2 Timoteo 2:26 - Ke meupiya ne tudtul mekeatag ki Hisu Kristu

²⁶ Ne ebpekeimaman dan en ne ebpekeliyu ran en ketà te selaid ni Setanas ke midlimbung kandan su apey ran ebpekeruma te kiyug din.

2 Timoteo 2:26 ပူးပေါင်းရင်းမြစ်များ

Lucas 11:21

Migkahi si Hisus te, “Upama ke ruen mevaher ne etew ne ruen metarem din ne ebentayan en ke valey rin, ne warà etew ne ebpekelusud te valey rin su ebpenakew te kearen din.

Lucas 15:17

“Guna su neuhet ne nekemuhudmuhud sikandin ne kehingginawa rin te, ‘Langun dut te menge etew ne egelevek ki Amà ne edsawadsawad se egkekaan dan, ugaid ne siaken kayi ne ebpatey ad te bitil.

Lucas 5:10

Ne neinuinu rema ini se menge ruma ni Simon te ebpemiyala ne en si Santiago wey si Juan, ke menge anak ni Sibidyu. Ne migkehiyan ni Hisus si Simon te, “Kenà ka meandek! Engkayi kew en ne duma kew kediey su serà se ebpemiyalaan niyu guntaani, ugaid ne ebpenuruen ku pà sikiyu te iyan niyu mulà egkeutel ne menge etew ne eduma kedì.”

Juan 13:2

Guna su meapun en ne edlavung pà ensi Hisus wey ke edumdumaan din, ne neketahù en si Setanas ke datù te pekaid diyà te itungan ni Hudas ke anak ni Simon Iskeriyuti te ed-ulug ki Hisus.

Juan 13:27

Guna su migkuwa ni Hudas ke pan, ne mid-awuk en kandin si Setanas ke datù te pekaid. Ne migkehiyan en ni Hisus sikandin te, “Ini se ed-ul-ulaan nu ne gègeeni nu en!”

Nenged-ulaula 26:18

Su sikandan ne arà se ed-ul-ulaan dan ne kenà meupiya ne iring te riyà dan te kerusireman. Ugaid ne pendiyà ka su ibpesabut nu kandan mekeatag kedì su apey ran mekehimerat ne ebpekeengked dan dut te meraat ne ed-ul-ulaan dan ne ebpekearat dan diyà te kerayahan, uya su ebpekeawà dan dut te kegkeuripen kandan te datù te pekaid ne ebpesakup dan en te Eleteala. Su apey egkepesehad ke menge salà dan sabap dut te kebperetiyaya ran kedì,’ ke si Hisus, ‘ne ebpekeamung dan dut te menge etew ne mibpemilì te Eleteala.’

Nenged-ulaula 5:3

Ne migkehiyan sikandin ni Pedro te, “Ananias, meambe ke midtuhut ka ne ke datù te pekaid se ebayàbayà te hinawa nu su midtarùtarù ka rut te Kedesenan ne Ebpetuntul te Menusiyà? Su ruen intahak nu ne elehà dut te mibpasa nu ne tanà.

1 Kurintu 15:34

Gimerata niyu en ke mata niyu su apey kew ebpekeimaman, ne engkeri niyu en ke ulaula niyu ne meraatey. Migkehiyan ku sikiyu kayi su apey kew egkeyeyai su ruen keniyan te keniyu ne reisek pà se netuenan din mekeatag te Eleteala!

2 Kurintu 2:11

Ne ini se ed-ul-ulaan ta su apey ki kenà mepeneheewit ni Setanas ke datù te pekaid, su netuenan ta ne metau te liyuk te kegkeekali ta.

Ipisu 5:14

Ne ketà te egkekita ran ke meraat, ne egkepayahan dan te itungan dan ne edtidtuwen dan. Tembù be ruen beseanan ne egkahi te, “Sikew ke iring te edlipereng, imaman kad; Uya, su iring ke en te minatey, ne mevanew kad; Ne edtayawan ni Hisu Kristu ke itungan nu.”

Kulasi 1:13

Su impeliyu kiyu en nikandin te kerusireman ne ebeyvayaan ni Setanas ke datù te pekaid, ne in-arat kiyu nikandin ketà te kerayahan ne iyan ebayàbayà ke Anak din ne si Hisu Kristu ne igkelimù din nevenar.

1 Timoteo 1:20

Iyan iring kayi ne en si Himinyu wey si Alejandro. Midlekaan ku sikandan su apey egkeveyveyai en ni Setanas ke datù te pekaid apey ran metueni te kenà iya egkepakey ne edsumpeliten se Eleteala.

1 Timoteo 3:7

Ne iyan din kemeyidan ne ini se etew ne ebpeneheewit te menge etew ne mibperetiyaya ki Hisus ne egkeedatan dut te menge etew ne warà pà mebperetiyaya ki Hisus. Su embiya ruen meraat ne ulaula rin, ne edsewayan sikandin su arà ke idselaid ni Setanas kandin.

Imperayag 12:9

Su in-antug dan diyà te ampew te dunya ini se rekelà ne tendayag wey langun ne sakup din. Su ini se tendayag ne arà se engkungkun ne uled te rengdengani rà nevenar ne ed-ingaranan ki Setanas ke datù te pekaid, ne metau ne edlimbung te langun ne menge etew kayi te ampew te dunya.