Filemon 1:23 - Ke meupiya ne tudtul mekeatag ki Hisu Kristu

²³ Si Ipapras ini se duma ku kayi te bilengguan se ebpenginginsà mekeatag te sikiyu keniyan, su nevilanggù sikandin dema sabap dut te kedsarig din ki Hisu Kristu.

Filemon 1:23 ပူးပေါင်းရင်းမြစ်များ

Ruma 16:7

Idlakit niyu rà dema ini se penginginsà ku ki Andruniku wey si Huniyas, menge ruma ku ne Hudiyanen te nevilanggù. Ne egkeedatan nevenar sikandan dut te menge kedserihan ni Hisus, ne sikandan pà se neuna ne mibperetiyaya kenà siaken.

Kulasi 1:7

Ne si Ipapras iya ini ke mibpenurù te Meupiya ne Tudtul diyà te keniyu, ne senge etew rema sikandin ne egkeserihan ne sugsuhuen ni Hisu Kristu ne igkelimù dey nevenar. Ne sikandin ini ke midserihan dey ne edsuhuen su ebpenurù keniyu.

Kulasi 4:10

Si Aristarkus ini se ruma ku kayi te bilengguan ne ebpenginginsà ke memenu red se egketemanan niyu keniyan. Wey elin dema si Marcos ini, ke suled ni Bernabe. (Embiya ebpekeuma sikandin keniyan te keniyu ne gelhelawa niyu sikandin su arà ke ingkahi ku keniyu.)

Kulasi 4:12

Si Ipapras ini ne senge etew ne ruma niyu red keniyan te inged niyu ne ebpenginginsà dema mekeatag te sikiyu. Sugsuhuen dema sikandin ni Hisu Kristu ne layun ebpengeningeni te mevaher mekeatag keniyu. Ebpemuyuen din te Eleteala se ebmeilut ke sarig niyu kandin ne igkehat niyu te tivang se kedtindeg niyu embiya ruen ebpesuwey keniyu su apey warà duma ne ed-ul-ulaan niyu su ke kiyug dà te Eleteala.

Filemon 1:1

Siaken ini se edsurat ne si Pablo elin si Timoteo ke suled tew te ebperetiyaya. Ini ad te bilengguan su atag dut te kebpesabut ku mekeatag ki Hisu Kristu. Edsuratan dey sikuna, Filemon, ne sepekat ne igkelimù dey ne ruma rey dema te ebpesabut mekeatag ki Hisus,

Filemon 1:9

ugaid ne ignganey ku rà su sabap te rekelà ne limù ku kenikew. Ne lukes ad dema ne guntaani ne ini a te bilengguan atag dut te kebpenurù ku mekeatag ki Hisu Kristu.