2 Pedro 3:4 - Ke meupiya ne tudtul mekeatag ki Hisu Kristu

⁴ “Kenà be migkahi ni Hisus te edlived sikandin kayi te ampew te dunya? Ne endei buwa sikandin? Mibpenareng kandin ke menge keep-epuan tew rengan ne neuhet dà ne minatey ran en, ugaid ne taman guntaani ne warà nesembian kayi te inged tew egenat dut te rudsuan te kinelimbag te Eleteala kayi.”

2 Pedro 3:4 ပူးပေါင်းရင်းမြစ်များ

Mateo 16:27

Su sikandin ke Impeanak te Menusiyà ne mehaan ne edlived kayi te ampew te dunya ne edumaan te menge suluhuen din wey ruen raman din ne iring te raman te Amey rin ne Eleteala. Ne ketà ne eberasan din ke menge etew dut te mid-ulaula ran kayi te ampew te dunya ke meupiya etawa meraat.

Mateo 16:28

Tentenuri nu ini,” ke si Hisus, “ruen ruma niyu kayi ne kenà pà ebpatey taman ketà te hewii ne egkekita ran ke Impeanak te Menusiyà ne ebpekeuma su Edatù te menusiyà kayi te ampew te dunya.”

Mateo 24:28

“Su iring dut te besaanan ne egkahi te, ‘Piya endei se ruen minatey rin, ne ketà eburun ke menge uwak.’ ”

Mateo 24:48

Ugaid ne embiya kenà meupiya ne edsugsuhuen su warà te hinawa rin ke insuhù kandin ne kehingginawa rin te, ‘A kalu ke meuhet pà ebpekeuma ke ebpengemuney kenami,’

Marcos 10:6

Ugaid ne rut te kinelimbaha kayi te dunya, ‘Ne midlimbag te Eleteala ke meama wey meritan.

Marcos 13:19

Su ini se kemeresayan ne ebpekeuma ne warà repeng din igenat dut te aney en limbaha te Eleteala ini se dunya, ne kenà en egkerepengan te misan keenu.

Lucas 12:45

Ugaid ne embiya iyan netahù te hinawa kayi te edsugsuhuen ne ebpekemalen se, ‘A, kalu ke meuhet pà ebpekeuma ke ebpengemuney kenami,’ ke sikandin, ne ketà ne mibpemedasan din en ke ruma ne edsugsuhuen ne meama abpeg ke menge meritan ne migkaankaan dè be sikandin wey ebpenginum taman te egketevereg en,

Nenged-ulaula 7:60

Ketà ne mibpenimbuel en sikandin ne mibmerahing se suwara rin se egkahi te, “Ey Kerenan, kenà nu penunduha ke menge salà dan!” Neipus din dà te egkahi ini, ne nepandus en ke hinawa rin.

1 Tiselunika 2:19

Benar ini, su ke kebperetiyaya niyu rut te Lalag te Eleteala ne impesabut dey se inlalew kenami wey ibmehalew rey. Ne sikiyu iyan se kenà dey igkeyeyai, ugaid ne idantal dey mekeatag te kebperetiyaya niyu diyà te etuvangan te Kerenan tew ne si Hisus ketà te hewii ne kedlived din kayi.

2 Pedro 3:12

gewii te edtehad ki pà dut te arà se Hewii Rin. Ne id-amin ta ke baher ta te egelevek dut te ini ne impehelevek din keyta su apey mehaan ne ebpekeuma arà se Hewii Rin. Na benar iya ini se migkahi ku ne egkeamin-amin egketutung ke langit ne langun ne egkekita ketà ne egketunag te apuy.

Imperayag 3:14

Ketà ne migkahi en maa si Hisus te, “Surati nu ke suluhuen ne ebantey rut te menge mibperetiyaya te inged ne Lewdisiya, ne ini se menge lalag ne isurat nu. “‘Ini se menge lalag ku keniyan te keniyu. Siaken ne mid-ingaranan te “Amin” su egkedserihan a wey benar iya ke menge lalag ku. Ne langun taman ne nelimbag te Eleteala ne impepevayà din kayi te kediey.