulanged kew, ne ebpeselamat dan te Eleteala su atag dut te keduma niyu te menge suhù din wey ke mevaher ne sarig niyu rut te Meupiya ne Tudtul mekeatag ki Hisus. Iyan elin ne ibpeselamat dan te Eleteala ne ke kedtevangi niyu kandan wey ke kedtevangi niyu rema te ruma ne etew.

2 Tiselunika 1:10

Ini ne egked-ulaula ketà te kedlived ni Hisu Kristu kayi te ampew te dunya, su arà ne hewii ne langun ne menge mibperetiyaya ki Hisus ne edeyù wey ed-adat kandin. Ne ebpekeamung kew su midumaan niyu ke impenurù dey.

2 Tiselunika 1:12

Iyan dey kebpengeningeni te iring ketà su apey si Hisu Kristu ke Kerenan tew se edeyuen su ke meupiya ne ed-ul-ulaan niyu, abpeg te sikiyu ne igkeamung kandin te ed-edatan sabap te sikiyu ne sakup din. Egked-ulaula ini su atag dut te penaub keyta ne kenà egkerepengan ne impekita keyta dut te Eleteala tew wey ke Kerenan tew ne si Hisu Kristu.