2 Pedro 1:7 - Ke meupiya ne tudtul mekeatag ki Hisu Kristu

⁷ Ne kayi te ked-amin ta te hinawa ta te keduma te kiyug te Eleteala ne igkesumpat ta red maa ke kebpesegsehipaey ta su ibpekita te edsusuled ki, ne igkesumpat ta ketà ke limù ta rut te menge ruma ta ne mibperetiyaya.

2 Pedro 1:7 ပူးပေါင်းရင်းမြစ်များ

Ruma 12:10

Ne sikitew se mibperetiyaya en ki Hisu Kristu, ne iyan iya se ebpelimlimuey ki iring te edtutunayà ne ebpenusuled. Ne ebpeed-edatey ki nevenar te menge ruma tew.

Gelasiya 6:10

Ini be te kayi ki pà te ampew te dunya, ne edsemikar kiyu te ed-ulaula te meupiya dut te langun ne menge etew, muna en ke menge ruma ta ne mibperetiyaya en ki Hisus.

Kulasi 3:14

Wey ke kerekdekelaan din ne ed-ul-ulaan niyu ne ke kebpelimlimuey niyu, su ini se kebpelimlimuey niyu se ebpekevagkes keniyu te kegkeseveka te hinawa niyu.

1 Tiselunika 3:12

Ne ibpengeningeni rey lavew te Eleteala ne ed-umanan din pà ke kebpelimlimuey niyu wey ke limù niyu te piya engkey ne etew iring dut te kerekelà te limù dey keniyu.

1 Tiselunika 5:15

Embiya ruen ed-ulaula keniyu te meraat ne kenà kew edsulì kandan, ugaid ne iyan niyu ul-ulaa ke engkey se meupiya diyà te langun ne menge etew.

Hibruhanen 13:1

Na sikiyu ke ebpenusuled te kineperetiyaya ne iyan niyu ibpeiseg ne ke kebpelimlimuey niyu.

1 Pedro 1:22

Na geina te mibperumaruma ki en dut te tidtu ne penurù ne egkepakey ne meilut se limù tew rut te menge ruma tew te ebperetiyaya su mibmetidtu ke itungan tew. Tembù be ebpelimlimuey ki egenat te hinawa ta ne kenà kayi rà te bèbà ta.

1 Pedro 2:17

Ed-edatan ta ke langun ne menge etew. Ne edlimuan ta rema ke menge ruma ta ne mibperetiyaya. Iring din dema ne igkeandek ta ke ed-ulaula ki te kenà ebpekesuhat te hinawa te Eleteala. Ne ke pengulu rema dut te inged ta ne ed-edatan.

1 Pedro 3:8

Ne ruen dema egkehiyen ku keniyu te langun ne menge mibperetiyaya, iyan iya se medseveka se itungan ta wey ke hinawa ta. Pelimlimuey kiyu rut te menge ruma ta iring te telteledsuled, ne ebpetultulengerey kiyu ne kenà ki mepelevawen.

1 Juan 3:14

Ugaid ne sikami ne menge mibperetiyaya ne mid-awà key rut te raan ne mibpesekupan dey te iyan dey rà egkepenareng ne kemetayen, su ketà te mibpesakup key te Eleteala ne nekekuwa key te umur ne warà edtemanan din. Netuenan tew ini su ruen en limù tew te menge ruma tew. Ne ke etew ne warà limù din dut te menge ruma rin ne iyan din pà egkepenareng ne kemetayen ne warà edtemanan din.

1 Juan 3:16

Iyan tuus te tidtu ne limù ne ke kinepebpatey ni Hisu Kristu su apey ebpeliyu keytew dut te salà tew. Tembù be iyan iya se ruen limù tew rut te menge ruma tew misan ibpatey ta sabap te tavang ta kandan.

1 Juan 4:21

Su iyan insuhù keyta te Eleteala te piya engkey ne etew ne ruen limù din te Eleteala ne iyan iya se igkelimù din dema ini se ruma rin.