2 Timoteo 2:1 - Ke meupiya ne tudtul mekeatag ki Hisu Kristu

¹ Sikew, Timoteo, ne iring te tuney ne anak ku, iluta nu ke kedsarig nu su iyan edtavang keykew ne si Hisu Kristu genat te mibpekidseveka ka kandin.

2 Timoteo 2:1 ပူးပေါင်းရင်းမြစ်များ

1 Kurintu 16:13

Na guntaani ve, menge suled ku, ne uram kew te keduma niyu ki Hisus. Ne itindehi niyu te mevaher ke kebperetiyaya niyu ki Hisu Kristu. Kenà niyu igkeyeyai ne ibpekita niyu ke keduma niyu te kiyug te Eleteala, ne kenà niyu igkeandek te keduma kandin misan egkerehenan kew.

Ipisu 6:10

Ne ini se mewri ne egkehiyen ku. Na geina te mibpekidseveka kew ki Hisu Kristu, ne nganey kew kandin te ebmevaher ke sarig niyu su sikandin ke ruen dekelà ne gehem din te edtavang.

Pilipus 4:13

Misan engkey en se ebpekerumpak kedì ne egketigkeran ku su ke gehem ni Hisu Kristu ne iyan edtavang kedì.

1 Timoteo 1:18

Na sikew, Timoteo ne iring te anak ku, ini se igkahi ku kenikew. Tentenuri nu ke ingkahi rut te ebpelambas te lalag te Eleteala rengan mekeatag dut te helevek nu. Tentenuri nu ve apey ebmetihel ke hinawa nu te edtuman dut te insuhù keykew su apey ka ebpenehana te ed-atu rut te meraat.

1 Timoteo 1:2

Ne edsuratan ku sikew, Timoteo, ne iring en te tuney ne anak ku egenat dut te kebperetiyaya nu ki Hisu Kristu. Iyan ku kiyug ne egkeheram nu ke tavang wey kegkeyru te Eleteala ne Amey tew wey si Hisu Kristu ke Kerenan tew, ne egenat kandan ne ebmerinew ke itungan nu.

2 Timoteo 1:1

Siaken ini se edsurat ne si Pablo. Senge etew a ne kedserihan ni Hisu Kristu egenat dut te kiyug te Eleteala. Su midsuhù a rin te ebpesabut mekeatag te umur ne warà edtemanan din ne impasad din dut te langun ne menge etew ne ebpekidseveka ki Hisu Kristu.

2 Timoteo 1:2

Edsuratan ku maa sikew, Timoteo, ne igkelimù ku iring te tuney ne anak ku. Iyan ku kiyug ne egkeheram nu ke tavang wey kegkeyru te Eleteala ne Amey tew wey si Hisu Kristu ke Kerenan tew, ne egenat kandan ne ebmerinew ke itungan niyu.

2 Timoteo 1:7

Su mibehayan kiyu en te Eleteala te Kedesenan ne Ebpetuntul te Menusiyà apey ki kenà egkeandek, nasì pà te mibehayan ki rin te gehem te edtuman te kiyug din wey ke limù ta rut te menge ruma ta wey ke ketau te ed-erangan te langun ne ed-ul-ulaan ta.

2 Timoteo 2:10

Ketà be ne edtigkeran ku en ma lavew piya engkey ne egketemanan ku apey ke menge etew ne mibpemilì te Eleteala ne ebpekerineg te lalag din ne egketau te si Hisus ne ebpeliyu kandan, su kiyug ku ne ebpekeliyu ran dema egenat te kebperetiyaya ran ki Hisu Kristu ne ebpeketelimà dan te umur ne warà edtemanan din wey warà pasar din se keupiya rin neraan en ne impenehana te Eleteala kandan.

2 Timoteo 4:17

Ugaid ne misan mid-ewaan a nikandan ne si Hisu Kristu ke Kerenan tew ne warà med-awà kedì. Kayi sikandin te uvey ku ne sikandin se mibaher te hinawa ku su apey ku igkeeneb igkepesabut ke tudtul mekeatag kandin diyà te langun ne menge etew ne kenà Hudiyanen. Ne sikandin be se mibpeliyu kedì ketà te ebpekekaid kedì su iring te mibigkat a rin kayi te bèbà te buaya.

2 Pedro 3:18

Na iyan meupiya ne edtentenuran tew ne ibpeiseg tew pà ini se neheraman tew ne penaub ni Hisu Kristu ke Kerenan tew ne mibpeliyu keytew su apey ini se nesebutan tew mekeatag dut te impesabut din ne ibpeiseg dema. Ne sikandin dema ke edeyuen ta guntaani wey taman te taman. Ini rà taman se surat ku. Pedro