Gelasiya 1:1 - Ke meupiya ne tudtul mekeatag ki Hisu Kristu

^1-2 Siaken ini se edsurat ne si Pablo. Ne ibpeewit ku ini riyà te menge etew ne mibperetiyaya en ki Hisus ne egkevurun diyà te menge valey te Eleteala diyà te inged ne Gelasiya. Langun dey kayi ne mibperetiyaya en ki Hisus ne ebpenginginsà te sikiyu. Senge etew a ne kedserihan ni Hisu Kristu, ugaid ne ini se kinesuhù kedì ne kenà kiyug dà te etew etawa insuhù dan kedì su suhù a ni Hisu Kristu wey ke Amey ne mibanew ki Hisus dut te kinepatey rin.

Gelasiya 1:1 ပူးပေါင်းရင်းမြစ်များ

Juan 10:30

Su seveka key rà dut te Amey ku ne Eleteala.”

Juan 20:21

Ne migkahi en maa si Hisus te, “Na, mebmelilintad ke hinawa niyu! Ne iring dut te midsuhù a te Amey ku ne Eleteala,” ke si Hisus, “ne edsuhuen ku rema sikiyu.”

Juan 5:19

Ketà ne migkahi si Hisus kandan te, “Sebenarvenar ini se egkehiyen ku te siak ke Anak te Eleteala ne warà egkeveelan ku te kediey rà ne kiyug. Iyan dà ebeelan ku ne arà se nekita ku riyà te ulaula te Amey ku, su ini se ebeelan din ne iyan dema se edumaan ku.

Nenged-ulaula 22:10

“Ne nekeinsà a te, ‘Kerenan, engkey se ed-ul-ulaan ku?’ “Ne midtavak ke Kerenan te, ‘Na, enew ka ne laus ka riyà te inged ne Demasku ne dutun ne langun ne ebpeveelan keykew te Eleteala ne ibpenurù keykew.’

Nenged-ulaula 3:15

Ne mibpeimetayan niyu sikandin, ke ebpuunan te umur ne warà edtemanan din; ugaid ne mibanew te Eleteala sikandin. Ne ebpeketitihus key ketà te nevanew en sikandin su nekita rey.

Nenged-ulaula 9:6

Na, enew ka en ne laus ka riyà te inged su ketà ne ibpenurù keykew ke engkey se ed-ul-ulaan nu.”

Ruma 1:1

Siaken ini se edsurat keniyu ne si Pablo, ne sugsuhuen ni Hisu Kristu. Ne nepemilì a te Eleteala ne kedserihan din ne insuhù din kediey te ibpesabut ku ke Meupiya ne Tudtul ne riyà ebpuun te kandin.

Ruma 10:9

Su embiya ibpayag niyu te mibpesakup kew ki Hisu Kristu ke Kerenan tew wey ebperetiyaya kew nevenar te mibanew sikandin te Eleteala ne ebpekeliyu kew rut te kedusa te Eleteala te salà niyu.

Ruma 14:9

Su tembù mibpebpatey si Hisu Kristu ne nevanew red manen su apey sikandin ke Kerenan dut te langun ne mibperetiyaya kandin, megidsan se biviyag dan etawa ke minatey ran en.

1 Kurintu 1:1

Siaken ini si Pablo se edsurat kayi diyà te menge etew te Eleteala te inged ne Kurintu egenat te kebperetiyaya ran ki Hisu Kristu. Ne si Sutinis ke suled tew te ebperetiyaya se ed-amung kediey te edsurat kayi. Senge etew a ne kedserihan ni Hisu Kristu ne nepemilì din su arà ke kiyug te Eleteala. Ini se surat ku keniyan te keniyu ne nepemilì te Eleteala ne egkevaluy ne menge etew rin egenat te mibpekidseveka ke hinawa niyu ki Hisu Kristu. Uya, nepemilì kew nikandin ne mibmetilaken ke hinawa niyu su apey sikiyu ne menge etew rin ne edtuman te kiyug din. Ne kenà sikiyu rà se nepemilì din su langun ne etew ne mibperetiyaya ki Hisu Kristu ke Kerenan tew, misan endei ran kayi te ampew te dunya, su si Hisus ke Kerenan tew te langun ne ebpengarap kandin.

