2 Tiselunika 1:5 - Ke meupiya ne tudtul mekeatag ki Hisu Kristu

^5-6 Ne ke kedtigker niyu te keresayan ne iring ketà ne arà se egkevaluy kew ne edait te ebpekeamung kew dut te Edetuan te Eleteala, ne edusaan din ini se ebpekesakit keniyu. Ketà be ne egkekita ke metidtu ne kegkukum te Eleteala.

2 Tiselunika 1:5 ပူးပေါင်းရင်းမြစ်များ

Lucas 20:35

Ugaid ne ke menge etew ne ebirangan te Eleteala ne dait ne ebenawen ne ebpeubpaen diyà te langit, ne kenà en ebpees-eseweey.

Lucas 21:36

Tembù be,” ke si Hisus, “pekevantey kew nevenar ne layun kew pengeningeni su apey kew ebehera te Eleteala te ked-etuvang niyu kayi te langun ne egketemanan. Pengeningeni kew su apey warà igkeyeyai niyu ketà te ked-itindeg niyu kayi te etuvangan ku, ke Impeanak te Menusiyà.”

Nenged-ulaula 13:46

Ugaid ne nasì en ne mid-iseg si Pablo wey si Bernabe te edlalag ne egkahi te, “Iyan iya se ed-unaan dey sikiyu ne menge Hudiyanen te ebpesabut dut te Lalag te Eleteala. Ne geina te warà niyu telimaa ini wey ne warà niyu mepegitung te sikiyu se dait ne ebpeketelimà te umur ne warà edtemanan din, ne ed-ewaan dey sikiyu su ebpendiyà key te menge etew ne kenà Hudiyanen.

Nenged-ulaula 14:22

Ketà ne menge inged ne impenurù dan se ibpeiseg ke keduma dut te langun ne menge mibperetiyaya ki Hisus ne mibag-et dan ke hinawa dut te menge etew te kenà medlekà dut te peretiyaya ran. Su impesabut dan te, “Ebpevayà ki pà iyan te menge kemerehenan te kenà ki pà ebpekelusud dut te Edetuan te Eleteala,” ke sikandan.

Ruma 2:5

Ugaid ne sikiyu, ne warà kew mebpedsendit su meresen se ulu niyu. Tembù be ed-iseg pà se kevahat din te idusa keykew te Eleteala ketà te hewii ne ibpayag din ke kegkeepes din, ne arà ded ne hewii ne egketuenan te kegkukum din ne metidtu.

Ruma 8:17

Ne geina te nevaluy ki en ne tuney ne anak din, ne ruen hewii ne ebpekeuma ne egketelimà tew ke langun ne keupianan ne impasad din keytew, ne kenà arà dà su langun te keupianan ne imbehey rin ki Hisus ne ebpeketelimà ki red dema. Su embiya edrumerasey ki guntaan sabap dut te keduma tew ki Hisu Kristu, ne ebpekeamung ki dut te kebpepurù kandin keuremà.

Ipisu 4:1

Ne siaken ne ini te bilengguan su mekeatag te kebpesabut ku ki Hisus ne Kerenan tew, ne iyan ku ebuyuen keniyu ne edtumanen niyu ke langun ne dait ne ulaula dut te mibperetiyaya en su arà se kiyug te Eleteala dut te kebpemilì din keniyu.

Pilipus 1:28

Ne kenà niyu igkeandek ke kunterà niyu. Su embiya kenà kew egkeandek kandan ne arà ke tuus ne ibpekita te Eleteala kandan te edtevanan dan ne edusaan dan te Eleteala, ugaid ne sikiyu ne ebpeketalew su Eleteala se edtavang keniyu.

Kulasi 1:12

Ne seveka pà ne kiyug ku ne deyreya niyu ke Eleteala ne Amey tew su nekeamung kew rin ne menge sakup din su apey kew egkevehayan ketà te intail din dut te menge etew ne eduma kandin ne nerayahan en ke itungan dan.

1 Tiselunika 2:14

Ne ini se netemanan niyu, menge suled, ne nekeiring dut te netemanan te menge etew te Eleteala ne mibperetiyaya ki Hisu Kristu diyà te menge inged te Hudiya. Su mibpekesekitan kew rut te menge ruma niyu te inged iring dut te kebpekesekiti kandan dut te menge ruma ran ne Hudiyanen ketà te inged

2 Tiselunika 1:11

Tembù be layun dey ibpengeningeni sikiyu diyà te Eleteala su apey ke ulaula niyu te keduma ki Hisu Kristu ne edait dut te menge etew ne mibpemilì te Eleteala. Ne ebpengeningeni key rema te ibpepevayà rut te gehem te Eleteala ne edtevangan kew su apey ebpekegaga kew te edtuman te misan engkey en ne meupiya ne ulaula ne egkiyuhan niyu wey langun ne ed-ul-ulaan ne nerudsuan niyu mekeatag dut te kebperetiyaya niyu ki Hisus.

2 Timoteo 2:12

Embiya edtigkeran tew ke kerasey atag te peretiyaya tew kandin, ne ebpekeamung ki kandin te ebayàbayà. Ugaid ne embiya ibparew tew te ruma kiyu nikandin, ne ibparew ki rema nikandin ne kenà ki edsehipaan.

Imperayag 15:4

Is Kerenan, sikuna ke ed-edatan wey edeyuen dut te langun ne menge etew su sikuna rà ke ed-ulaula te metidtu nevenar. Tembù be ke menge etew diyà te langun ne menge inged ne ed-uvey keykew ne ebpengarap, su impekita nu en kandan ke langun ne mid-ulaula nu ne metidtu nevenar.”

Imperayag 16:7

Ne ruen pà maa nerineg ku ne edlalag diyà te ebpelengesaan te menge binatang ne ibehey te Eleteala ne migkahi te, “Uya, Kerenan ne Eleteala, ne ruen dekdekelà ne kebayàbayà din, ini se kedusa nu te menge etew ne nekesuhat wey metidtu nevenar.”

Imperayag 19:2

Su ini se kegkukum din ne metidtu wey egkeserihan. Ne midusa rin ayan se mevantug ne tengerihen ne meritan, su mibpearig sikandin te langun ne menge etew te dunya te ebpeamung te meraat ne ed-ul-ulaan din. Midusa en sikandin te Eleteala, su mibpeimetayan din ke menge etew ne miduma en te Eleteala.”

Imperayag 3:4

“Ugaid ne ruen duma niyu diyà te inged ne Sardis ne warà mevuringi ke belegkas din. Ne iyan din meana ne warà med-amung te meraat ne ulaula. Ne sikandan se ebpekeruma kediey ne ebevelegkas te meputì, ne edait ini su mid-up-upiya ran te ed-ul-ulaan dan.