2 Kurintu 7:6 - Ke meupiya ne tudtul mekeatag ki Hisu Kristu

⁶ Ugaid ne ke Eleteala se ebehey te melintad ne hinawa te menge etew ne egkerehenan, ne neveelan din se kegkehalew te hinawa rey ketà te kebpekeuma ni Tito.

2 Kurintu 7:6 ပူးပေါင်းရင်းမြစ်များ

Mateo 5:4

Dayirayi ke menge egkemutuwan, su edlenganen te Eleteala ke hinawa ran!

Juan 14:16

Ne ebuyù a riyà te Amey ku su apey rin igkevehey keniyu ke Edtavang keniyu ne ebpekesambì kedì, ne kenà edsuwey keniyu taman te taman.

Ruma 15:5

Ne Eleteala rà se ebpuunan kayi te ini se kebmetigker tew te kemeresayan wey ke kebmetihel te hinawa tew. Ne egkiyuhan ku ve perem ne menu ma ke egketevangan kew te Eleteala su apey egkeseveka ke hinawa niyu iring dut te nehuruwan niyu ne ulaula ni Hisu Kristu.

2 Kurintu 7:13

Ketà puunan ne rekelà se kegkehalew ku. Ne mid-iseg se kegkehalew ku te nekita ku ke kinekehalew ni Tito, ne iyan din kegkehalew su nekita rin ke meupiya ne menge ulaula niyu kandin ne nevag-et se hinawa rin.

2 Kurintu 7:14

Ingkepedantal ku sikiyu ki Tito te warà pà sikandin mebpengkeniyan te keniyu, ne warà e red mekegkeyà su nekita rin te ini ne benar. Ne langun ne impenudtul ku keniyu ne benar, ne engketà ded dema ke migkahi ku ki Tito mekeatag keniyu ne benar.

2 Kurintu 7:7

Ne kenà iyan dey rà kegkehalew se kebpekeuma rin, ugaid ne ke tudtul din kenami te kinekehalew rin mekeatag keniyu. Su intarem din kenami se kiyug niyu te ebpekepengkeniyan a te keniyu su ebuyù kew te ebpeseharen ku sikiyu. Ne elin dema ne tudtul din ne rekelà te hinawa niyu se keduma niyu rut te egkehiyen ku, ketà be ne rekelà se kinekehalew ku.

Pilipus 2:1

Netuenan ku te mibmevaher se hinawa niyu egenat te kegkeseveka niyu ki Hisu Kristu wey nehalew kew su ingkelimù kew nikandin. Ne egkeheram niyu ke tavang ne riyà ebpuun te Kedesenan ne Ebpetuntul te Menusiyà su ke ked-ubpà din kayi te lawa niyu, ne ebpekita kew en te kegkeyru niyu wey kebpelimlimuey.

1 Tiselunika 3:2

ne ibpepengkeniyan dey te keniyu si Timoteo ne suled tew ne sugsuhuen te Eleteala ne edtavang kenami te kebpemesabut dut te Meupiya ne Tudtul mekeatag ki Hisu Kristu. Su midsuhù dey sikandin te ebag-et te hinawa niyu wey ebpeiseg dut te kebperetiyaya niyu,