2 Pedro 2:15 - Ke meupiya ne tudtul mekeatag ki Hisu Kristu

¹⁵ Midsuwey ran dut te tidtu ne ralan ne nengetarin en su miduma ran dut te ralan ne ed-ikulen ni Belaam dengan ne anak ni Busur. Si Belaam ini ne senge etew ne ebpelambas te Lalag te Eleteala rengan, ugaid ne iyan dekelà te hinawa rin ke kureta ne egkekuwa rin dut te ked-ulaula rin te meraat.

2 Pedro 2:15 ပူးပေါင်းရင်းမြစ်များ

Mateo 26:9

“Iyan tumù ne indahang din ini ne ruen dekelà ne kureta ne igkepemehey pà diyà te menge ayuayu.”

Nenged-ulaula 1:18

(Ne impemasa ni Hudas te tanà ke kureta ne impevayad din dut te meraat ne ulaula rin te ebpalad ki Hisus. Ne ketà sikandin neulug ne nekelangkeb ne minatey en, ne mibetu ke hetek din ne nevukayat ke bituka rin.

Nenged-ulaula 13:10

ne migkehiyan din te, “Anak ka rut te datù te pekaid! Ne kunterà ka rut te langun ne meupiya! Nepenù ke itungan nu te ulaula ne menge limbung! Ne ebpehintarù ka te benar ne Lalag te Kerenan!

2 Pedro 2:13

Ne edresayen dan dema su atag te daan ne kedrasey ran dut te menge ruma ran. Su sikandan ne misan meandew ne kenà dan egkeyeyaan te ed-ulaula te kiyug dan ne meraat ne ibpatà te nanam dan. Kenà edait ne ebpekidtuhen dan diyà te kevurunan niyu su mekeyayà se ulaula ran, su iyan dan kiyug ne ed-ekalan kew ran mekeatag te meredsik ne ed-ul-ulaan dan.

Hudas 1:11

Mekeandek nevenar se egketemanan dan! Su ini se ulaula ran ne warà bira rin dut te ki Kain dengan. Ne iring dan dema ki Bilam rengan te misan netuenan din ded se meraat ne mibpenguwa te pirak te dalan te tarù din. Ne iring ded dema ke ulaula ran ki Kura rengan su mibpekidlawan sikandin ki Moises ne mibpemekeiran sikandin te Eleteala, ne iring ded be imbe se kegkekeiri ran ketà.

Imperayag 2:14

“Ugaid ne ruen dema ed-ul-ulaan niyu ne kenà ku egkesuatan su ruen keniyan te keniyu ne eduma te impenurù ni Belaam dengan. Si Belaam ini, ne impenurù din dengan ki Balak ke ralan te kebpeneheewit dut te menge etew ne kevuwaran ni Israyil te kebpekedsalà. Su mibpeneheewit din sikandan te egkaan dut te egkeenen ne inrenà ne siparat diyà te ledawan dà ne kenà tidtu ne Eleteala wey mibpeneheewit din dema sikandan te kebpengingniyug.