2 Timoteo 4:14 - Ke meupiya ne tudtul mekeatag ki Hisu Kristu

¹⁴ Utew meraat se imped-ulaula kedì ni Alejandro ke ebpandey te galang. Ugaid ne Eleteala se edsulì kandin dut te ulaula rin ne meraat.

2 Timoteo 4:14 ပူးပေါင်းရင်းမြစ်များ

Ruma 12:19

Menge suled ku, kenà ki edsulì dut te menge etew ne mid-ulaula keytew te meraat, ugaid ne ibehey tew en ne bayàbayà te Eleteala ke engkey se ed-ul-ulaan din kandan. Su ruen impesurat ne Lalag te Eleteala ne egkahi te, “Siaken se ebayàbayà te kegkesulii kandan, uya, siaken se edsulì, ke se Kerenan tew.”

Ruma 2:6

Su ruen ibehey te Eleteala dut te langun ne menge etew te endei se edait dut te mid-ulaula ran.

1 Timoteo 1:20

Iyan iring kayi ne en si Himinyu wey si Alejandro. Midlekaan ku sikandan su apey egkeveyveyai en ni Setanas ke datù te pekaid apey ran metueni te kenà iya egkepakey ne edsumpeliten se Eleteala.

2 Timoteo 4:15

Na ingat ka kayi te etew ini su dekelà nevenar se kedlantung din kayi te penurù tew mekeatag ki Hisus.

1 Juan 5:16

Ne embiya egkekita nu te nekesalà ini se ruma nu te ebperetiyaya ugaid ne ke rimahas te salà din ne kenà iyan ebpekeated kandin diyà te kemetayen ne warà edtemanan din, ne ipengeningeni nu te Eleteala sikandin te ebpesehad te Eleteala kandin ini se salà din. Ne ebpekevehey kandin te Eleteala te umur ne warà edtemanan din embiya ini se salà din ne kenà iyan ebpekeated kandin diyà te kemetayen ne warà edtemanan din. Ne embiya ruen etew ne nekesalà te iyan ebpekeated kandin diyà te kemetayen ne warà edtemanen din, ne kenà ku egkehiyen te ini ne etew ne ipengeningeni nu te Eleteala.

Imperayag 18:20

Ugaid ne sikiyu ne ed-ubpà diyà te langit, ne egkehalew kew su nereetan en ini se inged. Ne egkehalew rema ke sikiyu ne mibperetiyaya te Eleteala wey sikiyu ne menge kedserihan ni Hisu Kristu wey sikiyu ne mibpelambas te Lalag te Eleteala, su midusa en te Eleteala ini se inged atag dut te mid-ulaula rin ne meraat keniyu.”

Imperayag 18:6

Arà se meraat ne mid-ulaula rin keniyu ne iyan ded dema ed-ul-ulaan diyà te kandin, ugaid ne edtekepen arà se kedsulii kandin. Ne ke basù din ne nepenù te mepait ne binu ne impeinum din te menge etew, ne edtekepen arà se kepait din te ibpeinum kandin ne idledawan te kedusa te Eleteala kandin.

Imperayag 6:10

Ne mibpemensag dan langun se egkahi te, “Sikuna rà ke Kerenan ne dekdekelà se gehem din, ne langun ne ed-ul-ulaan nu ne metidtu ne egkeserihan ka. Engkey se keuhet din se kedtahad dey te kedsulì nu te menge etew kayi te dunya atag dut te ked-imatey ran kenami? Keenu nu edusaa sikandan te ked-imetayi ran kenami?”