2 Timoteo 2:5 - Ke meupiya ne tudtul mekeatag ki Hisu Kristu

⁵ Ne idsempità ta rema te etew ne egkuya te ebpelelahuy. Su misan sikandin pà se meabet ne ebpelelahuy, ne kenà sikandin egkevehayan dut te idlalew kandin ke warà din dumai ke pepatà kandin dut te mepurù din te kinerudsù dan.

2 Timoteo 2:5 ပူးပေါင်းရင်းမြစ်များ

Lucas 13:24

“Pegelep kew nevenar te kedlusud niyu ketà te melihet ne gumawan te kenà pà egkelekevan, su idtarem ku keniyu ini,” ke si Hisus, “te merakel se egkesuat ne edlusud ugaid ne kenà dan en ebpekelusud.

Pilipus 1:15

Benar ne ruen duma ne menge etew ne ebpesabut te Lalag te Eleteala su egkesihi ran kedì, ne arà ke dalan te kebpekid-ampew ran. Ugaid ne ruen ruma ne etew ne kenà, su iyan dan kebpesabut te Lalag te Eleteala ne egenat te hinawa ran en iya.

Kulasi 1:29

Ini iya se ebpegelepan ku te egelevek ne embiya kediey rà ne kenà ku ini egkegaga, ugaid ne ke baher ni Hisu Kristu se ibpekegaga ku.

Hibruhanen 12:4

Su arà te ked-engked niyu te meraat ne ulaula ne ibpenggeram keniyu, ne warà seveka rà ne ed-imatey keniyu atag dut te kebperetiyaya niyu.

Hibruhanen 2:7

Su pehaney ne mibeelan nu sikandan ne mevavà pà dut te menge suluhuen. Ugaid ne mehaan dà ini; su ibpepurù nu en sikandan te egkereyù wey egkeedatan

Hibruhanen 2:9

Ugaid ne iyan tew netuenan ne ke kinedatù en ni Hisus, misan mehaan dà ne hewii se kinepeembavà kandin rut te menge suluhuen te Eleteala. Su egenat dut te dekelà ne tavang te Eleteala dut te sikitew ne menge etew, ne mibpebaluy si Hisus ne etew ne mibpebpatey su imbeliwas din te langun tew ne menge etew. Na guntaani ne sikandin en se egkereyù wey egkeedatan su ke kinekerasey rin te kebpatey rin atag dut te langun ne menge etew.

Santiago 1:12

Na ke etew ne misan ebpekeanuyanuy te kemerehenan ne eduma red lavew te Eleteala, ne sikandin ne ruen kehelawan din. Su netuenan din se egkeipus ke kedtigker din te kemerehenan, ne ebpeketelimà te lalew rin ne arà se umur ne warà edtemanan din ne impasad dengan te Eleteala dut te langun ne egkelimù kandin.

1 Pedro 5:4

Su ketà te kedlived ni Hisu Kristu kayi, ne iyan mepurù ne tumetuganur, ne ebpekeamung ki dut te ed-andlag ne raman te kebpepurù kandin ne kenà egkurang ke raman din.

Imperayag 2:10

Kenà kew meandek dut te keresayan ne mehaan en ne ebpekeuma keniyu. Ugaid ne pemineha niyu ini se egkehiyen ku su ruen keniyan te keniyu ne ebilengguen dut te datù te pekaid su ebpenggeraman din ke kebperetiyaya niyu, ne edresayen kew te mehaan iring te menge sepulù ne hewii. Ugaid ne kenà kew edlekà te kebperetiyaya niyu kediey misan ibpatey niyu pà su ruen lalew ne ibehey keniyu ne umur ne warà edtemanan din.

Imperayag 3:11

“‘Na mehaan ad edlived kayi te ampew te dunya. Tembù be geweri niyu te mevaher ini se kebperetiyaya niyu kediey guntaani su apey warà etew ne edlimbung keniyu ne ebpekekuwa dut te lalew ne intail keniyu.

Imperayag 4:10

ne edlumpeng dema ini se deruwa nepulù wey epat ne pekilukesen diyà te etuvangan dut te ebpinuu ne edatù se ebpengarap kandin arà se warà kemetayen din. Ne inrenà dan ke seluluy ran ne bulawan diyà te etuvangan te ebpinuuwan din se egkahi te,

Imperayag 4:4

Ruen deruwa nepulù wey epat ne ebpinuuwan ne nekelingut kayi te ebpinuuwan din ne ruen deruwa nepulù wey epat ne pekilukesen ne ebpinuu ketà. Mibevelegkas dan te meputì ne ruen inseluluy ran ne bulawan.