2 Kurintu 8:6 - Ke meupiya ne tudtul mekeatag ki Hisu Kristu

⁶ Na geina te si Tito ke midrudsù te helevek keniyan te keniyu te kedtimua rin dut te idtavang niyu rut te menge etew ne mibperetiyaya diyà te inged ne Hudiya, ne migkehiyan dey en sikandin te ipelaus din en. Su iyan meupiya ne egketevangan kew rin ded dema dut te kegkepasad te tavang niyu rut te menge etew ne mibperetiyaya ne riyà te Hudiya.

2 Kurintu 8:6 ပူးပေါင်းရင်းမြစ်များ

Nenged-ulaula 24:17

“Guna su ebirangan en te rahun se kineawà ku diyà te Hirusalim ne mibpendiyan a su id-ated ku se kureta ne idtavang te menge ruma ku ne Hudiyanen ne ayuayu. Ne mibpendiyan a su apey ruen ibpelengesa ku ne ibehey te Eleteala.

Ruma 15:25

Ugaid ne guntaani ne ed-ipanew ad se ebpendiyà te Hirusalim su ruen id-ated ku ne kureta ne idtavang dut te menge etew ne mibperetiyaya riyà.

2 Kurintu 12:18

Mibuyù ku ki Tito te ebpengkeniyan te keniyu ne imperuma ku kandin ini se senge etew ne suled tew te ebperetiyaya. Engkey, midlimbungan kew ran? Warà! Su si Tito wey siaken ne megidsan ded se petiralan dey wey ke ed-ul-ulaan dey ne langun ne metidtu.

2 Kurintu 2:13

Ugaid ne iyan ingkepeguru te hinawa ku ne warà ku metuen ke suled tew ne si Tito. Geina te warà ku metuen sikandin, ne mibpemehetew ad dut te langun ne mibperetiyaya ketà su midlaus ad diyà te inged ne Mesidunya.

2 Kurintu 8:10

Iyan kayi te kedì ne itungan ne imesara niyu ke kebehey niyu rut te menge ayuayu ne mibperetiyaya riyà te inged ne Hirusalim ke midrudsuan niyu rut te neuna ne rahun. Su sikiyu ke neuna ne migelevek kayi, ne sikiyu red ke egelevek te mevaher te kegkepasad din.

2 Kurintu 8:19

Ne kenà ketà dà taman su nepemilì sikandin dut te langun ne menge mibperetiyaya diyà te ebelàbelà ne inged te eduma kenami te kebpeneheewita rey rut te tavang niyu diyà te menge mibperetiyaya te Hirusalim. Iyan dey ebpeneheewita su apey mereyù ke Eleteala, ne apey ran metueni ke kegkesuat dey te kedtavang.

2 Kurintu 8:23

Si Tito, ne sikandin ke ruma ku te egelevek te kedtavang dey keniyu. Ne ini se deruwa ne menge suled tew ne eduma kandin te ebpengkeniyan ne suhù dema dut te ruma tew ne mibperetiyaya te ebelàbalà ne inged. Su egenat te meupiya ne ulaula te ini se deruwa ne etew ne si Hisu kristu se layun egkereyù.

2 Kurintu 8:4

su mibuyù dan kenami te kebpekeamung dan te ebehey te tavang dut te menge etew ne mibperetiyaya diyà te inged ne Hudiya.

2 Kurintu 9:5

Engketà be arà ne iyan ku nepegitung se ebuyuen ku kayi te tetelu ne suled tew ne ebpekeuna ran en kedì te ebpengkeniyan su apey kew metevangi te edtimù dut te ibehey niyu. Su embiya egketegeges en te kebpekeuma ku, ne egkekita te langun te iyan niyu kebehey ne kenà kew egkepehesan, su ibehey niyu te lila ne hinawa niyu.

Pilipus 4:18

Na guntaani ne warà en egkepemengà ku ketà te impeewit niyu ki Ipapruditu su midsawadsawad en. Ne ini se imbehey niyu kedì ne iring te ruen imbehey niyu te Eleteala ne meemut se kegkearek din ne midtelimà din su nekesuhat te hinawa rin.

1 Pedro 4:10

Su sikita ne ruen edsusunan te ketau ne imbehey te Eleteala te uman senge etew keyta. Ne iyan din kebehey su apey kiyu mekedtevangey, ne iyan iya se id-usar ta te meupiya ini se insarig din keyta.