2 Timoteo 3:7 - Ke meupiya ne tudtul mekeatag ki Hisu Kristu

⁷ Tembù be melemu ran ne eduma rut te piya engkey ne ebpenurù kandan, ugaid ne kenà dan en iya ebpekesabut ke engkey se benar ne penurù.

2 Timoteo 3:7 ပူးပေါင်းရင်းမြစ်များ

Mateo 13:11

Migkahi si Hisus te, “Sikiyu ne edurumaruma kediey, ne ebpesebutan en te Eleteala rut te in-eles dengan mekeatag te Kedatù te Eleteala te menge etew, ugaid ke ruma ne menge etew ne ibpenurù kandan te ibpepevayà te menge sempità.

Juan 5:44

Memenu ma se kebperetiyaya niyu embiya iyan niyu rà ebpemengaan se kegkereyù keniyu te menge ruma niyu, ugaid ne warà niyu pemengaa ke ralan te kegkereyù ne riyà ebpuun te budtung ne Eleteala?

Ipisu 4:14

Su embiya iring kayi se egketemanan tew, ne kenà kiyu en ebpekeiring te vatà ne melemu ne ebperetiyaya te piya engkey ne penurù ne iring dut te utan te ralan ne eduma te edsungu wey ed-ulì. Su kenà kiyu ebpelimbung dut te menge etew ne metau ne edliyuk te tarù ne penurù dan.

1 Timoteo 2:4

Su iyan din igkesuat ne langun te menge etew ne ebpeketuen te tidtu ne ralan diyà te Eleteala wey ebpekeliyu ran dut te kedusa te salà dan.

2 Timoteo 2:25

Embiya ruen ed-apul dut te ibpenurù din, ne ebpetuntayan din te menanew su kema ke edsembian te Eleteala ke itungan dan ne ebpedsendit dan ne ebpeketuntul dan en dut te benar.

Hibruhanen 5:11

Ne ruen pà maa dekelà ne ibpesabut ku perem keniyu mekeatag te kinedterebpelengesa ni Milkisidik wey si Hisus, ugaid ne iyan din kerehenan te kedseysey ku su merehen kew ne ebpekesabut.