2 Kurintu 7:15 - Ke meupiya ne tudtul mekeatag ki Hisu Kristu

¹⁵ Arà be se in-iseg te kerekelà te limù din keniyu su embiya egketenuran din se keduma niyu rut te lalag din wey ke kinekehalew niyu kandin, misan engketà te utew en ne ingkekiyab te hinawa niyu se kebpekeuma rin su ke kegkeandek niyu ke ruen warà niyu metuman.

2 Kurintu 7:15 ပူးပေါင်းရင်းမြစ်များ

Juan 16:21

Iring ded dema te meritan ne ebpelelesut en te ked-anak din su neuma en ke kegkerasey rin. Ugaid ne embiya nekehemew en ke vatà, ne egkelipatan din en ke mesakit su nehalew sikandin dut te behu pà ne in-anak din.

Nenged-ulaula 16:29

Ini se ebantey, ne mibpengumew te ebpeewit te sulù. Ne ketà ne migaangaan midlusud kayi te menge bilanggù ne mibpenimbuel diyà te sineruwan ni Pablo ki Silas se migkerker te andek din.

1 Kurintu 2:3

Su ketà te nekeubpà a riyà te keniyu ne mibmeluvey se lawa ku ne iring te migkerker a su igkeandek ku kema ke kenà ku egkegaga te edtuman ke insarig kedì te Eleteala.

2 Kurintu 2:9

Su midsuratan ku rà sikiyu su apey ku egkekita kayi ke benar ne eduma kew rut te langun ne penduan ni Hisu Kristu ne impenurù ku keniyu.

2 Kurintu 6:12

Su kenà kew gimbis dà te hinawa rey, ugaid ne sikiyu se kurang se hinawa rin kenami.

Ipisu 6:5

Sikiyu ne menge edsugsuhuen, perumaruma kew dut te edsuhùsuhù keniyu kayi te ampew te dunya. Edati niyu sikandan ne ipehenat niyu te hinawa niyu ke kedtuman niyu dut te helevek niyu iring te si Hisu Kristu ke edsuhù keniyu.

Pilipus 1:8

Su netuenan te Eleteala ne egkelimengawan a nevenar keniyu su warà meamin te lawa ku se limù ku keniyu iring dut te kegkelimù ni Hisu Kristu keniyu.

Pilipus 2:12

Engketà be menge suled ne igkelimù ku, iring dut te kebperumaruma ni Hisu Kristu te Amey rin ne Eleteala ne ebperumaruma kiyu rema. Gewii te keniyan e pà te keniyu ne mibperumaruma kew rut te penurù ku keniyu, ne wey kew pè be maa kenà mebperumaruma dut te penurù ku ke warà ad. Ibpereyun niyu te ed-ulaula ke kedtuman niyu te kiyug te Eleteala keniyu, ne arà se kegkepasad te kebperetiyaya niyu. Ne ul-ulaa niyu ini egenat te dekelà ne adat niyu te Eleteala wey ke kegkeandek niyu te edsurang te lalag din.

Kulasi 3:12

Sikiyu ke menge mibpemilì te Eleteala ne nevaluy ne menge sakup din ne igkelimù din nevenar, tembù be iyan niyu ul-ulaa ke ebpekesuhat kandin. Pekita kew te kegkeyru niyu diyà te menge ruma niyu, ne peketulanged kew kandan. Ne kenà niyu ibpeuna ke hinawa niyu, ugaid ne ipeembavà niyu ke hinawa niyu rut te menge ruma niyu apey ran egkekita se keamuk niyu wey kedtigker niyu.

2 Tiselunika 3:14

Ne embiya ruen kenà eduma kayi te suhù ne insurat dey keniyu ne turiki niyu sikandin. Ne belehara niyu sikandin su apey egkeyeyai.

1 Juan 3:17

Ne embiya ruen etew ne ruen id-uyag din ne egkekita rin ini se ruma rin ne kurang nevenar ugaid ne kenà din edtevangan su warà kegkeyru rin, ne kenà egkepakey ne ruen limù din te Eleteala.