2 Kurintu 6:18 - Ke meupiya ne tudtul mekeatag ki Hisu Kristu

¹⁸ Ne siak ne egkevaluy ne Amey niyu, ne sikiyu ke menge anak ku.” Arà ke migkahi te Eleteala ne ebayàbayà te langun.

2 Kurintu 6:18 ပူးပေါင်းရင်းမြစ်များ

Juan 1:12

Ugaid ne misan engkey ne etew se midtelimà wey mibperetiyaya en kandin ne mibehayan din te ketenged te egkevaluy ran ne tuney ne menge anak te Eleteala.

Ruma 8:19

Ne meilut nevenar se kebpenareng dut te langun ne midlimbag te Eleteala te ebpekeuma ke hewii ne kebpayag te Eleteala te kandin ne menge anak.

Ruma 8:29

Su daan en ne netuenan te Eleteala ke engkey se ebperetiyaya kandin, ne sikandan se nepemilì din neraan su apey sikandan ne ebpekeiring ki Hisus ke Anak din. Iyan din ked-iringa ketà su apey sikitew ne mibperetiyaya ne ebpekeiring ki te ari rà ne anak din ne iyan tew kakey ne si Hisus.

Gelasiya 3:26

Ketà be ne egenat te sarig niyu ki Hisus ne nevaluy kew rema ne anak te Eleteala.

Ipisu 1:5

ne kiyug din ne egkevaluy kiyu ne kandin ne tuney ne anak ibpepevayà dut te kebpebpatey ni Hisus su arà ke kandin ne kiyug.

Imperayag 1:8

Ini se Kerenan tew ne Eleteala ne mekegehem, ne daan en sikandin te warà pà limbaha ke misan engkey en ne kemulu pà sikandin guntaan wey sikandin ded lavew taman te taman. Tembù be migkahi te, “Siaken ke Alpa wey Omega.” Ne ke meana kayi ne warà kurang din su sikandin ke ebpuunan te langun taman ne sikandin dema ke ebpeengked dut te langun.

Imperayag 21:22

Warà nekebpuru ne valey te Eleteala ne nekita ku ketà te inged su iyan iring dut te nekebpuru ne valey te Eleteala ne ke Kerenan ne Eleteala ne mekegehem wey ke Nati te Bilibili ne dutun en.

Imperayag 21:7

Ne piya engkey ne kenà egkegaga rut te penggeram te datù te pekaid ne ibehey ku kandin ini se umur, ne siaken ke Eleteala rin ne anak ku rema sikandin.