2 Kurintu 9:10 - Ke meupiya ne tudtul mekeatag ki Hisu Kristu

¹⁰ Su iyan ebehey keyta te benì ne ibpemula ne Eleteala su apey ruen egkekaan ta. Sikandin ded ke ebehey keyta te sawad ne benì ne ibpetuvù din te meupiya su apey rekelà se egkesabpet ta sabap dut te ketidtu te ulaula ta te kedtavang ta te ruma ne menge etew.

2 Kurintu 9:10 ပူးပေါင်းရင်းမြစ်များ

Mateo 6:1

Migkahi pà maa si Hisus te, “Itahù niyu ini te itungan niyu te kenà iyan niyu kebpengeningeni te Eleteala ne apey kew mekita te menge etew. Su embiya ini se ed-ul-ulaan niyu ne kenà niyu egketelimà ke idlalew ketà dut te Amey niyu riyà te langit.

2 Kurintu 9:12

Su ini se tavang ne ibehey niyu ne kenà iyan din dà neetahan se kedtevangi niyu rut te menge mibperetiyaya ki Hisus, ugaid ne egenat kayi ne ebmerakel ne etew se ebpeselamat te Eleteala.

2 Kurintu 9:6

Tentenuri niyu ini te embiya reisek se igkepemula ta, ne reisek dema se egkesebpet ta. Ugaid ne embiya rekelà ke ibpemula ta, ne dekelà ded dema ke egkesebpet ta.

Gelasiya 3:5

Meambe ke imbehey keniyu te Eleteala Ke Kedesenan ne Ebpetuntul te Menusiyà? Ne endei mibpuun ke menge geyip ne mid-ulaula rin keniyu? Kenà en iya arà sabap dut te kineruma niyu te penduan ni Moises, ugaid ne sabap dut te nerineg niyu ke Meupiya ne Tudtul mekeatag ki Hisus ne mibperetiyaya niyu en.

Ipisu 5:9

Su embiya nereyahan en ke itungan niyu, ne egkekita kayi te ulaula niyu ke langun ne meupiya wey ketidtu wey arà se benar.

Pilipus 1:11

Su ketà ne langun te ed-ul-ulaan niyu ne metidtu sabap dut te kedtavang ni Hisu Kristu keniyu, su sikandin dà se ebpekegaga te ked-ulaula niyu ketà. Ed-ul-ulaan din ini su apey egkereyù ke Eleteala wey egkeedatan sikandin.

Pilipus 4:17

Kenà iyan ku kineravit dut te tavang niyu kedì ne egnganey e pà lavew keniyu, ugaid ne iyan ku igkehalew dut te tavang niyu ne arà se idtendan te Eleteala ne ibehey keniyu riyà te surugà.

1 Tiselunika 3:12

Ne ibpengeningeni rey lavew te Eleteala ne ed-umanan din pà ke kebpelimlimuey niyu wey ke limù niyu te piya engkey ne etew iring dut te kerekelà te limù dey keniyu.

1 Tiselunika 4:10

Ne benar ini su kenà ke menge ruma niyu rà keniyan te inged niyu, ugaid ne langun ne menge etew te ruma pà ne inged te Mesidunya. Ugaid ne iyan dey ebuyuen, menge suled, ne ed-ilutan niyu pà ke kebpelimlimuey.