2 Timoteo 1:3 - Ke meupiya ne tudtul mekeatag ki Hisu Kristu

³ Ebpeselamat a te Eleteala atag keykew, Timoteo, te kebpengengeni ku kandin, ne edumaan ku sikandin wey ebpekesuhat kandin iring dut te mid-ulaula te menge apù ku rengan. Uya, merukilem meandew ne idragkes ku sikew te pengeningeni ku.

2 Timoteo 1:3 ပူးပေါင်းရင်းမြစ်များ

Lucas 2:37

ne nevalu en, ne nekedwalu nepulù en wey epat ne rahun se kegkevalu rin. Warà mid-awà sikandin kayi te Nekebpuru ne Valey te Eleteala. Merukilem meandew ne mideyù din ke Eleteala, ne ruen menge hewii ne kenà sikandin egkaan su apey rin meilut se kebpengeningeni rin te Eleteala.

Nenged-ulaula 22:3

“Hudiyanen a ne riyan a in-anak te inged ne Tarsu lusud te Selisiya, ugaid ne kayi a medekelà te inged ne Hirusalim ne mibpenurù a ni Gemelil. Ne meited se impenurù din kediey mekeatag dut te penduan ne edtumanen dut te menge keep-epuan tew. Ne meilut se kedtumana ku kayi su in-amin ku ke hinawa ku te egelevek te Eleteala iring te sikiyu ne kayi en guntaani.

Nenged-ulaula 23:1

Ne midtengtengan ni Pablo ke menge Perekukum ne migkahi te, “Menge suled ku ne menge Hudiyanen, netuenan te Eleteala te metilak te itungan ku te miduma a te Eleteala taman guntaani.”

Nenged-ulaula 24:14

Ugaid ne kenà ku igkesanggel te egkahi keniyu ne ed-erapen ku ke Eleteala ne mibpengerap dut te menge keep-epuan dey. Ne iyan dalan te kebpengarap ku ne edtuntul a te pengitavan te penurù ni Hisus, ugaid ne egkehiyen dan te kenà benar ne kebpengarap. Ne edtuntul a rema dut te langun ne penduan ni Moises wey ke impesurat dut te menge ebpelambas te Lalag te Eleteala rengan.

Nenged-ulaula 24:16

Tembù be ebpegelep a te ed-ulaula te meupiya su wey warà igkesewayi kediey te Eleteala wey misan engkey en ne etew.

Nenged-ulaula 26:4

“Langun ne menge Hudiyanen ne netuenan dan ke engkey se mid-ulaula ku igenat te batà e pà taman guntaani su riyan a midekelà abpeg kandan diyà te inged ku wey riyà dema te inged ne Hirusalim.

Nenged-ulaula 27:23

Su geina te merukilem ne ini se Eleteala ne kemuney kediey ne iyan ku ebpengerapen, ne mibpekitakita kedì ke suluhuen din

Ruma 9:1

Na, benar ini se egkehiyen ku keniyu, su siaken ne kedserihan ni Hisu Kristu ne kenà a edtarùtarù. Ne misan kayi te hinawa ku ne netuenan ku se kenà a edtarùtarù, ne ini se netuenan dema dut te Kedesenan ne Ebpetuntul te Menusiyà su sikandin ke ebayàbayà te hinawa ku.

2 Kurintu 1:12

Nehalew key te netuenan dey ne warà meraat ne mid-ulaula rey diyà te menge etew, labi en kayi te keniyu. Ini se ed-ul-ulaan dey ne metidtu su iyan dey edtumanen ke kiyug te Eleteala. Ne kenà kememenusiyai rà ne ketau se edumaan dey, su iyan dey edserihan ne ke tavang te Eleteala kenami su apey iyan dey ed-ul-ulaan ne ke ebpekesuhat.

Gelasiya 1:14

Diyà te menge ruma ku ne Hudiyanen ne iring ku te kenguwed, ne warà repeng ku se kedtanud din te penduan ne intahak ni Moises keytew. Su pinelavi ku te menge ruma ku se kedtuman te betasan dut te keep-epuan dey.

Ipisu 1:16

ne warà en ked-engked-engked ku te kebpeselamat te Eleteala atag keniyu. Uman ku rà idragkes sikiyu ke ebpengeningeni a.

1 Tiselunika 3:10

Ne merukilem meandew ne layun key ebpengeningeni te ebpemekebalak kiyu, su apey rey ed-umani embiya ruen kurang dut te kebperetiyaya niyu.

1 Timoteo 1:19

Kemali nu te mevaher ke sarig nu ki Hisus, ne kenà ka ulaula te meraat su apey kenà ka egkeyeyaan diyà te etuvangan te Eleteala wey diyà te etuvangan te menge etew. Su ruen menge etew ne misan netuenan dan ded se meraat ke ulaula ran ne ed-iseg den pà lavew, ne ini ve se sarig dan ne warà en misan daan en ne mibperetiyaya ran.

1 Timoteo 1:5

Iyan ku idsuhù ini su apey ran ebpelimlimuey. Ini se kebpelimlimuey ne egenat te hinawa ran ne midtilak te Eleteala su apey warà ebpekesawug ne meraat te itungan dan wey kenà alang-alang se kedsarig dan ki Hisu Kristu.

1 Timoteo 5:5

Ne ini se valu ne meritan ne sebseveka rin su warè en edtuganur kandin, ne Eleteala rà se egkedserihan din ne merukilem meandew ne layun ebpengeningeni sikandin diyà te Eleteala su ebpemuyù te tavang.

2 Timoteo 1:5

Ne warà ku melipati ke tidtu ne sarig nu ki Hisu Kristu iring ded iya dut te kedsarig te apù nu ne si Loida wey ke iney nu ne si Eunice. Ne netuenan ku te ruen dema sarig nu iring dut te kandan ne sarig.

2 Timoteo 3:15

Ne netuenan nu te reisek ke pà taman te rekelà ke en ne nepenurù ke en dut te impesurat te Eleteala ne lalag din. Ini ve imbe se impesurat te Eleteala se nekevehey keykew te itungan su apey ka ebpekehaked ketà te umur ne wara edtemanan din embiya si Hisu Kristu se mibperetiyaya nu.

Hibruhanen 13:8

Su ingenat dà te warà pà limbaha ini se dunya taman guntaani en ne warà mebparin si Hisu Kristu, ne iring ded lavew sikandin taman te taman.