2 Timoteo 3:13 - Ke meupiya ne tudtul mekeatag ki Hisu Kristu

¹³ Ne ayan se menge meraat ne etew wey ayan se ebpemenurù te kenà benar, ne ke keraat te perangey ran ne ed-isab pà. Edlimbung dan te ruma ne etew, ne egkelimbungan dan ma rema.

2 Timoteo 3:13 ပူးပေါင်းရင်းမြစ်များ

2 Kurintu 6:8

Edlaus key te egelevek te Eleteala misan ed-edatan key etawa ebpegkeyaan key, misan edeyuen key etawa edsudian key. Ne misan ruen egkahi te teruen key, ne iyan benar ini se ibpemesabut dey.

1 Timoteo 4:1

Na Timoteo, mepayag nevenar ke migkahi dut te Kedesenan ne Ebpetuntul te Menusiyà te ruen menge etew ketà te ketepusan ne hewii ne edsuwey rut te kebperetiyaya ran ki Hisu Kristu. Su iyan dan en maa edumaan ke busew ne metau ne edlimbung, ne ebperetiyaya ran te tarù ne ibpepenurù te menge vusew.

2 Timoteo 3:8

Ne ini se ebpemenurù te kenà metidtu ne iyan den dà kebpenurù ne edlantung dan dut te benar ne penurù iring ki Iyanis wey Iyanbiris dengan te midlantung ki Moises. Su langun dan ne nelayam en te itungan ne meraat, ne ke sarig dan ne warà ebuwatan din.

Tito 3:3

Su sikitew ne menge mibperetiyaya ne rengan ne menge merupangdupang ki, kenà ki meperumaruma, ne warà ki meketuntul ke tidtu ne penurù. Nengeuripen ki rut te langun ne kiyug tew rà, ne iyan dà neketahù kayi te hinawa ta ne meraat ne ebpekesakit te hinawa te ruma ta wey ebpesigsihiyey. Neepesan ki te menge etew, ne neepes ki red dema kandan.

2 Pedro 2:20

Ke ruen menge etew ne mid-awà dut te daan ne ulaula ran ne meraat su atag dut te mibperetiyaya ran ki Hisu Kristu ke Kerenan tew, ne ebpekeliyu ran dut te meraat ne ulaula kayi te ampew te dunya ne ederaat kandan. Ugaid ne embiya edlived dan ded maa dut te meraat ne nelayaman dan ne ingkeuripen dan, ne tuwas pà ne meraat se egketemanan dan dut te warà den pà mibperetiya.

2 Pedro 3:3

Ini se egkeuna ne ebpesebutan ku keniyu. Ketà te mehaan en ebpekeuma ke mewri ne hewii kayi te ampew te dunya, ne ruen menge etew ne edlepew ne iyan ebayàbayà kandan ke meraat ne kiyug te lawa ran. Ne edsumpeliten kew ran se egkahi te,

Imperayag 12:9

Su in-antug dan diyà te ampew te dunya ini se rekelà ne tendayag wey langun ne sakup din. Su ini se tendayag ne arà se engkungkun ne uled te rengdengani rà nevenar ne ed-ingaranan ki Setanas ke datù te pekaid, ne metau ne edlimbung te langun ne menge etew kayi te ampew te dunya.

Imperayag 13:14

Ne sabap dut te mekegeyip ne ed-ul-ulaan ne mibpeveelan kandin dut te neuna ne binatang, ne nelimbungan din ke langun ne menge etew kayì te ampew te dunya. Ketà ne insuhù din kandan te ebaal te ledawan ne ebpekeiring te paras dut te neuna ne mekeandek ne binatang ne ebpengerapan dan, arà se binatang ne nepelian te sundang ugaid ne neulian en.

Imperayag 18:23

Ne iring ded dema ne kenè en egkerineg ke gelingan. Ne warè en rayag dut te sulù ne egkekita ketà, ne warè en egkerineg ne mehalew ne menge lalag diyà te kevurunan te kewingan. Ini se kedusa te inged ne Bebilunya su ke menge etew ne ebpemendahang diyà te inged din ne mevantug wey sikandan se migkewasa dut te langun ne menge etew te ampew te dunya. Ne ruma pà maa ne midlimbung dan te kedwelweliyan dan dut te langun ne menge etew te ampew te dunya.