2 Timoteo 4:4 - Ke meupiya ne tudtul mekeatag ki Hisu Kristu

⁴ Kenà dan edtelimaan ke benar ne penurù su iyan dan edtumuen ke mibèbeelan dà ne guhud misan kenà benar.

2 Timoteo 4:4 ပူးပေါင်းရင်းမြစ်များ

Mateo 13:15

Su ini se menge etew ne meresen se ulu ran, ne timbang te midsabpeng dan ke telinga ran, wey midlipereng dan ke mata ran. Su embiya kenà, ne ebpekekita ran en, ne ebpekerineg dan en, ne ebpekesabut dan en, ne ke hinawa ran ne edlived en kayi te kediey, ne ibpekepeliyu ku en sikandan dut te salà dan.’ ”

Nenged-ulaula 7:57

Nerineg dà ini rut te menge Perekukum ne midsabpeng dan te telinga ran se egkuleyì. Ne ketà ne midlingketawan dan sikandin,

2 Tiselunika 2:11

Ne geina te ed-engkenà dan dut te benar, ne idtuhut te Eleteala kandan te egkelimbungan su apey ran mebperetiyaya dut te kenà benar.

1 Timoteo 1:4

Ikahi nu kandan se med-engked dan se ebpenurù dut te menge guhud ne mibèbeelan dà te menge apù dan wey ke layab ne guhud te kepuunpuun te apù dan. Su ini se kebpenareng dan dut te warà tapek din ne ebpekevaal dà te kebpelewlewaney, ne kenà dan egketuen ke tidtu ne ibayà ne kayi ran dà egketuen te kedsarig dan te Eleteala.

1 Timoteo 4:7

Kenà ka sehipà te layab ne guhud te kepuun su warà pantag din ne kenà diyà ebpuun te Eleteala. Ugaid ne pegitunga nu te mevaher ke engkey se ulaula ne ebpekesuhat te Eleteala.

1 Timoteo 6:20

Na Timoteo, tugenura nu ke kebpenurù nu ne insarig te Eleteala kenikew. Kenà nu ed-emungi ke menge etew ne ebpengasak te lalag ne kenà ebpekesuhat te Eleteala wey ebpelewlewaney te warà rantek din. Su iyan dan kunaan ne metau ran, ugaid ne ke lalag dan mekeatag te Eleteala ne kenà benar.

2 Timoteo 1:15

Nerineg nu ke merakel ne mibperetiyaya kayi te Asya ne mid-iniyuhan a ran en abpeg en si Pihilyu wey si Hirmuhinyu.

Tito 1:14

Ne med-engked dan se eduma rut te layab ne guhud ne mibèbeelan dà dut te menge Hudiyanen wey med-engked dan se eduma rut te suhù te menge etew ne mid-awà en ketà te tidtu ne penurù te Eleteala.

Hibruhanen 13:25

Iyan ku kiyug ne langun niyu ne ebpekeheram te tavang te Eleteala.

2 Pedro 1:16

Ne ini se impesabut dey keniyu mekeatag te kebmepurù ni Hisu Kristu ke Kerenan tew ketà te kedlived din kayi te ampew te dunya, ne kenà mibèbeelan dà dut te itungan te menusiyà dà dè duen. Ugaid ne ini se impesabut dey keniyu ne benar su nekita rey iya ketà te kebpepurù kandin te Eleteala.