2 Kurintu 5:7 - Ke meupiya ne tudtul mekeatag ki Hisu Kristu

⁷ Su taman te ed-ubpà kiyu pà kayi te ampew te dunya, ne eduma kiyu ki Hisu Kristu ibpepevayà te sarig ta kandin misan kenà ta egkekita sikandin.

2 Kurintu 5:7 ပူးပေါင်းရင်းမြစ်များ

1 Kurintu 13:12

Ne taman te kayi ki pà te ampew te dunya ne iyan te rà nesebutan ne iring te edtengteng ki riyà te pehelungan ne egkempuran en su kenà utew mepayag se kedtengteng ta. Ugaid ne keuremà ne kenà alung dà se egkekita ta su iyan ta egkekita ne si Hisu Kristu. Ne misan ini se nesebuten ku guntaani ne kenà pà meimpit, ne ruen hewii ne ebpekeuma ne ed-imesaren te Eleteala ke nesebutan ku iring dut te nesebutan din mekeatag kediey.

2 Kurintu 1:24

Ne kenà dey iyan itungan ne ebayvayaan dey sikiyu ke engkey se kebperetiyaya niyu mekeatag ki Hisu Kristu, su netuenan dey te nekesuhat ke kebperetiyaya niyu. Ugaid ne iyan dey kiyug ne edtavang key keniyu su apey ebpekeiseg ke kegkehalew niyu te keduma ki Hisu Kristu.

2 Kurintu 4:18

Su kenà iyan egketutub te hinawa rey ne ini se egkekita ne langun taman kayi te ampew te dunya, ugaid ne iyan benar ne neketahù te hinawa rey ne arà se kenà egkekita. Su ini se egkekita tew ne mehaan ne id-anew te mata tew, ugaid ne arà se kenà tew egkekita ne ibehey te Eleteala keytew ne kenà id-anew te mata taman te taman.

Gelasiya 2:20

Ne sabap dut te kinesarig kud ki Hisus ne iring te nekeamung ad te kinepatey rin diyà te pinebelavag ne kayu. Su ingenat ketà ne kenà ke kiyug ku se edwayàwayà kedì, ugaid ne ke kiyug ni Hisu Kristu su sikandin se ed-ubpà kayi te hinawa ku. Ne taman te kayi e pad ed-ubpà te ampew te dunya ne idtepeney ku ke umur ku te edtuman dut te kiyug ni Hisus ke Anak te Eleteala ne egkelimù kedì ne midselidig kedì te kebpatey.

Hibruhanen 10:38

Ne ke menge etew ne metidtu kayi te etuvangan ku ne edtigkeran dan te piya engkey se kemeresayan su atag dut te kebperetiyaya ran kediey. Ugaid ne embiya ruen etew ne ed-engked se eduma kediey, ne warà iya kegkehalew ku kandin.”

1 Pedro 1:8

Ne misan warà niyu pà mekita si Hisus ne ikelimù niyu sikandin, ne ebperetiyaya kew kandin misan kenà niyu egkekita sikandin guntaani. Ne egkekita ini dut te dekelà ne kegkehalew niyu ne kenà egkerepengan wey kenà igkeupama.

1 Pedro 5:9

Tembù be ed-iluten ta ke kebperetiyaya ta te Eleteala su apey ebmevaher ke hinawa ta te ed-atu ki Setanas. Ne netuenan ta te kenà sikami rà se egeram te keresayan su langun ne menge ruma ta ne mibperetiyaya te piya endei ne inged.