2 Timoteo 3:16 - Ke meupiya ne tudtul mekeatag ki Hisu Kristu

¹⁶ Su langun ne lalag te Eleteala ne impesurat din ne riyan en iya ebpuun te kandin. Ne dekelà se atag din kenita su iyan ebpayag kenita te tidtu ne penurù mekeatag kandin wey ke kiyug din, wey edawey keyta te meraat su apey ki ebpekeengked. Ne ebpemandù dema kenita te ulaula ne ebpekesuhat kandin apey ki ebpekeruma te metidtu.

2 Timoteo 3:16 ပူးပေါင်းရင်းမြစ်များ

Mateo 13:52

Ketà ne migkahi maa si Hisus te, “Ne geina te nesebutan niyu en arà, ne misan engkey ne etew ne ebpenurù te penduan ne miduma kayi te Kedatù te Eleteala ne iring sikandin dut te senge etew ne kemuney te valey ne merakel se kearen din megidsan se raan wey behu. Iring sikandin ketà su metau ne ebpenurù te raan ne penurù wey igkepenurù din dema ke behu.”

Mateo 21:42

Ne migkahi pà maa si Hisus te, “Maa, warà niyu ves mevasa ke impesurat ne Lalag te Eleteala mekeatag te ini? Su nekahi ketà te, ‘Ke pelaus ne mid-eng-engkeran dut te menge etew ne ebpemevaley su kunaan dan ke warà rantek din, ne iyan en iya ini nepemilì ne segkad te valey. Ini se mid-ulaula te Kerenan, ne mekegeyip nevenar!’

Mateo 22:43

“Benar,” ke si Hisus, “ne geina te iring ketà ne meambe ke migkahi si David te arà se Impasad te Eleteala ne Ebperetuen te langun ne Kerenan din? Su midlumunan te Kedesenan ne Ebpetuntul te Menusiyà si David ne impesurat din te,

Mateo 26:54

Ugaid,” ke si Hisus, “ne kenà a su embiya ed-ul-ulaan ku arà ne memenu ve se kegketuman dut te impesurat ne Lalag te Eleteala ne egkahi te iyan iya se metuman te iring kayi?”

Mateo 26:56

Ugaid ne egked-ulaula ini langun su apey egketuman en ke Lalag te Eleteala ne impesurat dut te menge etew ne mibpelambas te lalag din dengan.” Arà dà ne mibpelahuy en ke menge edumdumaan din ne intahak dan en sikandin.

Marcos 12:24

Midtavak si Hisus te, “Warè en iya ebpekesuhat ne itungan niyu! Su warà niyu mesebuti ke impesurat ne Lalag te Eleteala, ne warà niyu mesebuti ke rekelà ne gehem din.

Marcos 12:36

Su mid-ulinan te Kedesenan ne Ebpetuntul te Menusiyà si David ne impesurat din te, ‘Migkahi ke Eleteala ketà te Kerenan ku te: Kayi ka pinuu te rapit te egkekewanan ku taman te ebpenggiekan ku ke menge kunterà nu.’”

Juan 10:35

Netuenan tew,” ke si Hisus, “ke impesurat ne Lalag te Eleteala ne benar ne warà kegkesembii rin taman te taman su migkahi rin te imperagid dan te Eleteala ke menge keep-epuan tew ne mibehayan din dut te lalag din.

Juan 3:20

Ne misan engkey en ne etew ne ed-ulaula te meraat ne kenà egkesuat te merayag wey kenà dan ed-uvey te merayag su apey kenà egkepayahan ke ulaula ran ne meraat.

Nenged-ulaula 1:16

“Menge suled,” ke sikandin, “kenà egkepakey ne kenà edtumanen ke Lalag te Eleteala ne impesurat te Kedesenan ne Ebpetuntul te Menusiyà ki David dengan. Su impekahi rin neraan te si Hudas se ebpalad ki Hisus diyà te menge etew ne edsigkem kandin.

Nenged-ulaula 18:25

Neey-eyaran sikandin te ebpenurù mekeatag te penurù ni Hisus ke Kerenan. Ne mevag-et sikandin ne midlalag, ne nekesuhat se kebpenurù din mekeatag ki Hisus, ugaid ne iyan din dà netuenan ne arà se kebunyag ni Juan.

Nenged-ulaula 20:20

Netuenan niyu se in-amin ku keniyu ipesabut ke langun ne ebpeketavang keniyu. Ne impenurù ku keniyu diyà te kevurunan wey misan dema diyà te menge baley niyu.

