2 Timoteo 4:17 - Ke meupiya ne tudtul mekeatag ki Hisu Kristu

¹⁷ Ugaid ne misan mid-ewaan a nikandan ne si Hisu Kristu ke Kerenan tew ne warà med-awà kedì. Kayi sikandin te uvey ku ne sikandin se mibaher te hinawa ku su apey ku igkeeneb igkepesabut ke tudtul mekeatag kandin diyà te langun ne menge etew ne kenà Hudiyanen. Ne sikandin be se mibpeliyu kedì ketà te ebpekekaid kedì su iring te mibigkat a rin kayi te bèbà te buaya.

2 Timoteo 4:17 ပူးပေါင်းရင်းမြစ်များ

Mateo 10:19

Ketà te ibpepemenayik kew riyà te kukuman, ne kenà kew meuru ke ebmenmenuwen niyu se kedlalag niyu te kedtindeg te hinawa niyu wey engkey se ralan te kegkahi niyu, su ketà ne iyan niyu egkekahi ne lalag ne ibpekahi keniyu.

Lucas 1:1

Diyà te ki Teofilo: Merakel en se menge etew ne migeram midsurat te guhud mekeatag te ned-ulaula ni Hisus kayi te kenami.

Lucas 21:15

Su siaken dà se ebpekahi keniyu ne ebehayan ku sikiyu te ketampas te itungan su apey ke menge kunterà niyu ne kenà ebpeketavak ne kenà dan egkeliyu ke benar ne egkelalag niyu.

Nenged-ulaula 23:11

Rutun ne kerukileman en ne mibpekitakita ki Pablo ke Kerenan tew ne si Hisus ne migkahi te, “Kenà ka meandek! Su iring te impeitindeg nu ke kebperetiyaya nu kediey kayi te lusud te inged ne Hirusalim, ne engketà ded se ed-ul-ulaan nu rema diyà te inged ne Ruma.”

Nenged-ulaula 9:15

“Ipanew ka,” ke se Kerenan, “su mibpemilì ku en sikandin ne egelevek kediey. Su sikandin se ebpemenudtul mekeatag kediey riyà te menge etew ne kenà Hudiyanen wey ke menge datù dan abpeg dut ne menge Hudiyanen.

Ruma 15:31

Ipengeningeni niyu te elangi a te Eleteala rut te intahù te itungan te menge etew ne warà mebperetiyaya riyà te lusud te Hudiya te ebpemekaid kediey. Ne ipengeningeni niyu red dema se mehalew se kedtelimaa rut te menge etew ne mibperetiyaya riyà te Hirusalim kayi te ebpeneheewiten ku ini.

2 Kurintu 12:9

Ugaid ne warà din iawà su iyan din migkahi se, “Piya engkey ne keresayan ne ibpevayà nu, ne ebpekegaga nevenar ini se tavang ku keykew. Su embiya ebmeluvey ka ne ketà nu egkeheram ke keilut dut te gehem te tavang ku.” Arà se migkahi rin kedì. Tembù be ingkehalew ku nevenar te iyan ku egkehiyen ini se keluvey ku su apey egkekita te ruma ne etew te ruen gehem ni Hisu Kristu ne edtavang kedì.

Ipisu 3:8

Su misan siaken se pinekemevavà dut te langun ne etew rin, ne siaken ded se mibpurut din te ebpesabut diyà te sikiyu ne kenà Hudiyanen kayi te Meupiya ne Tudtul ne kenà egketembu se taman ne keupiya rin.

1 Timoteo 1:12

Ebpeselemetan ku si Hisu Kristu ke Kerenan tew ne layun ebehey kedì te keeg kayi te gelevek ku. Uya, ebpeselemetan ku kandin su edserihan a rin, ne midtendù a rin ne egelevek kandin.

2 Timoteo 2:1

Sikew, Timoteo, ne iring te tuney ne anak ku, iluta nu ke kedsarig nu su iyan edtavang keykew ne si Hisu Kristu genat te mibpekidseveka ka kandin.

2 Timoteo 2:9

Tembù be egkerasey a guntaan su nevilanggù a iring te medmeraat ne etew. Ugaid ne misan mibakù a te sengkalì kayi, ne kenà dan egkevangen ke kebpemenudtul te Lalag te Eleteala.

2 Timoteo 3:11

Ne netuenan nu rema ke nerasey a te kinepekesekiti kedì diyà te menge inged ne Antiyuka, Ikuniyum wey Listra. Ugaid ne ke Kerenan tew se mibpeliyu kedì dut te langun.

2 Timoteo 4:5

Ugaid ne sikew, Timoteo, ipetireng nu se keduma nu kayi te tidtu ne penurù. Ne penehana ka neraan te kedtigker te kemerehenan. Es-eseka nu neraan se hinawa nu te kebpesabut nu rut te tudtul mekeatag ki Hisus te meriyù merani, ne pengimasara nu ke helevek ne imbehey keykew te Eleteala.

Tito 1:3

ne ketà te midtendù din ne hewii ne impayag din en ini kayi te lalag din. Na ini ve imbe se tudtul se ibpesabut ku mekeatag dut te impasad din, su midsuhù a te Eleteala ke ebpeliyu kenitew te salà tew.

Hibruhanen 11:33

Su sabap dut te kedsarig dan te Eleteala ne midtevangan dan te Eleteala. Su ruen mibpekibunù te derekelà ne inged ne midtavan dan. Ne ruen mibayàbayà te inged dan ne metidtu se ulaula ran, ne netelimà dan ke impasad kandan te Eleteala. Ne ruen imbehey te Eleteala ne gehem te edtelawà ke mewarew ne erimaung su iring te pinedtiem ke bèbà dut te erimaung su apey ran kenà mekekahat.

1 Pedro 5:8

Ne ed-uram ki ne ebantey ki rut te langun ne ed-ul-ulaan ta su ini se kunterà tew ne si Setanas ke datù te pekaid ne egkiyug ne ebpekesuwey ki te keduma ta te Eleteala. Su edlauglaug sikandin ne ebpemengà te etew ne egkepeneheewit din te ed-ulaula te meraat iring dut te mekeandek ne erimaung ne ebpemengà te egkekaan din.

2 Pedro 2:9

Ne iring te kebpeliyu te Eleteala ki Lut se ed-ul-ulaan te Eleteala dut te menge etew ne eduma kandin su metau sikandin te ibpevayà din te kedtavang kandan ketà te keresayan dan. Ne ini se menge etew ne kenà eduma kandin, ne impenehana en ke kedusa rin kandan ketà te Hewii ne Egkukum kandan.