2 Kurintu 8:16 - Ke meupiya ne tudtul mekeatag ki Hisu Kristu

¹⁶ Wey ebpeselamat key te Eleteala su imbehey rin ki Tito ke kerekelà te hinawa rin te kedtevangi rin keniyu iring dut te kenami ne kedtavang keniyu.

2 Kurintu 8:16 ပူးပေါင်းရင်းမြစ်များ

2 Kurintu 7:12

Ne misan midsurat a keniyu ne kenà ku iyan kedsurati keniyu ne mekeatag keniyan te etew ne nekevaal te salà wey ke etew ne neselaan din. Ugaid ne netuenan te Eleteala te iyan kinesurati ku keniyu ne apey niyu metueni ke endei taman ke limù niyu kenami.

2 Kurintu 7:7

Ne kenà iyan dey rà kegkehalew se kebpekeuma rin, ugaid ne ke tudtul din kenami te kinekehalew rin mekeatag keniyu. Su intarem din kenami se kiyug niyu te ebpekepengkeniyan a te keniyu su ebuyù kew te ebpeseharen ku sikiyu. Ne elin dema ne tudtul din ne rekelà te hinawa niyu se keduma niyu rut te egkehiyen ku, ketà be ne rekelà se kinekehalew ku.

2 Kurintu 8:23

Si Tito, ne sikandin ke ruma ku te egelevek te kedtavang dey keniyu. Ne ini se deruwa ne menge suled tew ne eduma kandin te ebpengkeniyan ne suhù dema dut te ruma tew ne mibperetiyaya te ebelàbalà ne inged. Su egenat te meupiya ne ulaula te ini se deruwa ne etew ne si Hisu kristu se layun egkereyù.

2 Kurintu 8:6

Na geina te si Tito ke midrudsù te helevek keniyan te keniyu te kedtimua rin dut te idtavang niyu rut te menge etew ne mibperetiyaya diyà te inged ne Hudiya, ne migkehiyan dey en sikandin te ipelaus din en. Su iyan meupiya ne egketevangan kew rin ded dema dut te kegkepasad te tavang niyu rut te menge etew ne mibperetiyaya ne riyà te Hudiya.

Pilipus 2:20

Sikandin dà dut te menge ruma ku kayi se ebpekepegitung te keupianan niyu.

Kulasi 3:17

Ne ke langun ne ed-ul-ulaan niyu, kayi te lalag niyu etawa gelevek niyu, ne tentenuri niyu te sakup kew ni Hisu Kristu ke Kerenan tew. Ne deyrey kew te Eleteala ke Amey tew ibpepevayà ki Hisu Kristu.

Imperayag 17:17

Arà se ed-ul-ulaan dan su behey kandan te Eleteala ke pegitungan su apey egketuman dan ke kiyug din. Tembù be egkeseveka se itungan dan ne ebpesakup dan dut te mekeandek ne binatang ne eduma ran te suhù din taman te egketuman ke langun ne migkahi te Eleteala rengan.