2 Timoteo 2:15 - Ke meupiya ne tudtul mekeatag ki Hisu Kristu

¹⁵ Up-upiani nu ve se kedtuman nu te kiyug te Eleteala su apey ka ebpekesuhat te hinawa rin. Su embiya ini se ed-ul-ulaan nu, ne warà igkeyeyai nu mekeatag te helevek nu diyà te etuvangan din su ke kebpenurù nu rut te benar ne Lalag te Eletala ne titay batang dà.

2 Timoteo 2:15 ပူးပေါင်းရင်းမြစ်များ

Mateo 13:52

Ketà ne migkahi maa si Hisus te, “Ne geina te nesebutan niyu en arà, ne misan engkey ne etew ne ebpenurù te penduan ne miduma kayi te Kedatù te Eleteala ne iring sikandin dut te senge etew ne kemuney te valey ne merakel se kearen din megidsan se raan wey behu. Iring sikandin ketà su metau ne ebpenurù te raan ne penurù wey igkepenurù din dema ke behu.”

Marcos 4:33

Mibpesabut si Hisus te Lalag te Eleteala diyà te menge etew te impepevayà din te sempità iring kayi, te endei taman se netuenan din ne egkesebutan dan.

Lucas 12:42

Ne midtavak si Hisus ke Kerenan te sempita ded, ke sikandin te, “Ke edsugsuhuen ne egkedserihan wey metmetau su edtuman te idsuhù kandin, ne ebpekemalen en dut te ruma ne edsugsuhuen. Ne sikandin se ebehey te egkekaan dut te ruma ne edsugsuhuen ketà te kegkekaan dan.

Nenged-ulaula 2:22

“Sikiyu ne menge ruma ku ne Hudiyanen,” ke si Pedro, “pemineha niyu ini se egkehiyen ku. Si Hisus ne riyà ebpuun te Nesarit, ne mepayag ne impepengkayi sikandin te Eleteala, ne ruen gehem te Eleteala ne riyan en te kandin su nekita ini dut te langun ne mibpeveelan kandin te Eleteala ne mekegeyip wey ke mid-ulaula rin ne mekeinuinu. Netuenan niyu ini su kayi mid-ulaula ini te keniyu.

Nenged-ulaula 20:27

Su in-amin ku keniyu ipesabut ke langun ne intahù te itungan te Eleteala ne ed-ul-ulaan.

Ruma 14:18

Su embiya iring ketà se kegkerumai tew ki Hisu Kristu ne ebpekesuhat ki te hinawa te Eleteala, ne egkesuatan dema rut te menge ruma tew ke menge ulaula tew.

Ruma 16:10

Ibpesampey niyu rà ini se penginginsà ku ki Epilis, arà se impekita rin ke sarig din ki Hisu Kristu diyà te langun. Ne igkahi niyu rà ini rema riyà te telteleanak ne ensi Eristubulu.

Ruma 6:13

Kenà niyu iluhut te misan endei rapit te lawa niyu te ed-ulaula te meraat, ugaid ne iyan niyu luhuti ne Eleteala se ebayàbayà keniyu te piya engkey ne metidtu ne ulaula ne kiyug din. Su iyan ini edait keniyu geina te nekeliyu kew en te kemetayen ne mibehayan kew en te behu ne kegkeuyag.

1 Kurintu 2:6

Embiya riyà te menge etew ne mevaher en se kebperetiyaya ran te Eleteala ne ke kebpemesabut ku kandan ne meralem. Ugaid ne kenà iring dut te ketau te itungan dut te menge etew kayi te ampew te dunya etawa ke ketau rut te menge etew ne nevehayan te ketulengeran dan, su ruen edtedtavan din.

2 Kurintu 10:18

Su ke etew ne edeyù te hinawa rin ne kenà tuus arà te benar ke egkehiyen din, ugaid ne ke kedeyù te Eleteala kandin ne arà se tuus te meupiya ne etew sikandin.

2 Kurintu 3:6

Ne sikandin ded be ke mibehey kenami te ketau te kebpemesabut dey dut te behu ne pasad din. Ne ini se behu ne pasad ne kenà iring dut te neuna ne penduan ne imbehey te Eleteala ki Moises, ugaid ne imbehey ini impepevayà dut te Kedesenan ne Ebpetuntul te Menusiyà. Su arà te neuna ne penduan ne insurat ne netuenan tew se nekesalà ki ne riyà ki egkepeneheewit te kepepatey ne warà edtemanan din. Ugaid ne ke Kedesenan ne Ebpetuntul te Menusiyà se ebehey keytew te umur ne warà edtemanan din.

