2 Kurintu 5:9 - Ke meupiya ne tudtul mekeatag ki Hisu Kristu

⁹ Ugaid ne misan endei kiyu meketahù kayi te ampew te dunya etawa riyà te langit, ne iyan ta edumaan ne ke kiyug te Eleteala.

2 Kurintu 5:9 ပူးပေါင်းရင်းမြစ်များ

Juan 6:27

Kenà niyu iyan pegelepi ke egkeenen kayi te ampew te dunya su edsahad dà. Ugaid,” ke si Hisus, “ne iyan benar ne pegelepi niyu ke egkeenen ne ebpekevehey te umur ne warà edtemanan din. Ini se egkeenen ne siaken ke Impeanak te Menusiyà ke ebehey keniyu, su ruen gehem ku ne imbehey kedì te Amey ku ne Eleteala.”

Nenged-ulaula 10:35

su ke etew te misan endei ne inged ke embiya ed-edatan din ke Eleteala wey metidtu se ulaula rin ne edtelimaan dut te Eleteala.

Ruma 14:18

Su embiya iring ketà se kegkerumai tew ki Hisu Kristu ne ebpekesuhat ki te hinawa te Eleteala, ne egkesuatan dema rut te menge ruma tew ke menge ulaula tew.

Ruma 14:8

Su taman te biviyag ki pà ne iyan iya se ibpeuna tew ke kiyug te Kerenan tew, ne ketà te kebpatey tew ne sikandin ded se kemuney keytew. Su iyan din meana ne kepatey keuyag ne iyan egkemuney keytew ne ke Eleteala.

Ruma 15:20

Su iyan ku pegungayà ne riyan a ebpemenudtul te Meupiya ne Tudtul te menge etew ne warà pà bulug mekerineg su apey kenà a ebpekelapis dut te nepenudtulan en te ruma ne etew.

1 Kurintu 15:58

Engketà be arà menge suled ne rekelà te hinawa ku, ne itindehi niyu te mevaher ke kebperetiyaya niyu dut te Kerenan tew ne si Hisu Kristu ne kenà niyu perina ke itungan niyu misan duen penggeram ne ebpekeuma kayi te keniyu. Ne pegelepi niyu te edtuman ke kiyug din su netuenan tew te ruen keupiya rin ke langun ne ed-ul-ulaan tew diyà te kandin.

2 Kurintu 5:6

Tembù be lelayun mevag-et se hinawa ta. Netuenan ta te taman ne kayi kiyu pà ed-ubpà te ampew te dunya, ne nekepekeriyù kiyu pà te ked-ubpà ta ki Hisu Kristu ke Kerenan tew.

2 Kurintu 5:8

Uya, lelayun mevag-et se hinawa ta, su iyan ta egkiyuhan ne egkeawaan ta ini se lawa ta ne kayi rà te ampew te dunya su apey kiyu riyà mekeubpà te ki Hisu Kristu ke Kerenan tew.

Ipisu 1:6

Ketà be ne edeyù kiyu te Eleteala dut te mepmeupiya ne tavang din ne imbehey rin dè duen kenitew, su impepengkayi rin te kenitew ke Anak din ne ingkelimù din nevenar ne si Hisu Kristu.

Kulasi 1:10

Ini se ibpengeningeni rey su apey kew ebpeketuman rut te kiyug te Eleteala wey langun ne ed-ul-ulaan niyu ne ebpekesuhat te hinawa rin. Ketà ne ini se meupiya ne ed-ul-ulaan niyu ne ed-iseg wey ke nesebutan niyu mekeatag te Eleteala ne egkeumanan.

Kulasi 1:29

Ini iya se ebpegelepan ku te egelevek ne embiya kediey rà ne kenà ku ini egkegaga, ugaid ne ke baher ni Hisu Kristu se ibpekegaga ku.

1 Tiselunika 4:1

Na menge suled, ketà te keniyan key pà te keniyu ne impenurù dey en keniyu ke engkey se ulaula te ked-ubpà ne ebpekesuhat te hinawa te Eleteala, ne ini ne midumaan niyu en. Ne guntaani ne ebuyuen dey te umani niyu pà ke meupiya ne ulaula niyu su ini se migkahi keyta rut te Kerenan tew ne si Hisu Kristu.

1 Tiselunika 4:11

Ne ruen ruma pà ne ebuyuen ku te iyan niyu itahù te hinawa ne kemelinew ne betasan. Ne kenà kew ed-amung-amung te ulaula te menge ruma niyu, ugaid ne peketehel kew se egelevek su apey ruen keuyahan niyu iring dut te impenurù dey keniyu.

1 Timoteo 4:10

Tembù be ebpegelep te egelevek te Eleteala su edsarig ki te Eleteala ne warà kemetayan din ne iyan ebpekepeliyu te langun ne menge etew, labi en ke menge etew ne mibperetiyaya kandin.

Hibruhanen 12:28

Engketà be ne ebpeselamat ki te Eleteala su ebpekeamung ki kandin te edatù ketà te behu ne dunya ne kenà egkevinasa taman te taman. Ebpeselamat ki wey ed-erapen tew ke Eleteala dut te ulaula ne ebpekesuhat te hinawa rin. Ne ed-edatan tew sikandin ne iduma se kegkeandek,

Hibruhanen 4:11

Engketà be ne ebpenemaran tew su apey kiyu ebpekelusud ketà te inged ne ebpeimelayan ne impasad te Eleteala. Ne ed-uram kiyu su apey kenà kiyu mekeiring dut te menge etew rengan ne warà dan mekelusud su warà dan peretiyayaa ke migkahi te Eleteala kandan.

2 Pedro 3:14

Na menge suled, tehaad te arà ne hewii se edteharan tew, ne id-amin tew ke hinawa tew te ed-ulaula te kiyug te Eleteala su apey warà meraat kayi te keytew ne igkesawey rin ketà te kebpekeuma rin wey apey melinew se hinawa ta diyà te kandin.