2 Timoteo 3:3 - Ke meupiya ne tudtul mekeatag ki Hisu Kristu

³ Warà limù dan te ruma ran, ne embiya ruen igkeepes dan ne kenà dan egkepesehad ne edtevù dan te ruma ran, ebpegudar dan te mepait meraras ne lalag su warà angkà te ulaula ran, ne misan engkey en ne keupianan ne kenà dan egkiyuhan.

2 Timoteo 3:3 ပူးပေါင်းရင်းမြစ်များ

Mateo 10:21

“Su ketà ne hewii ne ruen menge etew ne misan ke temperà dan te pused ne ed-uluhen dan su ebpeimetayan, ne iring din ded dema ke ed-ul-ulaan te amey dut te menge anak din. Ne ruen menge anak ne ebpekid-atu te menge lukes dan su ebpeimatayan dan.

Mateo 4:1

Ne ketà ne mid-ewit en si Hisus dut te Kedesenan ne Ebpetuntul te Menusiyà diyà te tanà ne kenà egkeubpaan te menge etew su ebpenggeraman dut te datù te pekaid.

Lucas 10:16

Ne migkehiyan ni Hisus ke pitu nepulù ne ebpeipenawen din te, “Ke menge etew ne ebpemineg te ibpenurù niyu ne iring te iyan a ran ebpeminehen. Ne engkey se kenà edtelimà keniyu ne iring te iyan a rin warà telimaa. Ne engkey se kenà edtelimà kediey ne iyan din warà telimaa ke Eleteala ne midsuhù kediey.”

Lucas 16:14

Duen ketà menge Peresiyu ne iyan den dà dekelà te hinawa ne kureta ran. Nerineg dan dà ini se migkahi ni Hisus ne mid-undaunda ran dà.

Juan 6:70

Migkahi en si Hisus dut te edumdumaan din te, “Maa, kenà ke sepulù niyu wey deruwa se mibpemilì ku? Ugaid ne seveka keniyu se sakup ni Setanas ke datù te pekaid.”

Ruma 1:29

Ne ke itungan dan ne nepenù dut te langun ne meraat, ne lelegawen dan, ne meraat se ulaula ran dut te menge ruma ran. Imaan dan, ne terevunù dan, ne ebpekid-ehet dan, ne tenlimbungen dan, ne iyan dan pegitungan mekeatag te ruma ne etew ne meraat, ne edserupet dan te menge ruma ran,

Ruma 1:31

Warà dan sebuta te misan engkey ne meupiya ne ulaula. Kenà dan edtuman te pasad dan, ne warè en iya kegkelimù dan wey kegkeyru ran dut te ruma ran.

1 Kurintu 7:5

Tembù be sikiyu ne neked-esawa en, ne kenà nu id-engkenà ke lawa nu rut te esawa nu, liyu ke ruen hewii ne egkeupekatan niyu te kebpengeningeni su apey warà sanggel din te kebpengeningeni niyu. Ne embiya egkeipus arà se hewii, ne lived kew manen dut te kedtiwelayà niyu te esawa nu su apey kenà kew egkegaga dut te penggeram ni Setanas ke datù te pekaid te edlangkadlangkad ka su kenà ka ebpeketigker dut te kiyug te lawa nu.

1 Kurintu 7:9

Ugaid embiya kenà niyu egketigkeran ke kiyug te lawa niyu, ne iyan pà tumù se ed-esawa kew. Su iyan pà meupiya se ruen esawa niyu tumin dè be ke kenà kew ebpeketigker dut te kiyug te lawa niyu.

1 Tiselunika 4:8

Tembù be ke etew ne kenà eduma te ini ne ibpenurù ku ne kenà penurù te etew se id-engkenà din su iyan din id-engkenà ke penurù te Eleteala ne mibehey keniyu te Kedesenan ne Ebpetuntul te Menusiyà.

1 Timoteo 3:11

Engketà ded ke menge esawa ran, iyan din kemeyidan ne ed-ulaula ran te meupiya su apey ran egkeedati, ne kenà dan serupeten. Ne kenà dema mekalas se kebpenunuen din te keuyahan. Ne ebpengeserihan te piya engkey en ne ed-ul-ulaan dan.

