2 Timoteo 1:16 - Ke meupiya ne tudtul mekeatag ki Hisu Kristu

^16-18 Ugaid ne si Unisipiru ne kenà mulà maa iring ketà, su kenà egkeyeyaan sikandin ne ebayà kedì misan kayi te bilengguan. Su ketà te kinepekeuma rin kayi te inged ne Ruma ne mibpemengà a rin taman te netuen a nikandin. Ne layun a rin ebayai kayi te bilengguan, ne ketà ne ebpekehinawa a te meluag. Ne netuenan nu rema ke dekelà ne tavang din kedì te riyà a pà te inged ne Ipisu. Iyan ku kiyug ne ibpekita te Eleteala ke tavang din kandin te telteleanak wey egkeyruwan din sikandan ketà te hewii ne kegkukuman te menge etew.

2 Timoteo 1:16 ပူးပေါင်းရင်းမြစ်များ

Mateo 25:17

Ne engketà ded dema ke edsugsuhuen ne nekekuwa te deruwa nengivu, su nekeuntung sikandin te deruwa pà nengivu.

Mateo 5:7

Dayirayi ke menge iiruwen te menge ruma ran, su egkeyruwan dan dema te Eleteala!

Nenged-ulaula 21:33

Ne mid-uvey ini se mepurù ki Pablo ne midsigkem din ne impevakù din te deruwa ne sengkalì. Ketà ne mid-insaan din ke menge etew te, “Engkey ini etawa ne engkey se salà din?”

Nenged-ulaula 28:20

Tembù be midtawag a keniyu su ebpekibitiyara a keniyu. Ne ini se ingkevakù ku te sengkalì ne mekeatag dut te kebperetiyaya ku te sikandin se ebpenerengen dut te sikami ne menge Hudiyanen.

1 Kurintu 16:18

Ne inmeupiya sikandan te hinawa ku wey iring te inmeupiya te ginawa niyu. Dait ne ed-edatan niyu se iring kayi ne menge etew.

Ipisu 6:20

Su midsuhù a te Eleteala te ebpesabut kayi te Meupiya ne Tudtul ne ini en iya ke puunan te ini a te bilengguan guntaan. Tembù be ebperagkes a keniyu te pengeningeni su apey kenà a egkeandek te ebpesabut dut te insuhù te Eleteala kedì.

2 Timoteo 1:12

Tembù be egkerasey ad ini te bilengguan. Ugaid ne kenà ku igkeyeyai su netuenan ku se Eleteala ma se edserihan ku. Ne netuenan ku rema se ebpekegaga sikandin ne edtuganur kedì te langun ne helevek ne insarig din kedì taman ketà te hewii ne kedlived din te egkukum kenitew.

2 Timoteo 1:8

Ketà be ne kenà nu ve ikeyeyai te ebpemenudtul mekeatag ki Hisus ke Kerenan tew, ne kenà nu rema ikeyeyai su ini a te bilengguan su iyan ku kinekevilanggù ne keduma ku ki Hisus. Ugaid ne telimaa nu se piya engkey ne rasey ne ebpekeuma keyta atag dut te kebpesabut ta kayi te Meupiya ne Tudtul su iyan ebaher keyta ne Eleteala.

2 Timoteo 4:19

Menu ensi Priscila wey si Akila wey en si Unisipiru langun dan te telteleanak?

Filemon 1:20

Tembù be, suled ku, kelimùlimù be ne ul-ulaa nu ini kedì su neseveka ki ki Hisu Kristu ke Kerenan tew. Helawa nu ke hinawa ku su edsusuled kiyu te kebperetiyaya tew kandin.

Filemon 1:7

Su ketà te nerineg ku mekeatag te limù nu, Filemon, dut te menge ruma nu, ne nehalew a nevenar wey ke hinawa ku ne neegaran su midtihel nu kun ke hinawa rut te langun ne mibperetiyaya.

Hibruhanen 10:34

Ne impekita niyu ke kegkeyru niyu rut te nengevilanggù su midtevangan niyu sikandan. Ne misan pà te mid-ahew ke menge kearen niyu ne warà nemutu ke hinawa niyu. Uya, su netuenan niyu se ruen pà beripantag ne kearen niyu ne edtahad diyà te langit ne kenà egkeahew keniyu taman te taman.

Hibruhanen 6:10

Su ke ulaula te Eleteala ne metidtu, tembù be kenà din egkelipatan ke meupiya ne ulaula niyu wey ke limù niyu kandin ne impekita niyu rut te kedtevang niyu rut te menge ruma niyu ne mibperetiyaya taman guntaan.