2 Timoteo 2:18 - Ke meupiya ne tudtul mekeatag ki Hisu Kristu

¹⁸ Su midsuwayan dan ke tidtu ne penurù su egkehiyen dan te neipus en ke hewii te kebanew te Eleteala te menge etew ne minatey. Tembù be ini ve se ebpemenudtulen dan ne ebpekeliveg te itungan dut te ruma ne mibperetiyaya.

2 Timoteo 2:18 ပူးပေါင်းရင်းမြစ်များ

Mateo 15:13

Ne migkahi si Hisus te impepevayà te sempità te, “Langun ne pinemula ne warà ipemula te Amey ku ne riyà te langit ne eberuten.

Mateo 22:29

Ne migkahi si Hisus kandan te, “Warà en iya ebpekesuhat ne itungan niyu! Su warà niyu mesebuti ke impesurat ne Lalag te Eleteala, ne warà niyu mesebuti ke rekelà ne gehem din.

Lucas 8:13

Ne ke kebetuwan ne neuluhan te benì ne arà ke menge etew ne nekerineg te Lalag te Eleteala ne ingkehalew ran te ebpemineg ne mibperetiyaya ran, ugaid ne mehaan dà se kineperetiyaya ran su warà mekedalid te hinawa ran. Ne wey ran penggerami ni Setanas dut te peretiyaya ran ne midlekà dan en.

Nenged-ulaula 5:39

ugaid ne embiya riyà ebpuun te Eleteala ini, ne kenà niyu egkegaga te ebpeengked sikandan. Ne kenà ketà dà taman su egkevaluy kew ne egkunterà te Eleteala.” Ketà ne mibperumaruma ke menge Perekukum dut te lalag ni Gemalil.

1 Kurintu 11:19

Ketà te kebpesinsinumehayi niyu ne iyan din dà keupianan ne egkekita ketà te ke menge etew ne benar se kebperetiyaya rin ki Hisu Kristu su kenà dan eduma rut te ed-ul-ulaan niyu.)

1 Kurintu 15:12

Iyan dey impesabut keniyu ne si Hisus ne nevanew en te kinepatey rin. Na meambe ke ruen keniyan te keniyu se egkahi te ke minatey ne kenà en egkevanew te Eleteala keuremà?

Kulasi 3:1

Na ketà te neuyag ded si Hisu Kristu, ne sikitew se mibperetiyaya kandin ne nekeamung en dema su duen en behu ne umur tew. Tembù be iyan tew ibpeuna te itungan tew ke impenehana rin kenitew riyà te langit, su riyà si Hisu Kristu te rapit te egkekewanan te Eleteala se ed-amung te ebayàbayà kandin.

1 Timoteo 1:19

Kemali nu te mevaher ke sarig nu ki Hisus, ne kenà ka ulaula te meraat su apey kenà ka egkeyeyaan diyà te etuvangan te Eleteala wey diyà te etuvangan te menge etew. Su ruen menge etew ne misan netuenan dan ded se meraat ke ulaula ran ne ed-iseg den pà lavew, ne ini ve se sarig dan ne warà en misan daan en ne mibperetiyaya ran.

1 Timoteo 6:10

Su ini se kegkenuhun te kureta dut te menge etew, ne ini se puunan te merakel ne meraat ne ulaula ran. Su duen menge etew ne midsuwey se kebperetiyaya ran te Eleteala su ini imbe iya se kiyug dan te kegkewasa. Ne iyan dan egketemanan se nekevaal te dekdekelà ne kemutuwan dan.

1 Timoteo 6:21

Uram ke ve kayi te penurù dan su ruen menge etew ne mibperetiyaya kayi ne iyan dan netemanan ne midsuwey se peretiyaya ran ki Hisu Kristu. Iyan ku kiyug ne egkeheram nu ke tavang te Eleteala. Arà dà taman. Pablo

2 Timoteo 2:14

Na ipetahù nu te itungan dut te menge etew ini se penurù ku, ne tegtehami nu sikandan te ebaag te id-etuvang te Eleteala te med-engked dan se ebpelewlewaney te lalag ne warà tapek din. Su ayan imbe ne warà en iya keupianan din, nasì pà te ebpekereraat dut te peretiyaya te etew ne ebpemekerineg.

Tito 1:11

Ne peengkera nu sikandan su merakel se tiwelayà ne nehuvar dut te kebpenurù dan ne kenà tidtu su mekeyeyà se dalan dan te kebpementiyarì te pirak.

Hibruhanen 3:10

Tembù be neepes a kandan ne migkahi a te, ‘Ini se menge etew ne layun edsuwey ke hinawa ran kedì ne kenà dan edumaan ke impemandù ku.’

Santiago 5:19

Menge suled ku, embiya ruen etew riyà te keniyu ne nekesuwey rut te tidtu ne penurù, iyan meupiya ne ruen etew ne edtavang kandin su apey ebpekelived ded sikandin te tidtu ne penurù.

1 Juan 2:19

Ne ini se menge kunterà ni Hisu Kristu ne engkungkun ne menge ruma tew te egkevurunan te menge mibperetiyaya ki Hisus, ugaid ne midsuwey ran kayi te keyta su kenà dan tidtu ne ruma tew te ebperetiyaya. Su embiya sikandan se tidtu ne ruma tew te ebperetiyaya, ne warà dan medsuwey keyta. Ugaid ne midsuwey ran, ne kayi te ini se kedsuwey ran ne egkekita te kenà dan tidtu ne ruma tew te ebperetiyaya.