2 Kurintu 7:3 - Ke meupiya ne tudtul mekeatag ki Hisu Kristu

³ Kenà ku iyan kebpekekahi kayi ne ruen idsawey ku keniyu. Su benar arà se nekahi ku en ne rekelà ku sikiyu te hinawa su keuyag kepatey rey ne kenà kew egkeawà kayi te hinawa rey.

2 Kurintu 7:3 ပူးပေါင်းရင်းမြစ်များ

2 Kurintu 11:11

Menu, iyan niyu buwa egkepegitung ne geina te nekahi ku ini ne warà limù ku keniyu? Ugaid ne netuenan te Eleteala ke kerekelà te limù ku keniyu!

2 Kurintu 12:15

Ne igkehalew ku te ibehey ke menge kearen ku wey ed-eminen ku ke resen ku te edtavang keniyu. Ugaid ne misan mid-iseg te kerekelà ke limù ku keniyu, ne sikiyu ne lemban ne edtustus se limù niyu kediey.

2 Kurintu 13:10

Tembù be edsuratan ku sikiyu te warà e pà mebpengkeniyan su apey ketà te kebpekeuma ku ne warà en kebpegingawà te ibpekita ku keniyu ke kewayà ku te ebpedsalà keniyu. Su kenà iyan kinevehey te Eleteala kedì te kewayà ku te kedereeti rut te sarig niyu, ugaid ne ibag-et ku rut te sarig niyu.

2 Kurintu 3:2

Sikami mulà ne kenà en arà kemeyidan su iring kew te surat ne ebpeneheewiten dey mekeatag dut te meupiya ne helevek dey, su sikiyu en iya ke titihus atag dut te kinesalin te ulaula niyu su sabap dut te kineperetiyaya niyu en ki Hisus. Uya, arà iya ke benar ne titihus su egkekita te ruma ne etew.

2 Kurintu 7:12

Ne misan midsurat a keniyu ne kenà ku iyan kedsurati keniyu ne mekeatag keniyan te etew ne nekevaal te salà wey ke etew ne neselaan din. Ugaid ne netuenan te Eleteala te iyan kinesurati ku keniyu ne apey niyu metueni ke endei taman ke limù niyu kenami.

Pilipus 1:7

Dekelà kew te hinawa ku! Ne dait ini se egkepegpegitung ku mekeatag keniyu. Su aney en taman guntaani ne mid-unungan a nikiyu te edtindeg kayi te Meupiya ne Tudtul mekeatag ki Hisu Kristu piya engkey ne kerehenan, ne misan ini ad te bilengguan ne edtavang kew red lavew. Tuus be te nekeamung kew te kebaher te tavang te Eleteala kediey.

1 Tiselunika 2:8

Ne geina te dekelà se limù dey keniyu ne kenà ke Meupiya ne Tudtul rà ne egenat te Eleteala se impesabut dey, su nepenehana rey te ebpatey su apey niyu egketueni mekeatag te Eleteala. Su dekelà dey sikiyu te hinawa rey.