Nenged-ulaula 20:27

Su in-amin ku keniyu ipesabut ke langun ne intahù te itungan te Eleteala ne ed-ul-ulaan.

Nenged-ulaula 28:25

Ketà ne mibpesusuweyey ran su warà meked-ayun ke itungan dan. Ugaid ne te warà den pà med-awà ne migkahi maa si Pablo te, “Benar iya ke migkahi rut te Kedesenan ne Ebpetuntul te Menusiyà ne impesurat dut te senge etew ne ebpelambas te Lalag te Eleteala rengan ne si Isayas.

Ruma 15:4

Ne netuenan tew te langun ne impesurat ne Lalag te Eleteala rengan ne keytew ne keupianan su apey ki egkepenurù. Su ini se impesurat ne lalag din ne ini se ebpeketavang keytew te kebmetigker tew ketà te kemeresayan tew, wey idtihel te hinawa tew gewii te kedtahad tew rut te ebpenerengen tew keuremà.

Ruma 2:20

Iyan niyu pegitungan te sikiyu se ebpekepenurù dut te menge etew ne warà utew egketùtuenan dan mekeatag te Eleteala, wey ke menge etew ne iring pà te menge vatà. Su iyan niyu pegitungan ne ke penduan te Eleteala ne intahak keniyu ne dutun intahù ke langun ne ketau wey ke benar.

Ruma 3:2

Ugaid ne rekelà iya se atag din kayi te sikami ne Hudiyanen. Seveka en, ne sikami se midtehakan dut te penduan te Eleteala.

Ruma 4:23

Ugaid ne arà ne impesurat ne Lalag te Eleteala rengan ne ebpesabut te iyan kedtengteng kandin te Eleteala ne metidtu ne kenà ini se insurat ne mekeatag dà ki Abraham.

1 Kurintu 12:7

Ne ke ketau ne imbehey dut te langun ne mibperetiyaya kandin, ne arà ke tuus te iyan ebpetuntul keytew ne ke Kedesenan ne Ebpetuntul te Menusiyà. Iyan kinevehey keytew su apey ki meketavang dut te ruma tew ne mibperetiyaya.

Gelasiya 3:8

Su ruen Lalag te Eleteala rengan ne impesurat din te misan ke menge etew ne kenà Hudiyanen ne ebeluyen din ne ebmetidtu embiya edsarig dan kandin. Mibpeketuenan din ki Abraham ini se Meupiya ne Tudtul se egkahi te, “Ibpepevayà keykew ne edtevangan ku ke langun ne etew kayi te ampew te dunya,” ke se Eleteala.

2 Timoteo 2:25

Embiya ruen ed-apul dut te ibpenurù din, ne ebpetuntayan din te menanew su kema ke edsembian te Eleteala ke itungan dan ne ebpedsendit dan ne ebpeketuntul dan en dut te benar.

2 Timoteo 4:2

Iyan ku idsuhù keykew ne kenà ka engked se ebpesabut kayi te lalag te Eleteala. Misan endei ka egketahù wey misan engkey ne hewii, ne iluta nu se kebpemenudtul nu rut te menge etew. Penurua nu ke menge etew ne ebpekesuwey. Iluta nu ve ke kebpesabut nu taman te egkerumaan dan ke lalag te Eleteala. Ne beg-eta nu ke hinawa rut te menge etew ne mibperetiyaya gewii te ebpenurù ka kandan te menanew.

Hibruhanen 11:1

Na, embiya duen tidtu ne sarig tew te Eleteala, ne netuenan tew iya se egketelimà tew ke meupiya ne ebpenerengen tew. Su egenat te sarig tew ne netuenan tew en rema se benar ini se keupiya rin misan kenà ta egkekita.

Hibruhanen 3:7

Engketà be ne ed-ulaula kiyu te iring te nekahi rut te Kedesenan ne Ebpetuntul te Menusiyà ne egkahi te, “Na, embiya egkerineg niyu ke Lalag te Eleteala,

Hibruhanen 4:12

Ke Lalag te Eleteala ne ebpekeiring te biviyag su mekegehem. Ne lavi pà se keharang te Lalag te Eleteala dut te memeharang ne sundang ne idtibas te etew ne medmeralem se id-uteng din. Ebpekeiring ketà su idtempayar din ke itungan wey ke kiyug dut te menge etew ne ed-eles te hinawa rin.