2 Kurintu 6:1 - Ke meupiya ne tudtul mekeatag ki Hisu Kristu

¹ Engketà arà ne mid-amung key dut te Eleteala te egelevek dut te helevek din kayi te ampew te dunya. Ne ebuyuen dey keniyu ne ibpekita niyu te mid-upianan niyu ke daat te nanam din keniyu su apey kew ebpekeliyu.

2 Kurintu 6:1 ပူးပေါင်းရင်းမြစ်များ

Mateo 23:37

“Ey, igkerurunù ku sikiyu ne menge mehinged te Hirusalim! Su sikiyu ke mibpengimatey te menge etew ne mibpelambas te Lalag te Eleteala, wey mibpenrumbag niyu te batu ke menge etew ne midsuhù te Eleteala keniyan te keniyu! Kenà kepipira ku rà perem eburuna sikiyu su edtugenuren ku sikiyu ebpekeiring te upa ne edlekup te anak din, ugaid ne kenà kew ebpelekup kediey!

Nenged-ulaula 11:23

Guna su nekeuma sikandin ne nekita rin arà se rekelà ne penaub te Eleteala ketà te menge etew. Ketà ne nehalew nevenar sikandin wey mibag-et din sikandan te egkahi te geweri ran te nevaher arà se kebperetiyaya ran ki Hisu Kristu ke Kerenan.

Nenged-ulaula 14:3

Ne malù meuhet se ked-ubpaubpà ni Pablo ki Bernabe ketà te inged ne Ikunya. Ne warà kegkeandek dan te ebpesabut mekeatag ki Hisus ne Kerenan. Ne mibpekita ke Kerenan dut te menge etew te benar arà se Lalag ne impesabut ni Pablo mekeatag te kegkeyru te Kerenan kandan su imbehey rin kandan ke gehem din te ebaal te ulaula ne mekegeyip wey mekeinuinu ne ed-ul-ulaan.

Ruma 12:1

Engketà be menge suled ku, ne geina te rekelà se keupianan ne imbehey te Eleteala keytew, ne ebuyuen ku keniyu te irumakan niyu kandin ke lawa niyu te ed-ulaula te kiyug din dà su apey kew ebpekesuhat te hinawa rin. Ini se ed-ul-ulaan niyu su ini ke dait ne ralan te kebpengarap niyu kandin.

1 Kurintu 3:9

Su sikami ki Epulus ne teleduma te egelevek te Eleteala, ne sikiyu ke iring te pengengewiran te Eleteala ne ebpehelevekan din kenami. Iring kew rema te ebelayan te Eleteala ne warà pà meipus.

2 Kurintu 10:1

Na siaken ini si Pablo ne ruen suhù ku keniyu. Su siaken kun ne telawen ke embiya riyan a te keniyu, ugaid ne meharang kun ke menge lalag ku keniyu embiya riyan a te meriyù ne iyan ku kebpekidlalag keniyu ne kayi te surat. Ne ini se suhù ku guntaani ne iyan ku ed-iringan se kebpekidlalag ni Hisu Kristu ne kenà meharang su menanew,

Gelasiya 2:21

Su embiya edlived e red te keduma rut te penduan ne intahak ki Moises, ne ed-iniyug a te tavang te Eleteala ne midtelimà ku pehaney. Su embiya iyan kebmetidtu te etew ne eduma dut te penduan ni Moises, ne warà en pantag din ke kinepatey ni Hisus.”

Gelasiya 3:4

Menu, warà atag din ke langun ne penaub te Eleteala ne imbehey keniyu gewii te midsarig kew kandin? Duen iya!

1 Tiselunika 3:5

Tembù be ketà te nerineg ku mekeatag te kebpekesekiti keniyu ne warà a meketigker, ne impepengkeniyan ku si Timoteo su apey ku metueni mekeatag dut te kebperetiyaya niyu. Su neuru ad su kalu ke negaga kew en rut te penggeram ni Setanas ke datù te pekaid, ne ketà ne ke helevek dey te ebpemesabut te Lalag te Eleteala ne warà atag din.

Tito 2:11

Su impekita en kenitew te Eleteala ke tavang din su apey langun te menge etew ne ebpekeliyu dut te kedusa te salà dan.

Hibruhanen 12:15

Uram kew te kenà kew ebpekeiniyug dut te tavang wey limù te Eleteala. Su ke etew ne ed-ulaula te iring kayi se ebpekepeneheewit te ruma pà ne etew su iring en be te sagbet ne ebehas te mepait ne ebpekeilu.

Hibruhanen 12:25

Na itaan niyu ve ke telinga niyu te eduma rut te lalag te Eleteala. Su ke menge etew rengan ne warà mebpemineg dut te kedseysey kandan ni Moises te penduan te Eleteala, ne midusaan dan te Eleteala. Na iyan ki pè be kenè ki dusai embiya kenè ki ebperumaruma rut te impepenudtul din kenitew te Anak din ne riyà ebpuun te langit.

Hibruhanen 4:1

Na in-amung ki en rema te Eleteala dut te impasad din te ebpekelusud dut te inged ne impenehana rin ne ebpeimelayan din te menge etew rin. Tembù be ed-uram kiyu su apey warà seveka rà ne egketahak te kedlusud ketà te inged ne ed-imelayan ne impasad din.

1 Pedro 4:10

Su sikita ne ruen edsusunan te ketau ne imbehey te Eleteala te uman senge etew keyta. Ne iyan din kebehey su apey kiyu mekedtevangey, ne iyan iya se id-usar ta te meupiya ini se insarig din keyta.