Gelasiya 1:22 - Ke meupiya ne tudtul mekeatag ki Hisu Kristu

²² Ugaid ne arà ne hewii ne warà e pà mekilala dut te menge mibperetiyaya riyà te inged ne Hudiya, su warà e pà nikandan nekita.

Gelasiya 1:22 ပူးပေါင်းရင်းမြစ်များ

Nenged-ulaula 9:31

Ne ketà ne merinew se ked-ubpà dut te langun ne menge mibperetiyaya ki Hisus diyà te lusud te Hudiya, Geliliya wey Semeriya. Ne midtevangan dan dut te Kedesenan ne Ebpetuntul te Menusiyà, tembù be mevag-et se kebperetiyaya ran ki Hisus wey mid-iseg te kebmerakel dan. Su ke langun ne ked-ulaula ran ne iyan dan ibpeuna ne ke ebpekesuhat te hinawa ni Hisus ne Kerenan dan.

Ruma 16:10

Ibpesampey niyu rà ini se penginginsà ku ki Epilis, arà se impekita rin ke sarig din ki Hisu Kristu diyà te langun. Ne igkahi niyu rà ini rema riyà te telteleanak ne ensi Eristubulu.

Ruma 16:3

Ne ibpesabpet niyu rà ini se penginginsà ku riyà te ki Priscila wey ki Ekila, su menge ruma ku sikandan te egelevek ki Hisu Kristu.

Ruma 16:7

Idlakit niyu rà dema ini se penginginsà ku ki Andruniku wey si Huniyas, menge ruma ku ne Hudiyanen te nevilanggù. Ne egkeedatan nevenar sikandan dut te menge kedserihan ni Hisus, ne sikandan pà se neuna ne mibperetiyaya kenà siaken.

Ruma 16:9

Ibpesampey niyu rà ini se penginginsà ku ki Urbano ke ruma ku te egelevek ki Hisu Kristu, wey si Istakis rema ke megeget ne sepekat ku.

1 Kurintu 1:30

Su ke kinepekidseveka tew ki Hisu Kristu ne riyà ebpuun te kiyug te Eleteala. Ne Eleteala rema se ebehey keyta te ketau ibpepevayà ki Hisu Kristu. Ne si Hisus ke iyan kedtengteng te Eleteala keytew ne metidtu diyà te etuvangan din su sikandin se mibpeliyu keytew rut te kedusa te salà tew su apey ki mevaluy ne menge etew te Eleteala.

1 Kurintu 7:17

Ne misan engkey se ketau ne imbehey te Eleteala te uman senge etew keytew te warà kiyu pà mebperetiyaya, ne iyan meupiya ne idlaus ta arà dut te kebperetiyaya ta. Ini se ibpenurù ku dut te langun ne egkevurun ne mibperetiyaya te misan endei ne inged ne ebpesineruwan ku.

Pilipus 1:1

Sikami ne si Pablo ki Timoteo ne menge sugsuhuen ni Hisu Kristu se edsurat ini riyà te keniyu te menge ebpeneheewit dut te menge mibperetiyaya keniyan te inged te Pilipus abpeg ke ed-amung kandan wey ke langun niyu ne mibpesakup en te Eleteala sabap te mibperetiyaya kew ki Hisu Kristu.

1 Tiselunika 1:1

Siaken ne edsurat ini ne si Pablo duma ni Silvanu wey si Timoteo. Ne idsurat dey ini diyà te keniyu te inged ne Tiselunika ne mibperetiyaya te Eleteala ke Amey tew wey ki Hisu Kristu ke Kerenan tew. Iyan dey kiyug ne egkeheram niyu ke tavang wey kebmelinew te itungan niyu ne riyà ebpuun te Eleteala.

1 Tiselunika 2:14

Ne ini se netemanan niyu, menge suled, ne nekeiring dut te netemanan te menge etew te Eleteala ne mibperetiyaya ki Hisu Kristu diyà te menge inged te Hudiya. Su mibpekesekitan kew rut te menge ruma niyu te inged iring dut te kebpekesekiti kandan dut te menge ruma ran ne Hudiyanen ketà te inged

2 Tiselunika 1:1

Siaken ne edsurat ini ne si Pablo duma ni Silvanu wey si Timoteo. Ne idsurat dey ini keniyan te keniyu te inged ne Tiselunika ne mibperetiyaya te Eleteala ke Amey tew wey si Hisu Kristu ke Kerenan tew.