2 Kurintu 7:8 - Ke meupiya ne tudtul mekeatag ki Hisu Kristu

⁸ Su misan pà iring ketà te surat ku ne nekebmutu kew, ugaid ne warà a mekedsendit te kinesurat ku ketà. Ke pehaney ne nekedsendit a te kinesurat ku su nevaluy ne impekebmutu niyu te misan mehaan dà.

2 Kurintu 7:8 ပူးပေါင်းရင်းမြစ်များ

Juan 16:6

Guntaan te migkehiyan ku sikiyu, ne egkemutuwan kew en.

Juan 21:17

Ne migkahi pà maa si Hisus te, “Simon, sikuna ini ke anak ni Juan, maa igkelimù a nu?” Nerineg dà ni Pedro ne nemutu se hinawa rin su iketelu en ini te kedsulit ni Hisus te ed-insà kandin ke ruen limù din. Arà be ne migkahi en sikandin te, “Netuenan nu ke langun, Kerenan, ne netuenan nu en se igkelimù ku sikuna!” Migkahi en si Hisus te, “Tugenura nu ini se menge etew ku ne iring te menge bilibili ku.

2 Kurintu 7:11

Ugaid ne sikiyu ne surimana niyu ke meupiya ne neveelan te Eleteala sabap dut te kemutuwan niyu, su ketà puunan ne mid-iseg ke kebmetidtu te ulaula niyu. Ne rekelà te hinawa niyu se kegketueni te menge etew te warà kew meduma rut te ulaula te etew ne nekesalà. Su ingkeepes niyu arà se mid-ulaula rin ne meraat, ne ingkeandek niyu su kema ke ebpekeragkes kew te kedusai kandin te Eleteala. Ne utew en ne egkelimengawan kew kedì su mid-iseg se kedtumana niyu rut te impenurù ku keniyu. Ne seguguneey se kinerusai niyu kandin, arà se etew ne mid-ulaula te meraat. Ne pudtaanan kayi te langun ne impekita niyu se warà kew med-amung ketà te mid-ulaula rin ne meraatey.

2 Kurintu 7:12

Ne misan midsurat a keniyu ne kenà ku iyan kedsurati keniyu ne mekeatag keniyan te etew ne nekevaal te salà wey ke etew ne neselaan din. Ugaid ne netuenan te Eleteala te iyan kinesurati ku keniyu ne apey niyu metueni ke endei taman ke limù niyu kenami.

2 Kurintu 7:6

Ugaid ne ke Eleteala se ebehey te melintad ne hinawa te menge etew ne egkerehenan, ne neveelan din se kegkehalew te hinawa rey ketà te kebpekeuma ni Tito.

2 Kurintu 7:7

Ne kenà iyan dey rà kegkehalew se kebpekeuma rin, ugaid ne ke tudtul din kenami te kinekehalew rin mekeatag keniyu. Su intarem din kenami se kiyug niyu te ebpekepengkeniyan a te keniyu su ebuyù kew te ebpeseharen ku sikiyu. Ne elin dema ne tudtul din ne rekelà te hinawa niyu se keduma niyu rut te egkehiyen ku, ketà be ne rekelà se kinekehalew ku.

2 Kurintu 7:9

Na gunteani ne nehalew a te kenà sabap ketà te kinepekebmutu niyu, ugaid ne ke kinepeketidtu te ulaula niyu sabap dut te kinepekebmutu niyu. Ne arà se kinepekebmutu niyu ne riyà ebpuun te Eleteala, tembù be keupianan niyu arà se surat ku.

Imperayag 3:19

“‘Na ke langun ne menge etew ne igkelimù ku ne ebpenuruen ku, ne edusaan ku rema sikandan su apey ke ed-ul-ulaan dan ne ebmeupiya. Tembù be pedsendit kew ne engkeri niyu ke meraat ne ed-ul-ulaan niyu.