2 Pedro 2:5 - Ke meupiya ne tudtul mekeatag ki Hisu Kristu

⁵ Ne iring din ded dema ke menge etew rengan te hewii ni Noe ne medmeraat se mid-ulaula ran. Warà pedtedaya te Eleteala sikandan su mibperalem din ke wayig kayi te ampew te dunya ne neherà dan langun ke mid-ulaula te meraat. Ne iyan dà nesamà ne warà nelened ne si Noe wey ke telteleanak ne pitu ne etew. Su si Noe ne mibpesabut din te ulaula ne metidtu.

2 Pedro 2:5 ပူးပေါင်းရင်းမြစ်များ

Hibruhanen 11:7

Engketà ded be rema ke kedsarig ni Noe te Eleteala rengan. Su sabat dut te kedsarig din ne mibperetiyaya sikandin dut te imbaag te Eleteala ne ruen rimas ne ebpekeuma, misan warà din pà mekita te iring ketà. Ne midumaan din ke lalag te Eleteala su mibeelan din en ke rekelà ne avang ne ed-ingaranan te arka ne mid-untud dan en ketà se telteleanak. Ne ketà te kinelampey kayi te dunya, ne warà dan meherà. Su sabap dut te kedsarig din te Eleteala, ne nevirangan sikandin te Eleteala ne metidtu. Ugaid ne ke ruma pà ne menge etew ne midusaan te Eleteala te kepepatey su warà dan mebperetiyaya.

2 Pedro 3:6

Ne ibpevayà te wayig dema ne langun ne menge etew rengan ne neherà ketà te nekeuma en ke dalem.