Filemon 1:20 - Ke meupiya ne tudtul mekeatag ki Hisu Kristu

²⁰ Tembù be, suled ku, kelimùlimù be ne ul-ulaa nu ini kedì su neseveka ki ki Hisu Kristu ke Kerenan tew. Helawa nu ke hinawa ku su edsusuled kiyu te kebperetiyaya tew kandin.

Filemon 1:20 ပူးပေါင်းရင်းမြစ်များ

1 Kurintu 16:18

Ne inmeupiya sikandan te hinawa ku wey iring te inmeupiya te ginawa niyu. Dait ne ed-edatan niyu se iring kayi ne menge etew.

2 Kurintu 2:2

Su embiya ebehayan ku pà sikiyu te kemutuwan niyu, ne warà en ebpekevehey te kehalew ku liyu te sikiyu. Su kenà kew ebpekehalew kedì embiya ruen kemutuwan niyu.

2 Kurintu 7:13

Ketà puunan ne rekelà se kegkehalew ku. Ne mid-iseg se kegkehalew ku te nekita ku ke kinekehalew ni Tito, ne iyan din kegkehalew su nekita rin ke meupiya ne menge ulaula niyu kandin ne nevag-et se hinawa rin.

Pilipus 1:8

Su netuenan te Eleteala ne egkelimengawan a nevenar keniyu su warà meamin te lawa ku se limù ku keniyu iring dut te kegkelimù ni Hisu Kristu keniyu.

Pilipus 4:1

Engketà be menge suled, ne embiya iyan tew rekelà ne ebpenerengen si Hisu Kristu, ne ibmeilut se kegawed tew kandin ne edtinidtuwanan tew se keduma kandin. Dekelà ku sikiyu te hinawa ne kiyug ku ne ebpemekebalak kiyu en su sikiyu se igkehalew ku wey sikiyu red ke timbang tendan te helevek ku.

Filemon 1:12

Na ibpeulì ku pè be sikandin diyà te kenikew misan merasey en te hinawa ku se kebpekedsuwey rey.

Filemon 1:7

Su ketà te nerineg ku mekeatag te limù nu, Filemon, dut te menge ruma nu, ne nehalew a nevenar wey ke hinawa ku ne neegaran su midtihel nu kun ke hinawa rut te langun ne mibperetiyaya.

Hibruhanen 13:17

Perumaruma kew te idsuhù dut te menge etew ne ebpeneheewit te menge mibperetiyaya keniyan. Su sikandan ke midsuhù te Eleteala te edtuganur keniyu te meupiya, ne ruen hewii ne ebpekeuma ne ebpengetuvang dan diyà te Eleteala se ebpenudtul ke engkey se kinepenurù dan keniyu. Ne embiya edumaan niyu ke idsuhù dan, ne egkevag-et ke hinawa ran te edtuman dut te ibpehelevek kandan te Eleteala. Ugaid ne embiya kenà kew ebpemineg te suhù dan, ne egkerehenan dan ne warà keupianan ne egketelimà niyu.

1 Juan 3:17

Ne embiya ruen etew ne ruen id-uyag din ne egkekita rin ini se ruma rin ne kurang nevenar ugaid ne kenà din edtevangan su warà kegkeyru rin, ne kenà egkepakey ne ruen limù din te Eleteala.

3 Juan 1:4

Su warà en ebpekelawan ne ebpekehalew kediey embiya ke kenà ke kerineg ku ne ke menge anak ku te ebperetiyaya ne edlaus te keduma ran dut te tidtu ne penuruan.