2 Kurintu 8:3 - Ke meupiya ne tudtul mekeatag ki Hisu Kristu

³ Su iyan ku egkekahi ke taman ne nekita ku ne mibeelan dan ke taman ne egkegaga ran te ebehey, ne netuenan ku te ruen pa kiyug dan te ebehey liyu rut te imbehey ran. Ne ini se kebehey ran ne warà ku impemandù kandan su ibehey ran dè duen,

2 Kurintu 8:3 ပူးပေါင်းရင်းမြစ်များ

Marcos 14:8

Su ini se meritan,” ke si Hisus, “ne mid-ulaula rin en ke taman ne egkegaga rin, su mibperiyemutan din en ke lawa ku te kebpenehana te kedleveng kediey.

Nenged-ulaula 11:29

Ne netahù te itungan dut te menge edumdumaan ni Hisus te ebehey ran te tavang diyà te menge suled dan te ebperetiyaya ki Hisus diyà te inged ne Hudiya te endei rà taman se egkegaga te uman seveka.

Ruma 10:2

Netuenan ku se meilut nevenar se kedtumana ran te penduan te Eleteala, ugaid ne ini se meilut ne kedtumana ran te penduan ne warà mekeudsad dut te benar ne penurù mekeatag kandin.

1 Kurintu 16:2

Uman Akad ne penehana kew te ibehey niyu riyà te Eleteala, ne diyà egkelevat dut te nepentiyari niyu ne isivey niyu en neraan ke langun ne kandin dema. Buruna niyu ini neraan su embiya ebpekeuma a ne apey melemu rà se kedtimua ku.

1 Kurintu 9:17

Embiya kediey rà ne kiyug se kebpemesabut ku te Meupiya ne Tudtul mekeatag ki Hisus ne kenà ibpehelevek kediey te Eleteala, ne dait ne ebpenareng a te sukey ku. Ugaid ne geina te insarig kediey te Eleteala ini ne helevek, ne edtumanen ku su insarig din kediey.

Gelasiya 4:15

Kenà ku igkesempità ke kinekehalew niyu te keniyan a. Netuenan ku ne embiya egkepakey rà ne edlesikan ke mata niyu su idsambì kayi te mata ku ne arà se ed-ul-ulaan niyu. Ugaid ne gunteani ne meambe ke iring te nesembian ke hinawa niyu?

Pilipus 2:13

Su ke Eleteala ne ed-ubpà diyà te hinawa niyu ne edtavang keniyu, su sikandin se ebehey keniyu te kiyug te ebperumaruma kandin wey ke baher te kedtuman ketà.

Kulasi 4:13

Nekita ku se mibpegelep nevenar si Ipapras se edtavang keniyu wey ke menge etew riyà te Liyudisiya wey Hirapulis.

1 Tiselunika 2:8

Ne geina te dekelà se limù dey keniyu ne kenà ke Meupiya ne Tudtul rà ne egenat te Eleteala se impesabut dey, su nepenehana rey te ebpatey su apey niyu egketueni mekeatag te Eleteala. Su dekelà dey sikiyu te hinawa rey.

Filemon 1:14

Ugaid ne kenà ku ve ini ed-ul-ulaan ke kenà keniyan ded ebpekepuun te kenikew su kenà ku ebpengunaan ke hinawa nu. Su iyan meupiya ne egenat en te keputian te atey nu se kedtavang nu kedì.

1 Pedro 4:11

Embiya ruen keyta ne nevehayan te ketau te ebpesabut se Lalag te Eleteala, ne iyan iya se edtentenuran din te ini se Lalag te Eleteala ne ibpesabut din. Ne embiya ruen ketau ta te edtavang te menge ruma ta, ne iyan iya se kenà ta egkelipatan ne ini se kevaher ta te edtavang ne riyà ebpuun te Eleteala. Piya engkey en ne helevek ne imbehey keyta te Eleteala ne ebeelan ta, ne iyan iya se ed-ey-eyaran ta te ebaal egenat dut te tavang ne ebpuun ki Hisu Kristu su apey Eleteala se edeyuen dut te menge etew. Su sikandin dà se edait ne edeyuen, ne sikandin dà se warà ebpekerepeng dut te gehem din taman te taman.

1 Pedro 5:2

ne tugenura niyu ke menge mibperetiyaya te Eleteala su iring sikandan te menge bilibili ne insarig din keyta ne edtugenuren. Ne iyan meupiya ne mehalew ki se edtuganur kandan su ini se kiyug te Eleteala keyta. Ne arà te kedtugenura ta kandan ne kenà meupiya ne ke puunan te kedtavang ta ne sabap te edsukayan ki, ugaid ne sabap dut te limù ta te kedtavang ta kandan ketà te keduma ran te Eleteala.