2 Tiselunika 3:12 - Ke meupiya ne tudtul mekeatag ki Hisu Kristu

¹² Tembù be iyan kiyug rut te Kerenan tew ne si Hisu Kristu ne idsuhù dey ketà ne menge etew te kenà dan medlauglaug ne ebangen dut te menge ruma ran, ugaid ne iyan se mebpegelep dan se egelevek dut te kegkeuyag dan.

2 Tiselunika 3:12 ပူးပေါင်းရင်းမြစ်များ

Lucas 11:3

Behayi key te sesangen ne egkekaan dey te uman andew.

Ipisu 4:28

Ne embiya ruen keniyan te keniyu tekawen pehaney te warà pà mibperetiyaya, ne med-engked en imbe sikandin. Ne megelevek sikandin su apey ruen igkeuyag din wey ruen dema igkevehey rin dut te ruma ne egkerehenan.

1 Tiselunika 4:1

Na menge suled, ketà te keniyan key pà te keniyu ne impenurù dey en keniyu ke engkey se ulaula te ked-ubpà ne ebpekesuhat te hinawa te Eleteala, ne ini ne midumaan niyu en. Ne guntaani ne ebuyuen dey te umani niyu pà ke meupiya ne ulaula niyu su ini se migkahi keyta rut te Kerenan tew ne si Hisu Kristu.

1 Tiselunika 4:11

Ne ruen ruma pà ne ebuyuen ku te iyan niyu itahù te hinawa ne kemelinew ne betasan. Ne kenà kew ed-amung-amung te ulaula te menge ruma niyu, ugaid ne peketehel kew se egelevek su apey ruen keuyahan niyu iring dut te impenurù dey keniyu.

2 Tiselunika 3:8

Warà key mebuyù te igkeuyag dey, su langun ne mibayaran dey. Merukilem meandew ne mibpegelep key se egelevek su apey sikami en se edtuganur dut te menge kurang dey ne kenà key niyu igkereheni.

1 Timoteo 2:2

Ibpengeningeni tew te Eleteala ke menge mepurù ne ebayàbayà kenitew wey langun ne menge ruma ran ne ruen gaga ran te ed-ewit kenitew. Ibpengeningeni tew te Eleteala sikandan apey meupiya se ked-ewit dan keytew su apey ebmelinandang se ketemanan tew wey apey ruen kesig tew te eduma te Eleteala wey ed-ulaula te metidtu.