2 Timoteo 1:4 - Ke meupiya ne tudtul mekeatag ki Hisu Kristu

⁴ Netenuran ku ke mibpengampet ne luwà nu te kinepekedsuwey ta en, Timoteo, ne dekelà se kiyug ku te kebpekebalak ta su apey a egkehalew nevenar.

2 Timoteo 1:4 ပူးပေါင်းရင်းမြစ်များ

Juan 16:22

Ne iring kew re be rema ketà su guntaani ne egkemutu kew, ugaid ne ebpekidbalak e red maa keniyu ne egkehalew kew nevenar, ne warà misan entei ne ebpekeawà kayi te kehelawan niyu.

Juan 16:24

Taman guntaani ne warà kew pà mibuyù diyà te kandin sabap dut te kebperetiyaya niyu kediey. Buyù kew en kandin sabap dut te kebperetiyaya niyu kediey, na egketelimà niyu se rekelà ne kehelawan niyu.”

Nenged-ulaula 20:19

Su gelevek ku ke helevek ne insuhù te Kerenan kedì ne warà ku impereyùdeyù. Ne midtihis se luwà ku dut te meraat ne ed-ul-ulaan ne nekita ku te ruma ne etew,” ke sikandin. “Ne migelevek a lavew misan nerasey a su atag dut te mid-ulaula te menge Hudiyanen kediey.

Nenged-ulaula 20:31

Tembù be uram kew ne kenà niyu lipati te lusud te tetelu ne rahun ne merukilem meandew ne mibpenurù a keniyu wey midtihis se luwà ku mekeatag keniyu.

Ruma 1:11

Su rekelà te hinawa ku se kebpenumbaley ku riyà te keniyu su apey ruen dalan te kebpekepenurù ku keniyu rut te impenurù kediey te Kedesenan ne Ebpetuntul te Menusiyà su apey ed-ilut pà se kebperetiyaya niyu te Eleteala.

Pilipus 1:8

Su netuenan te Eleteala ne egkelimengawan a nevenar keniyu su warà meamin te lawa ku se limù ku keniyu iring dut te kegkelimù ni Hisu Kristu keniyu.

Pilipus 2:26

Ne ibpeulì ku sikandin su egkelimengawan en keniyu, ne neuru sikandin su nerineg niyu te nekedaru sikandin kayi.

1 Tiselunika 2:17

Menge suled, misan warà pà meuhet ke kineawà dey keniyan te keniyu ne egkelimengawan key nevenar keniyu. Ugaid ne misan warà key en keniyan, ne kayi kew red lavew te itungan dey. Ne egkiyuhan dey nevenar te ebpemekebalak kiyu maa.

2 Timoteo 4:21

Na ay-ayuna nu pè be te kebpengkayi nu te kenà pà egkeuma se kebmeadsil kayi. Ensi Yubulu, si Pudanti, si Linus, wey si Claudia wey ke langun ne menge mibperetiyaya kayi se ebpenginginsà ke engkey en se egketemanan nu.

2 Timoteo 4:9

Ay-ayuna nu pè be se kebpengkayi nu te mehaan.

1 Juan 1:4

Tembù be edsuratan ku sikiyu su apey ruen keilut te kehalew tew.

Imperayag 21:4

Ne id-awà din ke kedsinehew ran su warè en ebpatey. Ne warè en kemutuwan dan, ne warà kebpekesinehew ran. Ne warè en dema keresayan dan su neawà en arà se raan ne kelibutan.”

Imperayag 7:17

Su ini se Nati te Bilibili ne kayi te etuvangan te ebpinuuwan dut te edatù, ne sikandin se edtuganur kandan, wey ebpeneheewit kandan diyà te ebpuunan te menge wayig ne ebpekevehey te umur ne warà edtemanan din. Ne ke Eleteala ne id-awà din ke kemutuwan dan ne kenà dan en ebpekesinehew.”