2 Kurintu 4:2

Ayan se ibpegelesà ne ulaula ne ebpekeyeyà ne mid-engkeran dey. Kenà dey ed-ul-ulaan se kebpegekalà. Kenà dey edsembian ke Lalag te Eleteala, ugaid ne iyan dey egkehiyen ne ke benar. Iyan dey rà ed-ul-ulaan ne ibpekita te menge etew te warà meraat ne itungan dey, ne netuenan ini te Eleteala su sikandin se ed-usisa te langun ne ulaula rey.

2 Kurintu 5:9

Ugaid ne misan endei kiyu meketahù kayi te ampew te dunya etawa riyà te langit, ne iyan ta edumaan ne ke kiyug te Eleteala.

Gelasiya 1:10

Kenà niyu pegitunga te ruen kiyug ku te edeyuen a te menge etew, su iyan ku kiyug ne ebpekesuhat a te hinawa te Eleteala. Uya, warà te hinawa ku se ebpelimbentuhen a te menge etew, su embiya arà se pegingawà ku ne kenà si Hisu Kristu se perumdumaan ku.

Ipisu 1:13

Ne sikiyu rema keniyan ne kenà Hudiyanen ne nekeamung ded ketà te itungan din su nerineg niyu rà ke benar ne penurù, ini se Meupiya ne Tudtul mekeatag te kebpekeliyu rut te salà tew, ne mibperetiyaya kew en ki Hisu Kristu. Ketà be ne imbehey keniyu dut te Eleteala ke Kedesenan ne Ebpetuntul te Menusiyà iring te impasad din, su tuus ini te sikiyu rema ne sakup din.

1 Tiselunika 2:4

Su ini se impesabut dey keniyu ne iyan insuhù kenami te Eleteala, su sikandin se mibpemilì kenami ne insarig din kenami te ebpemesabut dut te Meupiya ne Tudtul mekeatag ki Hisus. Tembù be ini se impemesabut dey su apey ebpekesuhat te hinawa te Eleteala ne kenà ke menge etew rà. Ne netuenan te Eleteala ne benar ini su netuenan din ke engkey se kayi te hinawa tew.

1 Tiselunika 5:14

Ne ebuyuen ku lavew, menge suled, te suhua niyu ke pehulen ne egelevek. Beg-eta niyu ke hinawa dut te menge etew ne egkeandek, ne tevangi niyu ke menge etew ne melemu ne egkegaga te penggeram dut te datù te pekaid. Ne iyan iya se menanew se kedlalag niyu dut te kedtevangi niyu te menge etew.

1 Timoteo 4:6

Embiya ibpenurù nu ini se migkahi ku kayi, Timoteo, diyà te menge mibperetiyaya keniyan te keniyu, ne tuus arà te egkeserihan ka ne suhù ni Hisu Kristu ne ebpesabut te lalag din. Ne tuus dema te mid-iseg ke sarig nu su intahù nu te hinawa ke tidtu ne penduan wey midumaan nu te arà arè en.

Hibruhanen 4:11

Engketà be ne ebpenemaran tew su apey kiyu ebpekelusud ketà te inged ne ebpeimelayan ne impasad te Eleteala. Ne ed-uram kiyu su apey kenà kiyu mekeiring dut te menge etew rengan ne warà dan mekelusud su warà dan peretiyayaa ke migkahi te Eleteala kandan.

Santiago 1:12

Na ke etew ne misan ebpekeanuyanuy te kemerehenan ne eduma red lavew te Eleteala, ne sikandin ne ruen kehelawan din. Su netuenan din se egkeipus ke kedtigker din te kemerehenan, ne ebpeketelimà te lalew rin ne arà se umur ne warà edtemanan din ne impasad dengan te Eleteala dut te langun ne egkelimù kandin.

Santiago 1:18

Ne sabap dut te kandin ne kiyug ne ebeluyen ki rin ne anak din ketà te kebperetiyaya ta te benar ne impenurù din. Ini se mid-ulaula rin su apey ke sikita se belielehà dut te langun ne midlimbag din.

2 Pedro 1:10

Tembù be, menge ruma ku ne mibperetiyaya, iyan iya se mebpegelep ki te eduma te Eleteala wey mekita te benar iya ini se kebpemilì din keyta. Su embiya ini se ed-ul-ulaan ta, ne warà ebpekesuwey keytew te keduma ta te Eleteala.

2 Pedro 1:15

Tembù be idsurat ku ini riyà te keniyu su embiya warà a kayi te keniyu ne kenà niyu egkelipatan ini se impenurù ku keniyu.

2 Pedro 3:14

Na menge suled, tehaad te arà ne hewii se edteharan tew, ne id-amin tew ke hinawa tew te ed-ulaula te kiyug te Eleteala su apey warà meraat kayi te keytew ne igkesawey rin ketà te kebpekeuma rin wey apey melinew se hinawa ta diyà te kandin.