2 Kurintu 8:18 - Ke meupiya ne tudtul mekeatag ki Hisu Kristu

¹⁸ Ne ibperuma rey kandin ini se senge etew te suled tew ne menge mibperetiyaya ne ed-edatan nevenar dut te langun ne mibperetiyaya su sabap dut te kebpemesabut din dut te Meupiya ne Tudtul.

2 Kurintu 8:18 ပူးပေါင်းရင်းမြစ်များ

Ruma 16:4

Ne sabap dut te kedtevangi ran kediey ne warà dan isepayan ke ebpatey ran. Ne rekelà be se kebpeselamat ku kandan, ne kenà siaken dà su misan ke langun ne kenà menge Hudiyanen ne mibperetiyaya en ne ebpengarap kayi ne rekelà ded dema se kebpeselamat dan.

1 Kurintu 16:3

Su embiya ebpekeuma a ne edsuhuen ku ke menge etew ne nepemilì niyu ne ebpekeewit dut te imbehey niyu riyà te inged ne Hirusalim. Ne ibpeewit ku rema ini se surat ku kandan su apey ke menge etew ne ebpeketelimà ketà ne egketuenan dan ke engkey se elin ne lakew rut te menge etew ne mid-ewit.

1 Kurintu 4:17

Tembù be midsuhù ku si Timoteo keniyan te keniyu. Iring sikandin te tidtu ne anak ku kayi ebpuun te kebperetiyaya rey ki Hisu Kristu. Egkeserihan din kayi te keduma rin te Kerenan tew, tembù be midsuhù ku sikandin su ebpetentenuran din keniyu ke engkey se ed-ul-ulaan te keduma ku ki Hisus, ne ini ke ibpenurù ku te menge mibperetiyaya te misan endei a ebpesinaru ne inged.

1 Kurintu 7:17

Ne misan engkey se ketau ne imbehey te Eleteala te uman senge etew keytew te warà kiyu pà mebperetiyaya, ne iyan meupiya ne idlaus ta arà dut te kebperetiyaya ta. Ini se ibpenurù ku dut te langun ne egkevurun ne mibperetiyaya te misan endei ne inged ne ebpesineruwan ku.

2 Kurintu 12:18

Mibuyù ku ki Tito te ebpengkeniyan te keniyu ne imperuma ku kandin ini se senge etew ne suled tew te ebperetiyaya. Engkey, midlimbungan kew ran? Warà! Su si Tito wey siaken ne megidsan ded se petiralan dey wey ke ed-ul-ulaan dey ne langun ne metidtu.

2 Kurintu 2:12

Na guna su nekeuma a te kinependiyà ku te inged ne Teruwas te kebpemesabut ku rut te Meupiya ne Tudtul mekeatag ki Hisus, ne nekita ku se ruen en ralan ne neveelan te Eleteala ketà te kebpevengew ku rut te impehelevek din kedì.

2 Kurintu 8:19

Ne kenà ketà dà taman su nepemilì sikandin dut te langun ne menge mibperetiyaya diyà te ebelàbelà ne inged te eduma kenami te kebpeneheewita rey rut te tavang niyu diyà te menge mibperetiyaya te Hirusalim. Iyan dey ebpeneheewita su apey mereyù ke Eleteala, ne apey ran metueni ke kegkesuat dey te kedtavang.