2 Tiselunika 3:11 - Ke meupiya ne tudtul mekeatag ki Hisu Kristu

¹¹ Egkehiyen dey ini su nerineg dey te ruen keniyan te keniyu ne pehulen ne egelevek, ne warà duma ne ebeelan din su ebangen dà dut te menge ruma rin ne egelevek.

2 Tiselunika 3:11 ပူးပေါင်းရင်းမြစ်များ

Ipisu 4:28

Ne embiya ruen keniyan te keniyu tekawen pehaney te warà pà mibperetiyaya, ne med-engked en imbe sikandin. Ne megelevek sikandin su apey ruen igkeuyag din wey ruen dema igkevehey rin dut te ruma ne egkerehenan.

1 Tiselunika 4:11

Ne ruen ruma pà ne ebuyuen ku te iyan niyu itahù te hinawa ne kemelinew ne betasan. Ne kenà kew ed-amung-amung te ulaula te menge ruma niyu, ugaid ne peketehel kew se egelevek su apey ruen keuyahan niyu iring dut te impenurù dey keniyu.

2 Tiselunika 3:6

Menge suled, duen pà duma ne idsuhù dey keniyu su ini se insuhù dut te Kerenan tew ne si Hisu Kristu te kenà kew ebpekiduma rut te menge ruma niyu ne pehulen ne kenà eduma dut te impenurù dey keniyu.

1 Timoteo 5:13

Ketà be ne kenà meupiya embiya ini se egketevangan su kalu ke ebpehulen ne ebpemedlakit diyà te idsehumbelayà. Ne kenà arà dà su egkevaluy ran ne serupeten wey ebpemedlakit, ne ebpenlalag te kenà dait ne egkelalag dan.

1 Pedro 4:15

Ne ed-uram ki su apey warà kayi te keyta ne ebpekesekitan su sabap dut te ed-ul-ulaan ta ne meraat iring te ebunù, etawa ebpenakew, etawa misan engkey ne ulaula ne mereatey, etawa ed-amung-amung te warà kandin.