2 Kurintu 7:2 - Ke meupiya ne tudtul mekeatag ki Hisu Kristu

² Na ini maa se egkehiyen mekeatag te sikami ne itahù key nikiyu te hinawa su warà meraat ne mid-ulaula rey te misan endei keniyu. Warà senge etew rà ne nerupang dey, ne warà etew ne midlimbungan dey keniyu.

2 Kurintu 7:2 ပူးပေါင်းရင်းမြစ်များ

Mateo 10:14

Ne embiya ruen inged ne warà ketà ne edtelimà keniyu etawa kenà dan ebpemineg dut te ibpesabut niyu, ne ewai niyu sikandan wey pendegdeha niyu ke lipupuk diyà te menge paa niyu.

Mateo 10:40

“Piya entei ne etew,” ke si Hisus, “ne edtelimà keniyu, ne midtelimà dema kediey. Ne misan entei ne etew ne edtelimà kediey, ne kenà siak dà se midtelimà din su ke Amey ku rema ne Eleteala ne midsuhù kediey ne midtelimà din ded.

Lucas 10:8

“Piya endei ne inged se egkeumaan niyu ne ruen egalàhalà keniyu, ne telimaa niyu misan engkey se idsaru ran keniyu.

Nenged-ulaula 20:33

Ne egkehiyen ku rema keniyu te warà a meima te kureta wey tamuk te piya engkey ne etew.

Ruma 16:18

Su ke menge etew ne iring kayi ne kenà iyan dan edumaan si Hisu Kristu ke Kerenan tew, ugaid ne iyan den dà edumaan ne ke kiyug diyà te hinawa ran. Metau ran ne edlalag wey metau ran ne edlana dut te hinawa te menge etew su apey ran egkeekali ke menge etew ne kenà pà metau dut te benar ne penurù.

2 Kurintu 1:12

Nehalew key te netuenan dey ne warà meraat ne mid-ulaula rey diyà te menge etew, labi en kayi te keniyu. Ini se ed-ul-ulaan dey ne metidtu su iyan dey edtumanen ke kiyug te Eleteala. Ne kenà kememenusiyai rà ne ketau se edumaan dey, su iyan dey edserihan ne ke tavang te Eleteala kenami su apey iyan dey ed-ul-ulaan ne ke ebpekesuhat.

2 Kurintu 11:16

Ne edseupan ku te egkahi te kenà niyu iyan kebpegitung kedì ne egkevengùbengù a su sabap dut te kegkehiya ku atag te kedì ne hinawa. Ugaid ne misan arà se egkepegitung niyu, ne tigker kew se ebpemineg te kedì ne keeetawi.

2 Kurintu 11:9

Su ke keniyan e pà te keniyu ne warà a mebuyù te misan engkey ne peginawà ku su iyan mibehey kedì te misan engkey ne kurang ku ne ke menge etew ne mibperetiyaya riyà te inged ne Mesidunya. Warà a mebuyù keniyu wey kenà a iya ebpekeuringer keniyu te misan keenu ne hewii.

2 Kurintu 4:2

Ayan se ibpegelesà ne ulaula ne ebpekeyeyà ne mid-engkeran dey. Kenà dey ed-ul-ulaan se kebpegekalà. Kenà dey edsembian ke Lalag te Eleteala, ugaid ne iyan dey egkehiyen ne ke benar. Iyan dey rà ed-ul-ulaan ne ibpekita te menge etew te warà meraat ne itungan dey, ne netuenan ini te Eleteala su sikandin se ed-usisa te langun ne ulaula rey.

Pilipus 2:29

Ne ketà te kebpekeuma rin ne gelhelawa niyu sikandin su tidtu ne suled tew sikandin egenat te kebperetiyaya rin te Kerenan tew. Ipekita niyu te ked-adat niyu te menge etew ne iring ki Ipapruditu.

Kulasi 4:10

Si Aristarkus ini se ruma ku kayi te bilengguan ne ebpenginginsà ke memenu red se egketemanan niyu keniyan. Wey elin dema si Marcos ini, ke suled ni Bernabe. (Embiya ebpekeuma sikandin keniyan te keniyu ne gelhelawa niyu sikandin su arà ke ingkahi ku keniyu.)

1 Tiselunika 2:10

Su ketà te riyà key pà te keniyu ne netuenan niyu wey ke Eleteala rema ne netuenan din te meupiya se ed-ul-ulaan dey keniyu ne menge mibperetiyaya. Warà igkesawey te ed-ul-ulaan dey su mid-ulaula rey ke ebpekesuhat te hinawa te Eleteala.

Filemon 1:12

Na ibpeulì ku pè be sikandin diyà te kenikew misan merasey en te hinawa ku se kebpekedsuwey rey.

Filemon 1:17

Na engketà be arà embiya benar pà ne edsuled ki, ne telimaa nu sikandin iring te siaken ded.

2 Juan 1:10

Tembù be embiya ruen ebpekeuma riyà te keniyu ne kenà ebpenurù te ini se tidtu ne penurù ni Hisu Kristu, ne kenà niyu ipepemenayik diyà te baley niyu. Ne kenà niyu rema gelhelawa sikandin.