2 Pedro 2:21 - Ke meupiya ne tudtul mekeatag ki Hisu Kristu

²¹ Ne iyan pà meupiya ke warà dan metueni ke tidtu ne ralan te Eleteala tumin dè be te ruen netuenan dan ugaid ne ed-engkenà dan dut te insuhù kandan te Eleteala ne impesabut din.

2 Pedro 2:21 ပူးပေါင်းရင်းမြစ်များ

Mateo 21:32

Su mibpengkayi te keniyu si Juan ke Ebpembunyag,” ke si Hisus, “su ebpenurù te metidtu ne ralan diyà te Eleteala, ne warà kew mebperetiyaya. Ugaid ne ini se ebpevayad te buwis wey ke menge meritan ne warà en keeleran din ne mibperetiyaya ran mulà. Ne sikiyu, misan nekita niyu en te nesembian dan ke ulaula ran su sabap te kebperetiyaya ran, ne warà kew mebpedsendit wey mebperetiyaya kandin.”

Lucas 12:47

“Ke edsugsuhuen ne netuenan din ke insarig kandin ne helevek,” ke si Hisus, “ugaid ne warà mebpenehana wey warà medtuman dut te insarig kandin ne ebpeketimaran te ebadas.

Juan 15:22

Embiya warà a mebpengkayi te ampew te dunya,” ke si Hisus, “te ebpayag dut te lalag ku kandan, ne warà igkeisuhat kandan te salà. Ugaid ne geina te impayag ku en ini kandan ne warà en liwahì dan.

Juan 9:41

Ne midtavak si Hisus te, “Embiya nepisek kew iring dut te etew ne warà pà nevehayi te kerayahan, ne warà perem kegkeisuhat keniyu. Ugaid ne geina te migkahi kew te, ‘Ebpekekita key en,’ ne arà se kegkeisuhat keniyu te kewagib su kenà kew ma eduma.”

Ruma 7:12

Ketà be ne warà meraat ne nekeselet dut te penduan, ugaid ne etew rà. Su langun ne insuhù te Eleteala ne keupianan dà wey ketidtu.

Gelasiya 6:2

Ne sikiyu ne menge mibperetiyaya ne petebtevangey kew te ebpeneheewit dut te keduma niyu ki Hisus. Su embiya ini se ed-ul-ulaan niyu ne edumaan niyu ke suhù ni Hisu Kristu ne egkahi te pelimlimuey kew.

1 Tiselunika 4:2

Su netuenan niyu te iyan dey impenurù ne arà se impenurù dut te Kerenan tew ne si Hisus.

1 Timoteo 6:14

ne perumdumai nu ke langun ne insuhù keykew su apey warà meraat ne ebpekesawug te ed-ul-ulaan nu ne egkesewayan ka. Dumai nu ve ini langun taman ketà te kedlived ni Hisu Kristu kayi.

Hibruhanen 10:26

Su embiya nesebutan tew en ke benar ne penurù mekeatag ki Hisu Kristu ugaid ne edtivevaan tew pà manen te ed-ulaula te meraat, ne warà en be egkepenareng tew te kebpekeliyu tew pà te salà tew.

Santiago 4:17

Tentenuri niyu ini se egkehiyen ku te embiya ruen etew ne netuenan din ded ke engkey se kiyug te Eleteala kandin ugaid ne warà din ul-ulaa, ne nekedsalà sikandin diyà te etuvangan te Eleteala.

2 Pedro 3:2

Egkiyuhan ku ne kenà niyu melipati ke impesabut dut te menge ebpelambas te Lalag te Eleteala rengan, abpeg ke insuhù dema ni Hisu Kristu ke Kerenan tew ne ebpeliyu keytew, su ini se suhù din ne impepevayà dut te menge kedserihan din.

Hudas 1:3

Menge suled ne igkelimù ku, mibpenemaran ku se kedsurat ku keniyu mekeatag te peretiyaya tew ne egkeheram te langun tew ne mibperetiyaya. Ugaid ne iyan migavan te itungan ku ne edsuratan ku pà sikiyu te kegkevag-et te itungan niyu te ed-itindeg dut te peretiyaya niyu su ini se penurù se imbehey te Eleteala dut te menge etew rin ne kenà en egkeumanan te misan deisek dà.