2 Kurintu 7:14 - Ke meupiya ne tudtul mekeatag ki Hisu Kristu

¹⁴ Ingkepedantal ku sikiyu ki Tito te warà pà sikandin mebpengkeniyan te keniyu, ne warà e red mekegkeyà su nekita rin te ini ne benar. Ne langun ne impenudtul ku keniyu ne benar, ne engketà ded dema ke migkahi ku ki Tito mekeatag keniyu ne benar.

2 Kurintu 7:14 ပူးပေါင်းရင်းမြစ်များ

Juan 17:19

Su atag dut te limù ku kandan ne idrumakan ku keykew ini se hinawa ku su apey ran dema idrumakan nevenar ke hinawa ran keykew.

2 Kurintu 10:8

Ne misan ke merakel ku egkehiya te ruen kebayàbayà dey keniyu ne kenà ku igkeyeyai su si Hisu Kristu ke mibehey kedì ketà. Ne kenà din iyan kinevehayi kedì te kebayàbayà se kedereeti rut te kebperetiyaya niyu, ugaid ne ebaher wey ked-iseg te kebperetiyaya niyu.

2 Kurintu 12:6

Ugaid ne misan egkiyug a ne edantal ne kenà egkepakey ne egkehiyen niyu se iring a te egkevengùbengù, su ini se idantal ku ne benar. Ugaid ne kenà a edantal su apey warà etew ne iyan a ebpeleviyen dan. Ugaid ne iyan ku egkiyuhan ne ke gelevek ku wey ke menge penurù ku ne ketà ebpekepuun ke pegitungan dan mekeatag kedì.

2 Kurintu 2:13

Ugaid ne iyan ingkepeguru te hinawa ku ne warà ku metuen ke suled tew ne si Tito. Geina te warà ku metuen sikandin, ne mibpemehetew ad dut te langun ne mibperetiyaya ketà su midlaus ad diyà te inged ne Mesidunya.

2 Kurintu 7:13

Ketà puunan ne rekelà se kegkehalew ku. Ne mid-iseg se kegkehalew ku te nekita ku ke kinekehalew ni Tito, ne iyan din kegkehalew su nekita rin ke meupiya ne menge ulaula niyu kandin ne nevag-et se hinawa rin.

2 Kurintu 7:4

Rekelà se kedsarig ku keniyu, ne lelayun ku rema egkereyù sikiyu. Misan merakel se kemerehenan ku, ne warà lavew mepiley ke itungan ku su rekelà nevenar se kinekehalew ku keniyu.

2 Kurintu 7:6

Ugaid ne ke Eleteala se ebehey te melintad ne hinawa te menge etew ne egkerehenan, ne neveelan din se kegkehalew te hinawa rey ketà te kebpekeuma ni Tito.

2 Kurintu 8:24

Ipekita niyu ve kandan ke limù niyu su apey metueni rut te langun ne mibperetiyaya te misan endei ne inged se benar iya ke limù niyu rut te menge ruma niyu. Engketà be arà ne egketuenan dan dema se benar iya ke kinereyù dey ne metidtevangey kew.

Pilipus 1:26

Ini se kiyug ku su apey ketà te ebpemekebalak kiyu en ne ebpekereyù kew ki Hisu Kristu su mekeatag te ini.

2 Tiselunika 1:4

Tembù be diyà te langun ne menge kevurunan te menge ruma tew ne mibperetiyaya te Eleteala ne indantal dey ke kegkehalew rey mekeatag keniyu. Uya, indantal dey mekeatag te kebperetiyaya niyu ne mibmeilut misan egkerasey kew dut te kebpekesekiti keniyu.