2 Kurintu 1:1

Siaken si Pablo ki Timoteo ke suled tew te kebperetiyaya se edsurat ini. Edsuratan ku sikiyu ke langun ne mibperetiyaya keniyan te inged ne Kurintu wey riyà te langun niyu ne mibperetiyaya diyà te ruma ne inged ketà te lusud te Gerisya. Su egenat te kiyug te Eleteala ne nepemilì a ne kedserihan ni Hisu Kristu.

Gelasiya 1:15

Ugaid ne misan iring ketà se meraat ke ulaula ku, ne sabap dut te dekelà ne limù te Eleteala ne mibpemilì ad nikandin ne egkevaluy ne edsugsuhuen din te warà e pà in-anak.

Gelasiya 1:17

Ne warà a remà mebpendiyà te inged ne Hirusalim se ebpepemandù dut te neuna ne kedserihan ni Hisu Kristu. Ugaid ne diyan a mibpesinaru te inged ne Arabiya, ne ampà ne midlived a riyà te inged ne Demasku.

Ipisu 3:8

Su misan siaken se pinekemevavà dut te langun ne etew rin, ne siaken ded se mibpurut din te ebpesabut diyà te sikiyu ne kenà Hudiyanen kayi te Meupiya ne Tudtul ne kenà egketembu se taman ne keupiya rin.

2 Timoteo 1:1

Siaken ini se edsurat ne si Pablo. Senge etew a ne kedserihan ni Hisu Kristu egenat dut te kiyug te Eleteala. Su midsuhù a rin te ebpesabut mekeatag te umur ne warà edtemanan din ne impasad din dut te langun ne menge etew ne ebpekidseveka ki Hisu Kristu.

Tito 1:3

ne ketà te midtendù din ne hewii ne impayag din en ini kayi te lalag din. Na ini ve imbe se tudtul se ibpesabut ku mekeatag dut te impasad din, su midsuhù a te Eleteala ke ebpeliyu kenitew te salà tew.

Hibruhanen 13:20

Ne ke Eleteala ke mibanew ki Hisu Kristu rut te kinepatey rin, ne sikandin en ke pinekemepurù ne egkeunutan tew ne iring sikandin te tumetuganur dut te sikitew ne bilibili rin. Su ke lengesa rin ne impetudà ketà te kinepatey rin diyà te pinebelavag ne kayu ne arà ke tuus dut te behu ne pasad te Eleteala keytew, ini se pasad din ne warà kegkesembii rin taman te taman. Ne ibpengeningeni ku te Eleteala ne ebehey te melintad ne hinawa, ne ibehey rin kenitew ke langun ne ebpeketavang kenitew te kebpekeiseg te kedtumana tew te kandin ne kiyug. Ne ibpengeningeni ku red dema te sikandin se edtavang keniyu su apey kew ed-ulaula te ebpekesuhat te hinawa rin ibpepevayà dut te tavang ni Hisu Kristu keniyu. Ketà be ne edeyù kiyu ki Hisu Kristu taman te taman. Ne metuman be ini!

1 Pedro 1:21

Ne geina te ini se mid-ulaula ni Hisus ne nekeperetiyaya kiyu te Eleteala. Su sikandin ke mibanew ki Hisus wey mibpepurù dema kandin diyà te langit. Tembù be sikitew ne iyan tew ebperetiyayaan wey edserihan ne Eleteala ne ebanew keytew rema keuremà.

Imperayag 1:18

Siaken ke ruen umur din ne warà edtemanan. Ne misan mid-imetayan a nikandan ne nevanew a iya, ne guntaani ne kenà ad ebpatey. Siaken ke egawed dut te umur te menge etew, ne siaken ded ke ebayàbayà dut te Iveyaan.

Imperayag 2:8

Ne ketà ne migkahi pà maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Ismirna, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ebpuunan te langun taman ne siaken rema ke ebpeengked dut te langun. Minatey a ugaid ne nevanew a red.