2 Pedro 2:12 - Ke meupiya ne tudtul mekeatag ki Hisu Kristu

¹² Ugaid ne arà se menge etew ne ebpenurù te tarù ne iring sikandan te leew ne binatang ne warà itungan su iyan dan ed-ul-ulaan ke piya engkey ne nelayaman dan, ne iyan dan dà atag se edsigkemen su edsumbelien. Iring din ded dema ke menge etew ne ebpenurù te tarù su edsumpeliten dan ini se kenà dan egkesebutan, ne iyan dan egketemanan ne egkeherà dan iring dut te leew ne binatang.

2 Pedro 2:12 ပူးပေါင်းရင်းမြစ်များ

Marcos 7:22

kedlangkadlangkad te esawa rin, kegkeima, kereatey te itungan mekeatag te ruma rin, kebpenlimbung, kedimayà, kebpengelikud, kebpenerupet, kebmeperayù, wey kerupangan.

Juan 8:21

Ne migkahi pà maa si Hisus diyà te menge egkeunutan te Hudiyanen te, “Ed-ewaan ku en sikiyu ne ebpemengà kew kediey su apey kew ebpekepeliyu, ugaid ne kenà e ma nikiyu egketuen ne ebpematey kew red keniyan te salà niyu ne kenà egkepesahad. Su kenà kew ebpekependiyà te ebpesineruwan ku.”

Gelasiya 6:8

Iring ded be imbe ketà te ulaula te etew. Su ke etew ne iyan din edtumanen ke kandin ne kiyug, ne iyan din egketelimà ke kepepatey ne warà edtemanan din. Ugaid ne ke etew ne edtuman dut te kiyug te Kedesenan ne Ebpetuntul te Menusiyà, ne arà ne etew ne ebehayan din te umur ne warà edtemanan din.

Kulasi 2:22

Ayan ne pemelii ne mibèbeelan dà te etew. Su iyan benar, ne upama ke egkeenen wey inumen ne warà atag te liiyen. Su imbehey te Eleteala ne ibpekaan wey ibpeinum din kenitew ne embiya egkeamin en ne warè en.

2 Pedro 1:4

Ne sabap te netuenan ta en si Hisus, ne imbehey te Eleteala keyta ke rekdekelà ne tavang din ne belielehà ne impasad din. Ne kayi se kedtavang din keyta ne ruen gaga ta te ed-engked dut te arà se meraat ne kiyug te kememenusiyai ne ebpekederaat keytew su apey ki ebpekeiring te metidtu ne ulaula te Eleteala.

2 Pedro 2:19

Su iyan dan ibpenurù ne embiya ruen etew ne eduma rut te ibpenurù dan ne warè en penduan ne ebpekeiket kandan. Ugaid ne sikandan se ebpenurù te tarù ne ed-uripenen dut te menge ulaula ran ne meraat ne ederaat dema kandan. Su netuenan ta ne uripen iya ke etew dut te piya engkey ne ebayàbayà kandin.

Hudas 1:10

Ugaid ne ini se menge etew ne ebpenurù te kenà benar, ne misan engkey en ne kenà dan egkesebutan ne edsumpeliten dan. Ne iyan dan nelayaman ne ke meraat ne ulaula iring dut te perangey te asu, ne ini ve iya se kegkekeiri ran.