2 Tiselunika 3:6 - Ke meupiya ne tudtul mekeatag ki Hisu Kristu

⁶ Menge suled, duen pà duma ne idsuhù dey keniyu su ini se insuhù dut te Kerenan tew ne si Hisu Kristu te kenà kew ebpekiduma rut te menge ruma niyu ne pehulen ne kenà eduma dut te impenurù dey keniyu.

2 Tiselunika 3:6 ပူးပေါင်းရင်းမြစ်များ

Mateo 18:17

Ne embiya kenà sikandin ebpemineg kandan, ne peketueni nu en dut te langun ne egkevurun ne ebperetiyaya te Eleteala. Ne embiya kenà sikandin ebpemineg kandan, ne iringa niyu en sikandin te kenà niyu ruma te ebperetiyaya te Eleteala etawa iringa niyu en sikandin dut te tenlimbungen ne ebpevayad te buwis.

Ruma 16:17

Ebuyuen ku ve keniyu, menge suled ku, te ingat kew rut te menge etew ne ebaal te kegkereeti rut te kegkeseveka niyu te kebperetiyaya, ne elihu kew kandan su sikandan ke puunan dut te kegkeliyaliya te sarig niyu su ebpekesurang dan dut te benar ne penurù ne ingkepenurù keniyu.

1 Kurintu 11:2

Na ruen ed-ul-ulaan niyu ne meupiya su warà niyu lipati ke impenurù ku keniyu, ne edtumanen niyu rema ke insuhù ku keniyu.

1 Kurintu 5:4

Ne ini se egkiyuhan ku ne egkerumaan niyu, ne vurunburun kew su iring te keniyan ad te keniyu, ne ke gehem ni Hisu Kristu ne keniyan ded te keniyu.

1 Kurintu 5:9

Iyan migkahi ku rut te rengan ne surat ku keniyu te kenà kew pekiduma rut te etew ne meredsik se ulaula rin.

2 Kurintu 2:10

Ne embiya ebpeseharen niyu sikandin, ne ebpeseharen ku red dema. Su embiya mibpesahad niyu en, ne ebpeseharan ku rema su apey kew egketevangi, ne netuenan ni Hisu Kristu te benar ini se egkehiyen ku.

Ipisu 4:17

Geina ne iring kayi te langun tew ne iring te lawa ni Hisu Kristu, ne ruen be ini ebperumaan ku keniyu su riyà ebpuun ki Hisus ke Kerenan tew. Kenà niyu ul-ulaa ke perangey dut te menge etew ne kenà ebperetiyaya te Eleteala, su iyan den dà edtumanen ke itungan dan dà ne warà rantek din.

Kulasi 3:17

Ne ke langun ne ed-ul-ulaan niyu, kayi te lalag niyu etawa gelevek niyu, ne tentenuri niyu te sakup kew ni Hisu Kristu ke Kerenan tew. Ne deyrey kew te Eleteala ke Amey tew ibpepevayà ki Hisu Kristu.

1 Tiselunika 4:1

Na menge suled, ketà te keniyan key pà te keniyu ne impenurù dey en keniyu ke engkey se ulaula te ked-ubpà ne ebpekesuhat te hinawa te Eleteala, ne ini ne midumaan niyu en. Ne guntaani ne ebuyuen dey te umani niyu pà ke meupiya ne ulaula niyu su ini se migkahi keyta rut te Kerenan tew ne si Hisu Kristu.

1 Tiselunika 4:11

Ne ruen ruma pà ne ebuyuen ku te iyan niyu itahù te hinawa ne kemelinew ne betasan. Ne kenà kew ed-amung-amung te ulaula te menge ruma niyu, ugaid ne peketehel kew se egelevek su apey ruen keuyahan niyu iring dut te impenurù dey keniyu.

1 Tiselunika 5:14

Ne ebuyuen ku lavew, menge suled, te suhua niyu ke pehulen ne egelevek. Beg-eta niyu ke hinawa dut te menge etew ne egkeandek, ne tevangi niyu ke menge etew ne melemu ne egkegaga te penggeram dut te datù te pekaid. Ne iyan iya se menanew se kedlalag niyu dut te kedtevangi niyu te menge etew.

2 Tiselunika 2:15

Tembù be, menge suled, beg-eta niyu ke kebperetiyaya niyu, ne geweri niyu te meilut ke benar ne impenurù dey te keniyan key pà te keniyu wey ke penurù ne insurat dey keniyu.

2 Tiselunika 3:7

Su netuenan niyu te kenà dey igkepehuli te kegelevek te keniyan key pà te keniyu, ne arà imbe se iringi niyu.

1 Timoteo 5:21

Na Timoteo, pemineha nu up-upiani ini se penduan ku keykew ne tentenuri nu te ke Eleteala, si Hisu Kristu wey ke suluhuen te Eleteala se titihus te kedsuhù ku keykew. Embiya ebpedtuntey ka te deruwa ne etew, ne warà remihi nu kandan ugaid ne tidtuwa nu ke kegkukum nu.

1 Timoteo 6:5

wey ebpeep-epuley ran su ini ke ulaula rut te menge etew ne nereetan en ke itungan dan ne warè en iya meketahù te itungan dan ke tidtu ne penurù ni Hisu Kristu. Su iyan dan kunaan ke kebpesakup dan te Eleteala ne ebpekegkewasa kandan.

2 Timoteo 3:5

Engkungkun ne mibperetiyaya ran te Eleteala ugaid ne kayi rà te ampew su kenà dan ebperetiyaya te ruen gehem te Eleteala. Na pekeriyù ka te menge etew ne iring ketà.

2 Timoteo 4:1

Na Timoteo, tehaad te si Hisu Kristu se edlived kayi su ebayàbayà te langun wey egkukum dut te menge etew ne biviyag wey ke minatey en, ne ruen idsuhù ku kenikew diyà te etuvangan te Eleteala wey si Hisu Kristu.

2 Juan 1:10

Tembù be embiya ruen ebpekeuma riyà te keniyu ne kenà ebpenurù te ini se tidtu ne penurù ni Hisu Kristu, ne kenà niyu ipepemenayik diyà te baley niyu. Ne kenà niyu rema gelhelawa sikandin.