Tito 1:8

Ugaid ne iyan pà mulà se mesakew sikandin te piya engkey en ne etew, ne igkesuat din ke piya engkey en ne meupiya ne ed-ul-ulaan. Ne ed-erangan se ed-ul-ulaan din, metidtu sikandin, ke ulaula rin se ebpekesuhat te Eleteala, ne ed-eren te kiyug te lawa rin.

Tito 2:3

Engketà ded maa ke kebpenurù nu rut te lukes ne memeritan te iyan dan ul-ulaa ne ebpekesuhat te hinawa te Eleteala. Kenà dan medseserupet, kenà dan med-inum te ebpeketevereg. Iyan pà mulà se mebpenurù dan te meupiya ne ulaula

Santiago 2:6

Ugaid ne sikiyu, ne warà niyu el-elita ke menge ayuayu su iyan niyu ed-el-eliten ke menge kewasa. Meambe warà niyu metenuri te ke kewasa se mibpenlupig keniyu wey mid-ewit keniyu diyà te kukuman?

2 Pedro 2:14

Warà ruma ne ebpemengaan dan ke kenà ke menge meritan ne meredsik, ne ke kiyug dan te ebpatà te nanam dan ne kenà dan igkevulung. Ebaal dan te litag ketà se ed-ul-ulaan dan su apey ran mepeneheewit te ebpekedsalà ke menge etew ne warà pà mekedalid se kebperetiyaya ran. Iring din ded dema ne egkeeram-am ke hinawa ran, ugaid ne nepenehana en ke kedusa kandan te Eleteala.

2 Pedro 2:19

Su iyan dan ibpenurù ne embiya ruen etew ne eduma rut te ibpenurù dan ne warè en penduan ne ebpekeiket kandan. Ugaid ne sikandan se ebpenurù te tarù ne ed-uripenen dut te menge ulaula ran ne meraat ne ederaat dema kandan. Su netuenan ta ne uripen iya ke etew dut te piya engkey ne ebayàbayà kandin.

2 Pedro 3:3

Ini se egkeuna ne ebpesebutan ku keniyu. Ketà te mehaan en ebpekeuma ke mewri ne hewii kayi te ampew te dunya, ne ruen menge etew ne edlepew ne iyan ebayàbayà kandan ke meraat ne kiyug te lawa ran. Ne edsumpeliten kew ran se egkahi te,

Hudas 1:16

Ini se menge etew ne ed-engkenà dut te benar, ne merehen egkesukul se hinawa ran wey metehel ne ebpemivig. Iyan den dà edumaan ke meraat ne kiyug te lawa ran. Sahad se kepereyù dan, ne metau ran ne edlana te hinawa te ruma ran su dalan ini te kedsikep dan.

Hudas 1:18

Su migkahi ran te, “Ketà te egketketapus en ini se kelibutan ne ruen menge etew ne egemew ne edsumpalit keniyu ini te ebperetiyaya ki Hisus. Menge etew ini ne iyan dan edtumanen ke kiyug te lawa ran ne igkeepes te Eleteala.”

Imperayag 13:15

Ne ini se ikeruwa ne mekeandek ne binatang ne mibehayan te gehem te ebpekegihinawa ke ledawan te paras dut te neuna ne mekeandek ne binatang. Tembù be ebpekelalag ke ledawan ne insuhù din te ebpeimatey ke langun ne kenà ed-arap kandin.

Imperayag 13:17

Su warà etew ne ebpekepemasa etawa ebpekepemendehang embiya kenà dan ed-una te ebpetiyap te ngaran dut te neuna ne mekeandek ne binatang etawa ke rumiru ne tuus te ngaran din.

Imperayag 16:6

Su sikandan se mibpeimatey dut te menge etew ne mibperetiyaya keykew, wey ke mibpelambas te Lalag nu rengan. Tembù be lengesa se ibpeinum nu kandan guntaan su ini se edait ne idsulì kandan.”

Imperayag 17:6

Ne nekita ku rema ne netevereg ini se meritan kayi te lengesa ne mid-inum din, ini se lengesa dut te menge etew ne mibperetiyaya te Eleteala ne mibpeimetayan din su kenà dan ed-engked dut te kebperetiyaya ran ki Hisus. Ne ketà te nekita ku ini se meritan ne neinuinu a nevenar.